39
“Bütün Avropanın işıqları söndü”.
28 iyun 1914-cü ildə Avstriya vəliəhdi
Frans Ferdinand serb millətçisi tərəfin-
dən öldürüldü. Almaniyanın dəstəyini alan
Avstriya-Macarıstan bir ay sonra Serbi-
yaya müharibə elan etdi. Beləliklə, adi bir
terror hadisəsi dünya tarixinin ilk böyük
müharibəsinin başlanmasında qığılcım
rolunu oynadı. Böyük Britaniyanın Xarici
İşlər naziri müharibənin başlanması xəbə-
rini belə dəyərləndirmişdi: “Bütün Avropa-
nın işıq ları söndü. Yəqin, uzun zaman da
yan mayacaq”.
Hərbi dairələrin hazırladığı planlar qısa-
müddətli hücum müharibəsinə əsaslanırdı.
1914-cü ildə Avropada başlanan müharibənin qısa müddətli ola-
cağı hesab edilirdi. Lakin müharibə tədricən geniş vüsət alaraq ilk
dünya müharibəsinə çevrildi. Bu müharibə dünyanın əksər hissəsinə
bu və digər şəkildə təsir göstərdi. Miqyasına və əhatə dairəsinə görə
o, müasirləri tərəfindən "Böyük müharibə" adlandırılırdı.
BİRİNCİ DÜNYA MÜHARİBƏSİ
▪ Şliffen planı
▪ Sarıqamış əməliyyatı
▪ Çanaqqala əməliyyatı
▪ Brest-Litovsk sülh müqaviləsi
▪ Kutül-Amarə döyüşü
AÇAR SÖZLƏR
7
Birinci Dünya müharibəsi zamanı Avropa dövlətləri
Frans Ferdinand və həyat yoldaşının
öldürülməsi
LAYİHƏ
40
Almaniyanın tətbiq etdiyi
Şliffen planı
bir neçə həftədə fransızları məğlub etməyi,
sonra rus ordusu ilə vuruşmağı nəzərdə tu-
turdu. 1914-cü ilin avqustunda bitərəf olan
Belçikanın alman orduları tərəfindən işğal
edilməsi Böyük Britaniyanın Almaniyaya
mü haribə elan etməsinə səbəb oldu.
1914-cü ilin sentyabrında Marna çayı
sahilində döyüşdə almanların hücumunun
dayandırılması Fransanı həlledici məğlubiy-
yətdən xilas etdi. Şərq cəbhəsində isə almanlar tərəfindən Rusiya qoşunlarının hücum-
larının qarşısı alındı. 1914-cü ilin avqustunda Tannenburq döyüşündə rus qoşunu məğ-
lub edildi.
Müharibənin dünyaya yayılması.
1914-cü ildə Yaponiyanın Antanta tərəfindən
müharibəyə daxil olması əməliyyatların gedişinə güclü təsir göstərmədi. 1915-ci ildə
Antanta üzvləri İtaliyaya bir sıra ərazilər vəd edərək onu öz tərəflərindən müharibəyə
cəlb etdilər.
Osmanlı İmperiyası müharibənin əvvə-
lində tərəfsiz qaldı. Bu dövlətdən sığınacaq
alan iki alman gəmisinin Rusiyanın liman
və gəmilərinə atəş açması nəticəsində Ru-
siya 1914-cü ilin oktyabrında Osmanlı döv-
lətinə müharibə elan etdi. Sonra Fransa və
Böyük Britaniya da Osmanlı dövlətinə qar-
şı müharibə elan etdilər. Alman və Osmanlı
hərbi komandanlığı 1914-cü ilin dekabrın-
da Rusiyaya qarşı qəti hücum etməyi qə-
rara aldı. Lakin Qafqaz cəbhəsindəki Osmanlı qoşunu qış əməliyyatı üçün zəruri təc-
hizata malik deyildi. Ona görə də 1914-cü ilin dekabrı – 1915-ci ilin yanvarında həyata
keçirilən
Sarıqamış əməliyyatı Osmanlı dövləti üçün fəlakətlə nəticələndi.
Tarixi dəyişdirən döyüş.
İngiltərə və Fransa Rusiyaya yardım etmək üçün Ça-
naqqala boğazını ələ keçirmək planı hazırladılar. Bu plana əsasən, İstanbul işğal olun-
malı, Osmanlılar təslim olmağa məcbur edilməli idilər. Nəticədə, Rusiyaya hərbi və
iqtisadi yardım mümkün olacaqdı.
1915-ci ilin fevralında başlayan dəniz döyüşlərində yenilən Fransa, İngiltərə və
onun dominionları – Avstraliya və Yeni Zelandiya qüvvələri həmin ilin sonuna qədər da-
vam edən quru əməliyyatlarında da məğlub
oldular. Dünyanın güclü iki dövlətinin – İn-
giltərə və Fransanın yüksək təchizatlı ordu-
ları üzərində türk qoşunlarının qələbəsinin
səbəblərindən biri onların vətənlərini müda-
fiə etməsi idi. 1916-cı ilin yanvarında Antan-
ta qüvvələrinin geri çəkilməsi ilə başa çatan
Çanaqqala döyüşləri türk xalqına Mustafa
Kamal kimi dahi sərkərdə qazandırdı.
Çanaqqalada Türk dünyasının hər yerin-
dən və Şimali Azərbaycandan könüllü ola-
raq köməyə gəlmiş və bu torpaqlarda şəhid
olmuş həmvətənlərimizin də məzarları var.
“Şliffen planı parlaq olduğu qədər də
strateji cəhətdən qüsurlu plan idi. Tarixi
təcrübə Böyük Britaniyanın Belçikanın
iş ğalı ilə razılaşmayacağını və müharibəyə
daxil olacağını göstərirdi. Lakin bu həqiqət
Kayzer və Alman Baş qərargahının diqqə-
tindən qaçmış görünürdü.
H.Kissencer. “Diplomatiya”, səh. 229
Böyük Britaniyanın Hərbi naziri lord
Kitçener Çanaqqala əməliyyatına başçılıq
edən ingilis komandanına yazırdı: "Əgər
donanmamız boğazı keçərsə, İstanbul öz-
özünə təslim olacaq və siz bir döyüşü deyil,
müharibəni qazanmış olacaqsınız".
Bəzi tarixçilər türk qoşunlarının Ça-
naqqala əməliyyatında qələbəsi nə-
ticəsində müharibənin uzandığını
bil di rirlər. Mənbədəki məlumat bu fikri
sübut edirmi?
?
Sarıqamış əməliyyatı
LAYİHƏ
41
Osmanlı dövlətinə kömək üçün onlarla eyni
cəbhədə vuruşanlar arasında Cənubi Azər-
baycandan gələnlər də var idi. Bu, türk xalq-
larının dar gündə bir-birinə kömək etdiyini
bir daha sübut edir.
Yaxın və Orta Şərqdə əməliyyatlar.
Yaxın və Orta Şərqin neft mənbələrini ələ
keçirmək istəyən İngiltərə ikili siyasət yü-
rüdürdü. Ərəb tayfalarına istiqlaliyyət vəd
edərək onları Osmanlı dövlətinə qarşı mü-
barizəyə təhrik edir, digər tərəfdən, İngiltərə
Xarici İşlər naziri yəhudilərin dəstəyini al-
maq və ABŞ-ın müharibəyə girməsini təmin
etmək üçün müəyyən addımlar atırdı.
Hindistana gedən dəniz yolunun üzərində
olan İran körfəzinə böyük önəm verən ingi-
lislər bura qoşun çıxarmışdılar. Bağdadı ələ
keçirməyə çalışan ingilis ordusu 1916-cı ildə
Kutül-Amarədə türk qoşunları tərəfindən
məğlub edildi və təslim oldu.
Böyük yalan.
Antanta dövlətləri tərəfin-
dən silahlandırılaraq təhrik edilən erməni
terrorçu dəstələri 1915-ci il aprelin ortala-
rında Vanda qiyam qaldıraraq dinc türk və
müsəlman əhalini kütləvi şəkildə qətl etməyə
başladılar. Bir qədər sonra ermənilər bütün
Şərqi Anadoluda dinc əhaliyə qarşı terror
həyata keçirdilər. Həmçinin Antanta ölkələ-
rinin xeyrinə casusluq fəaliyyətlərini də artır-
dılar. Ermənilər tərəfindən həyata keçirilən
soyqırımının hədəfi yalnız müsəlman əhali
deyildi. Bölgədə yaşayan yunanlar və yəhu-
dilər də erməni terroruna məruz qalırdılar.
Buna cavab olaraq Osmanlı dövləti əvvəl-
cə erməni dini-siyasi rəhbərlərindən qətl və
qarətləri dayandırmağı tələb etdi. Lakin er-
mənilərin qırğınları davam etdirməsi 1915-ci
a) "Bəzi bölgələrin [müasir Suriya
və Livanda] əhalisi tamamilə ərəblər
deyil. Ona görə də bu torpaqlar tələb
etdiyiniz ərazilərdən kənar tutulacaq. Bu
dəyişikliyi nəzərə alaraq daha əvvəl digər
ərəb şeyxləri ilə imzalanan müqavilələrə
toxunulmamaq şərtilə [...] İngiltərə Məkkə
şərifinin tələb etdiyi ərazilərdə ərəblərin
müstəqilliyini tanımağa və dəstəkləməyə
hazırdır".
İngiltərənin Misir valisi Henri Mak
Mahonun Məkkə hakimi Şərif Hüseyinə
məktubu. 1915-ci il
b) "İngiltərə hökuməti Fələstində yə-
hudi xalqı üçün milli yurd qurulması fikri
ilə razıdır. ...Fələstində yaşayan yəhudi
olmayan əhalinin mülki və dini hüquqları
ilə yanaşı, digər ölkələrdə yəhudilərin
malik olduqları siyasi hüquqlara zərər
verəcək hər hansı bir tədbirə təşəbbüs
göstərilməyəcəyi şərtilə bu məqsədin həya-
ta keçirilməsinə çalışılacaqdır".
Böyük Britaniya Xarici İşlər naziri
Artur Balfurun yəhudi lobbisi rəhbərlə-
rindən birinə məktubu. 1917-ci il.
Tarix. İstanbul, 2002. səh, 282
Mənbələrdəki məlumatları müqayisə
edin. Sizcə, İngiltərənin ikili siyasət
yürütməsində məqsəd nə idi? Müasir
dövrümüzdə mövcud olan Ərəb-İs-
rail münaqişəsi Birinci Dünya müha-
ribəsinin təsirlərinin davam etdiyini
deməyə əsas verirmi?
?
Çanaqqala döyüşü
Kutül-Amarədə ingilis generalı təslim olur
LAYİHƏ