Bütün
bunlara görə, hazırlanmasında müəyyən il fərqləri olsa da, teatrların hamısının
repertuarında, demək olar, eyni əsərlər əsas yer tuturdu. Repertuar üç prinsip üzrə qurulurdu: milli
klassik və çağdaş dramaturqların əsərləri, tərcümə pyesləri, opera və operettalar. Müəyyən istisnalar
edilməklə, bütün teatrların repertuarında aşağıdakı əsərlər oynanılıb.
Milli dramaturqlardan Mirzə Fətəli Axundzadənin "Hacı Qara", "Müsyö Jordan və dərviş
Məstəli şah", Nəcəf bəy Vəzi-rovun "Hacı Qəmbər", "Müsibəti-Fəxrəddin", "Ağa Kərim xan
Ərdəbili", Əbdürrəhim bəy Haqverdiyevin "Pəri cadu", "Bəxtsiz cavan", "Dağılan tifaq", Süleyman
Sani Axundovun "Tamahkar", "Eşq və intiqam", Cəfər Cabbarlının "Sevil", "A1maz", "Aydın",
"Oqtay Eloğlu", "Od gəlini", "1905-ci ildə", Cəlil Məmmədquluzadənin "Ölülər", Sabit Rəhmanın
"Toy", "Xoşbəxtlər", Abdulla Şaiqin "Vətən", Süleyman Rüstəmin "Qaçaq Nəbi", "Çimnaz xanım
yuxudadır", Səməd Vurğunun "Vaqif", "Fərhad və Şirin", Zeynal Xəlilin "Qatır Məmməd", Mirzə
İbrahimovun "Həyat", "Məhəbbət", Mehdi Hüseynin "Nizami", "Şöhrət", "İntizar" (İlyas
Əfəndiyevlə müştərək), Məmmədhüseyn Təhmasibin "Bahar", "Aslan yatağı", Əyyub Abbasovun
"Məük Məmməd", "Barışıq", Əbil Yusifovun "Od içində" əsərləri teatrlarda təkrar-təkrar oynanılıb.
Opera və operettalardan daha çox Üzeyir bəy Hacıbəyovun "Leyli və Məcnun", "Əsli və
Kərəm", "Arşın mal alan", "Məşədi İbad", "Ər və arvad", Müslüm bəy Maqomayevin "Şah İsmayıl",
Zülfüqar bəy Hacıbəyovun "Aşıq Qərib", "Evliykən subay", "Əlli yaşında cavan", Səid Rüstəmovun
"Durna" (dramaturq Süleyman Rüstəm), "Beş manatlıq gəlin" (dramaturq Məhərrəm Əlizadə)
əsərləri repertuarın əsasını təşkil edib.
Tərcümə əsərlərindən müntəzəm göstəriləni Aleksandr Şirvanzadənin "Namus", Georgi
Mdivaninin "Vətən namusu", Konstantin Simonovun "Praqanın şabalıd ağacları altında", Jan Batist
Molyerin "Cancur Səməd", Vilyam Şekspirin "Otello", Ceyms Qou və Arno D'Nyussonun "Dərin
köklər", Vsevolod Rokkun "Mühəndis Sergeyev" dramlarının tamaşaları olub.
Teatrlar opera və operettaları əsasən tar, balaban və ka-manın müşayiətilə göstərirdilər.
Vokal imkanları baxımından Şuşa, Ağdam və Qaryagin teatrlarının daha güclü aktyorları vardı.
Ağdamda Simuzər Hətəmova (Əmirova), Qaflan Muradov, Qaryagində Ağabala Abdullayev,
Şuşada Suğra Bağırova, Ənvər Məmmədov, Salyanda Pənah Pənahov (Aşıq Pənah) ki-mi aktyor-
xanəndələr vardı. Yerlərdə Heydər Şəmsizadə, Cəlil Bağdadbəyov, Cəmil Vəzirov, İbrahim
İsfahanlı (o, Tiflisdən Zaqatalaya gəlmişdi), Cahangir Məmmədov (Aslanoğlu), İsa Musayev, Ağası
Zeynalov, Mikayıl Ağayev, Süleyman Səlim-bəyov, Mürşüd Haşımlı kimi bacarıqlı rejissorlar
işləmişlər.
O dövrdə belə bir ənənə vardı ki, bütün teatrlar dəvətlə rejissorlar çağırır və onların quruluş
verdikləri tamaşaları oynayırdılar. Milli Dram Teatrının şöhrətli aktrisa və aktyorları Şirin, Vaqif,
Nizami, Kərəmov, Oqtay və digər rollarda rayon teatrlarının tamaşalarında çıxış edirdilər.
1948-ci ilin axırlarında SSRİ hökuməti belə bir qərar çıxartdı ki, bütün dövlət teatrları
hökumətin dotasiyasından azad olunsun və özünü maliyyələşdirmə sisteminə keçsinlər. Mövcud
maddi-texniki təchizatla bağlı olaraq Azərbaycan İncəsənət İşləri İdarəsmin müdiri Ayna Sultanova
əmr verdi ki, yeni ildən Ordubad teatrı Naxçıvanla, Ağdaş və Şamaxı teatrları Göyçayla, Şuşa teatrı
Ağdamla, Zaqatala teatrı Şəki ilə, Salyan teatrı Sabirabad ilə, Şənikir teatrı Qazaxla birləşdirilsin.
Bu, o məqsədlə edildi ki, bəlkə teatrlar birləşib güclü heyətdə özlərini yaşada bildilər. Ancaq bunun
səmərəsi olmadı, çünki teatrların tamaşalardan əldə etdikləri qazanc heç aktyorların aylıq maaşlarına
çatınırdı. Buna görə də bir-birinin ardınca Şuşa, Şamaxı, Ağdam, Qazax, Zaqatala, Göyçay, Ağ-daş,
Lənkəran, Bərdə, Ordubad, Salyan, Sabirabad teatrları 1948-1949-cu illərdə bağlandılar. Qaryagin
teatrı öz fəaliyyətini 1951 - 1952-ci il teatr mövsümündə, Quba teatrı isə qısa fasilələrlə 1963-cü ildə
saxlamalı oldu.
Uzun fasilədən sonra 1967-ci ildə İrəvan, 1968-ci ildə Ağdam, 1973-cü ildə Lənkəran, 1974-
cü ildə Şəki, 1989-cu il-də Füzuli, daha sonra isə Qazax və Şuşa teatrları yenidən dövlət statusunda
bərpa olunub fəaliyyətə başladılar.
Kolxoz və Sovxoz Teatrı, onların əsasında yaradılan Dövlət Dram Teatrı adları çəkilən
şəhərlərdə və bütövlükdə Azərbaycan mədəniyyətində teatr sənətinin inkişafı, yüz min-lərlə
teatrsevərin estetik zövqlərinin formalaşması yönündə səmərəli işlər görmüşlər.
AKTYOR MƏKTƏBLƏRİ
Azərbaycan milli peşəkar teatrının janr və üslub nai-liyyətləri zəngin, əlvan və estetik
baxımdan çoxqatlıdır. Teatr tariximiz aktyor yaradıcılığının müxtəlifliyinə,
fəlsəfi-estetik tutumlarına, bədii-psixoloji səciyyələrinə görə fərqlənir. Ayrı-ayrı fərdi yaradıcılıq
üslublarının öz poetika göstəriciləri formalaşıb və bu proses çağdaş dövrdə də davam etməkdədir.
Bununla belə, Azərbaycan teatrının inkişafında üç əsas aktyor məktəbi vardır: realist aktyor
məktəbi, romantik aktyor məktəbi və lirik-psixoloji üslublu aktyor məktəbi. Bu məktəblərin hər
birinin ayrılıqda öz estetik prinsipləri və öz poetika səciyyələri vardır.
REALİST AKTYOR MƏKTƏBİ
Milli teatrımızın ilk peşəkar aktyorlarından biri 1886-cı ildə səhnəyə gəlmiş, az müddətdə
aktyorluğun sirlərinə yiyələnib kamil sənətkar kimi sevilmiş, nüfuz qazanmış Kərbəlayi Cahangir
Zeynalovdur. O, tacir olsa da, fitrətən aktyor idi. Onun zəngin yaradıcılığı, özünün formalaşdırdığı
oyun üslubu milli realist aktyor məktəbinin bünövrəsini qoyub. Sənətkar bu məktəbin poetika
göstəricilərini inkişaf etdirmiş və məhəbbətlə öz yetirmələrinin timsalında yeni nəslə ötürmüşdür.
Cahangir Zeynalovun yaratdığı üslub köklü, əsaslı olduğuna görə fərdi ölçüləri sındırmış,
müstəqil məktəb qüdrəti kəsb etmişdir. Həmin məktəb realist aktyor məktəbi adlanır və uzun
yaradıcılıq yolu keçərək bu günə qədər öz mövcudluğunu saxlamaqdadır.
Realist aktyor məktəbinin Cahangir Zeynalovdan sonra ən layiqli davamçısı və ən görkəmli
nümayəndəsi Mirzağa Əliyev olmuşdur. 1901-ci ildə Nəcəf bəy Vəzirovun "Müsibəti-Fəxrəddin"
tamaşasında səhnəyə çıxan, ömrünün sonuna qədər MDT-də işləyən Mirzağa Əliyev mənsub olduğu
məktəbə xalq yumorunun ləzzətini, milli el oyunlarının təbii koloriti-ni, satiranın poetik
təcəssümünü gətirib. Mirzağa Əliyevin yaradıcılığını estetik mahiyyətinə və məzmun-forma
xüsusiyyətlərinə görə dörd qismə ayırmaq olar:
milli komediyalarımızdakı obrazlar;
dram və faciə əsərlərindəki surətlər;
dünya klassik satira nümunələrindəki xarakterlər;
1921-ci ildə Tənqid və Təbliğ Teatrı yaradılandan sonra operetta tamaşalarında ifa etdiyi
tipik personajlar.
Milli Dram Teatrının səhnəsində realist aktyor məktəbinin görkəmli nümayəndələri Ələkbər
Hüseynzadə, Hacıağa Abbasov, Əzizə Məmmədova, Əbülhəsən Anaplı, Mustafa Mərdanov, Rza
Təhmasib (o, həm də romantik aktyor sayılır), Ağahüseyn Cavadov, Ağasadıq Gəraybəyli,
Məmmədəli Vəlixanlı, Möhsün Sənani, İsmayıl Osmanlı, Əliağa Ağayev, Barat Şəkinskaya (onun
yaradıcılığı həm də romantik aktyor məktəbinə daxildir) olmuşlar. Tiflis DAT-də Mirzəli Abbasov,
Muqu Zamanov, İrəvan DAT-də Yunis Nuri, Naxçıvan Dövlət Dram Teatrının aktyorları Mirhəsən
Mirişli, Səməd Mövləvi, Gənc Tamaşaçılar Teatrında Hüseynağa Sadıqov, Süleyman Ələsgərov,
Osman Hacıbəyov, Azərbaycan Dövlət Musiqili Komediya Teatrında Münəvvər Kələntərli,
Əlihüseyn Qafarlı, Lütfəli Abdullayev, Nəsibə Zeynalova, Bəşir Səfəroğlu, Gəncə Dövlət Dram
Teatrında Məmməd Bürcəliyev, Zülfüqar Baratzadə realist aktyor məktəbinin şöhrətli
nümayəndələrindən olmuşlar. Hazırda bu məktəbin Səyavuş Aslan, Hacıbaba Bağırov, Yaşar
Nuriyev, Afaq Bəşirqızı kimi layiqli davamçıları var.