MÜASİR İNFORMASİYA SİSTEMLƏRİNİN İDARƏ OLUNMASI
___________________________ 192 ____________________________
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 193 ____________________________
İNFORMASİYA TEXNOLOGİYALARI
SERVİSLƏRİ VƏ BİZNES ÜÇÜN
SAHİBOLMANIN İCMAL DƏYƏRİ
İnformasiya texnologiyalarına biznes tələblərinin təyini
problemi informasiya sistemləri xidmətinin idarə edilməsi üçün
münasib olan terminlərdə
ITIL/ITSM modelində uğurla həll
edilmişdir. Bu modelin açar anlayışları olan informasiya
texnologiyaları servisi, informasiya texnologiyaları servisinin
parametrləri (Məsələn, servisin məzmunu, razılaşdırılmış
xidmət vaxtı, əlçatanlığı, məhsuldarlığı, miqyası, qiyməti),
servisin səviyyəsi barədə razılaşma və s. SİD modeli və
fəaliyyət növləri üzrə xərclər (
ABC- Activity Based Costing)
uçotu metodologiyası əsasında servisin tam maya dəyərini
təyin etməyə imkan verir.
Biznes İNSİ xidmətindən nə tələb edir?
İinformasiya sistemləri xidməti tərəfindən
biznesin
dəstəklənməsi dedikdə, biznes-bölmələrə lazım olan müəyyən
məsələlərin həlli nəzərdə tutulur. Fəaliyyət növü üzrə
bölmənin ixtiyari məsələsi informasiya texnologiyaları
vasitələrinin köməyi ilə həll edilir. İnformasiya texnologiyaları
servisinin məzmunu dedikdə, məhz həll edilən həmin məsələ
nəzərdə tutulur. Təşkilatın biznes-proseslər üzrə
fəaliyyətinin
miqyası dedikdə, verilmiş informasiya texnologiyaları servisi
çərçivəsində icra edilən əməliyyatların həcmi başa düşülür ki,
bu da servisin məhsuldarlığına tələbləri diktə edir. Çünki
servisin məhsuldarlığı istisnasız olaraq biznes-əməliyyatlar
terminlərində qiymətləndirilir.
Təşkilatın coğrafi yerləşməsi və biznes-prosesin
xüsusiyyəti servisin əlçatanlığına müəyyən tələblər irəli sürür.
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 194 ____________________________
Məsələn, bir-neçə saat qurşağında yerləşən təşkilat üçün 24x7
rejimində işləyən elektron poçt servisi lazımdır. Bir şəhər
hüdudlarında yerləşən təşkilat üçün isə 8x7 və ya 8x5 rejimdə
işləyən elektron poçt servisi kifayətdir.
Servisin əlçatanlığı və etibarlılığı servisin boşdayanması
ilə bağlı olaraq biznes üçün meydana çıxan itkilərlə müəyyən
edilir. Boşdayanmadan yaranan itkilər boşdayanma müddəti
ilə xətti deyil, qeyri-xətti asılı olur. Məsələn, mobil rabitə üçün
1-2 dəqiqəlik boşdayanma nəzərə çarpan deyil, 1 saatlıq
boşdayanmadan alınan itkilər isə 1 saatlıq gəlir
səviyyəsindədir. 1 günlük boşdayanma böhran müddətidir ki,
bu halda yaranan itkilər 1 günlük gəlirdən qat-qat çox olur.
Servisin məzmunu, məhsuldarlığı, miqyası, əlçatanlığı və
səviyyəsi bir küll halında biznesin həmin servisdən əldə etdiyi
gəliri təyin edir.
BİZNESİN TƏMİNOLUNANLIĞINI NECƏ ÖLÇMƏLİ?
SERV
İSİN SƏVİYYƏSİ BARƏDƏ RAZILAŞMA
İnformasiya texnologiyaları servisinin maya dəyərinin
hesablanması metodikasını izah etməzdən əvvəl bu
hesablamanın təşkilati təminatını nəzərdən keçirmək lazımdır.
Bu baxımdan,
servisin səviyyəsi barədə razılaşma (SSBR) və
bununla bağlılığı olan məsələlər ön plana çəkilir.
Servisin səviyyəsi barədə razılaşma informasiya
texnologiyaları servisinin tətbiqi və istifadəsi üzrə maliyyə
nəticələrinə görə məsuliyyəti parçalamağı nəzərdə tutur.
Məlum olduğu kimi, maliyyə nəticələri gəlirlər və xərclər kimi
iki təşkiledicisi ilə təyin edilir. Gəlirlər biznes tələbləri təhlil
edildikdə, xərclər isə servis planlaşdırıldıqda proqnozlaşdırılır.
Buna görə də gəlirin proqnozu və servisin məzmunu,
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 195 ____________________________
məhsuldarlığı, əlçatanlığı və etibarlılığı üzrə məsuliyyət biznes-
bölmənin üzərinə düşür. İnformasiya sistemləri xidməti
əməkdaşlarının biznes tələblərinin təhlili prosesində rolu
biznes sorğularının informasiya texnologiyaları servisi
parametrlərinin terminlərində şərh edilməsindən ibarətdir.
Xərclərin
proqnozu
və
qeyri-maliyyə
tələblərinin
qiymətləndirilməsi üzrə məsuliyyət informasiya sistemləri
xidmətinin üzərinə düşür. Burada isə konkret məsul şəxs
servisin səviyyəsinin idarə edilməsinə cavabdeh olandır. Bu
bölgü servisin səviyyəsi barədə razılaşmada da qeyd edilir.
Servisin istismara qəbulu başa çatdıqda servisin
parametrləri və müşyiətetmə üçün lazımi resursları SSBR-də
qeyd edilir. Servisin maliyyə nəticələri üzərində nəzarət bu
məqamdan başlanır. Əgər servisin parametrlərinə əməl
olunursa və xərclər planlaşdırılan səviyyədədirsə, faktiki
maliyyə nəticələrinin plana uyğunluğuna biznes-bölmə
cavabdehdir. Servis parametrlərinin servisin səviyyəsi barədə
razılaşmadan kənara çıxmasına isə informasiya sistemləri
xidməti məsuliyyət daşıyır.
İNFORMASİYA TEXNOLOGİYALARI SERVİSİNƏ
SAHİBOLMANIN İCMAL DƏYƏRİ VƏ ONUN
HESABLANMASI METODİKASI
Artıq qeyd edildiyi kimi, informasiya texnologiyaları
servisinin parametrləri sahibolmanın icmal dəyəri kəmiyyətinə
birbaşa təsir edir.
Servisə xidmət vaxtının razılaşdırılması,
digər şərtlər dəyişmədikdə, servisin müşayiət edilməsi ilə
məşğul olan informasiya sistemləri xidməti əməkdaşlarının
sayını və müvafiq əmək haqqı məbləğını təyin edir.
Dostları ilə paylaş: |