135
əmələ gəlirsə, rezeksiya və reanastomoz edilməlidir. Əgər axın zəifdirsə, səbəb tapılana
qədər transplantant boylama olaraq açılmalıdır. DDA axınında bir şübhə varsa,
transplantant istifadə edilməməlidir.
DDA-nın distal ucunun mediası, elastinə nisbətdə daha çox saya əzələ hüceyrəsinə
malikdir. Distal DDA-nın kontraksiyası diametri ilə tərs mütənasibdir; diametr kiçildikcə
spazma meyllilik artmaqdadır. Arteriyanın nisbətən proksimal hissəsinin isifadəsi, konduit
spazmını azaltmaqda və arteriyanın konduit olaraq keyfiyyətini artırmaqdadır. Sərbəst
DDA konduitinin açıq qalma nisbəti in situ konduitlər ilə təxminən eynidir.
İllər RCA/PD
A
Cx/mar
g
LAD/
d
cəmi
2
0.98
1.0
1.0
0.99
4
0.89
1.0
0.98
0.92
6
0.89
0.91
0.98
0.92
8
0.85
0.91
0.95
0.89
Cədvəl 2. Pediküllü sol DDA qreftinin açıq
qalma nisbətləri
MİL ARTERİYASI QREFTİ
Mil arteriyası ilk dəfə 1971-ci ildə Carpentier tərəfindən konduit olaraq istifadə edildi.
Broussais xəstəxanasında 30 xəstəyə mil arteriyası istifadə edilərək koronar şuntlama
cərrahiyyəsi tətbiq olundu. 4 il sonra Nyu-Yorkdakı illik Toraks Cərrahiyyəsi konfransında
Carpentier mil arteriyası transplantatlarının tutulma nisbətinin 30 % olduğunu açıqladı.
Daha sonra Carpentier bu tutulmanıdenervasiya olan damardakı spazmla əlaqələndirdi və
bu problem həll edilənə qədər mil arteriyasından transplantant kimi istifadə edilməməsini
tövsiyə etdi. Qısa müddətdən sonra, bu nəticələr ABŞ-dakı iki fərqli mərkəz tərəfindən də
təsdiqləndi və mil arteriyasının qreft kimi istifadəsi tamamilə tərk edildi.
1989-cu ildə 14 il əvvəl əməliyyat (LAD revaskulyarizasiyası) olunmuş bir xəstədə
icra olunan kontrol koronar angioqrafiya zamanı açıq (patent) mil arteriyası qrefti müşahidə
edildi. Transplantantda xəstəliyə aid olan hər hansı bir dəlilə rast gəlinmədi. Daha sonra 5
xəstəyə edilən angioqramda 13-18 il əvvəl əməliyyat keçirən xəstələrdə mil
arteriyasınınaçıq olduğu aşkar edildi.
Tutulmuş konduitləri olan xəstələrdətransplantant çatışmazlığının potensial səbəbi mil
arteriyasının hazırlanması ilə izah edildi. Əvvəllər mil arteriyası onu müşahidə edən
venalardan ayrı olaraq disseksiya edilirdi. Vazodilatatorlar olmadığından damarların
proqressiv dilatasiyası metal problardan istifadə edilərək aparılırdı və bu da intimanın
zədələnməsinə səbəb olurdu. Uzunluğunun və keyfiyyətinin əvvəlcədən təyin olunması mil
arteriyasını koronar şuntlama cərrahiyyəsində mükəmməl bir konduit etmişdir.
İşemiyanınqarşısını almaq üçün mil arteriyası çıxarılmazdan əvvəl saiddə və əldə dirsək
136
arteriyasının kollateral dövranının kafi olduğundan əmin olmaq lazımdır.
ANATOMİYASI
Bazu arteriyası dirsək çuxurunda – mil sümüyünün boynu səviyyəsində və dirsək
oynağından 1 sm aşağıda, mil və dirsək arteriyalarına ayrılır. Mil arteriyası bisipital
aponevrozun altında yerləşir. Saidin ön tərəfinin 2/3 proksimal qismində mil arteriyası
braxioradial əzələnin altında seyr edərək, distal 1/3 qismində isə səthiləşərək dərinin altında
davam edir. Mil arteriyası sırayla biseps vətəri, supinator teres, pronator teres, flexor
digitorum superficialis, flexor pollicis longus, pronator quadratus və radiusun alt ucunun
üzərində davam edir. Mil arteriyasının ilk şaxəsi rekurent mil arteriyadır. Bu şaxə dirsək
oynağının ətrafındakı anastomozda iştirak edir. Bir çox muskulyar şaxələr saidin radial
qismindəki əzələləri qidalandırır.
Palmar karpal şaxələr biləkdəki dərin fleksor tendonların damarları ilə anastomoz
yaradır. Superfisial palmar şaxələr, dirsək arteriyasının uc qismi ilə bağlanaraq superfisial
palmar qövsü əmələ gətirir. Dorsal karpal şaxələr, dorsal karpal qövsün əmələ gəlməsində
iştirak edirlər. Sonlanmasına yaxın baş barmaq və işarə barmağına şaxələr verirlər.Mil arte-
riyası dərin və səthi karpal qövsdə sonlanır.
Şəkil 12. Saidin
böyük arteriya və əzələləri
Şəkil 13. Saidin arteriyaları
137
Şəkil 14. Səthi və dərin palmar qövsü
nümayiş etdirən arteriyalar
Damar quruluşundakı anatomik variasiyalar konduit hazırlanması zamanı mütləq
nəzərə alınmalıdır, əks təqdirdə yuxarı ətrafda ciddi işemiya yarana bilər. Xəstələrin
təxminən 14 %-də mil arteriyasının yüksək nöqtədən ayrılmasına rast gəlinir və xəstələrin
9%-də isə a. brachialis superficialis mövcud olur. Bilək və əl ətrafında çox sayda
anastomozlar variasiyası mövcuddur. Xəstələrin təxminən 6%-də mil arteriyası əlin qan
təchizatında dominantdır. Buna görə də mil arteriyası transplantantı hazırlanan zaman
Allen testi vəya onun hər hansı bir modifikasiyası olan testin aparılması çox vacibdir.
Pletismoqrafiya, doppleroqrafiya və angiografiya kimi daha mürəkkəb testlərə ehtiyac
olmadan, Allen testi ulnar arteriyadan ələ olan qan axınının kafiliyini təyin etmədə istifadə
edilən etibarlı bir testdir. Modifikasiyalı Allen testi daha etibarlıdır.
Şəkil 15. Modifikasiyalı Allen testi
Buna baxmayaraq, səthi palmar şaxənin yüksək bifurkasiyası və ya səthi və dərin əl
qövslərinin ulnar və radial təmsilçilərinin zəif əlaqəsi hallarında da mil arteriyası
çıxarılması əlin işemiyasına gətirib çıxara bilər.