132
Şəkil 9. DDA-nın skeletonizə çıxarılma metodikası
SAĞ DAXİLİ DÖŞ ARTERİYASI
Şəkil 10. DDA-nın angioqrafik
və KT angioqrafik görüntüsü
Sağ DDA - sağ tac arteriyası və ürəyin iti kənari (akut marginal) şaxəsini anastomoz
etmək üçün ayaqcıqlı (pediküllü)qreft olaraq istifadə olunur. Bu arteriya kifayət qədər uzun
olarsa, sağ tac arteriyanın arxa enən şaxəsini də anastomoz etmək mümkündür. Ayaqcıqlı
transplantant tac arteriyaya anastomoz edilməzdən əvvəl perikardda diafraqmal sinirin
133
qarşısında bir pəncərə açılır və transplantant oradan keçirilir. LAD və ya diaqonal şaxələr
də pediküllü sağ DDA ilə anastomoz edilə bilər. Bunu DDA-nı sola aortanın üzərindən
keçirərək etmək olar. Transplantant diafraqmal sinirə anterior olacaq şəkildə mediastinal
plevra və perikardiumda olan bir pəncərədən keçir.Timusun arxasında və aortanın qar-
şısında inferiora doğru keçirilir, alternativ olaraq pedikül transvers sinusdan keçirilərək sol
atrial appendiksin yanına çatır. DDA daha sonra LAD-ın diaqonal şaxələrinə, intermediat
art., dolanan arteriyanın marginal şaxələrinə anastomoz edilə bilər.
Sərbəst sağ DDA istənilən hər hansı bir tac arteriyanın distalına anastomoz edilə bilər.
Şəkil 11. İn-situ
sağ DDA sağ tac
arteriyasına anastomoz edilib.
Şəkil 12. İn-situ
sağ DDA sol tac
arteriyasına anastomoz edilib.
DİQQƏT EDİLMƏLİ ASPEKTLƏR
DİAFRAQMAL SİNİRİN ZƏDƏLƏNMƏSİ
Diafraqmal sinir DDA-nın proksimal sərhədinə çox yaxın yerləşir və DDA-nın
mobilizasiyası zamanı diafraqmal sinirin zədələnməsi təhlükəsi yaranır. Sol tərəfdə
diafraqmal sinir, a.subclavia və v. subclavia-nın arasından keçir, toraksa DDA-nın
qarşısında lateraldan mediala doğru davam edərək girir. Daha sonra anteriorda seyr edərək,
ağciyərin hilusuna doğru enir. Sağ tərəfdə də eyni trayektoriyanı izləyir, lakin diafraqmal
sinir a.subclavia-dan m. scalenous anterior ilə ayrılır. Döş qəfəsinə daxil olduqda, sinir sağ
braxiosefalik vena, superior vena cava və perikardın lateralında davam edir. Əhəmiyyətli
anatomik variasiyalarda, diafraqmal sinir DDA-nın arxasında yer alır. 20% hallarda
diafraqmal sinirin lifləri v.subclavia-nın anteriorunda yerləşir və DDA-nın mobilizasiyası
əsnasında zədələnə bilir.
YANLIŞ İSTİQAMƏTDƏ MOBİLİZASİYA