316
bu cür müstəqillikdə öz əksini tapır. Həmin keyfiyyətə malik
olan adamlar başqalarından asılı olmur, onların öz düşüncə, fi-
kir tərzləri mövcud olur.
Ağlın tənqidiliyi keyfiyyətinə gəldikdə bu insanın öz
idrak obyektlərinə tənqidi yanaşmaq bacarığında ifadə olunur.
Ağlın tənqidiliyi keyfiyyətinə malik olan adamlar duyub
qavradıqları cisim və hadisələr arasındakı yğunsuzluğu asan-
lıqla görə bilir və bununla əlaqədar olaraq öz fikirlərini
əsaslandıra bilirlər.
Özünü yoxlamaq üçün sual və tapşırıqlar
1.Təfəkkür nəyə deyilir?
2.Təfəkkürlə hissi idrak arasında əlaqəni şərh edin.
3.Hissi idrakla məntiqi idrak arasındakı fərqlər nədədir?
4.Təfəkkürün ümumi xarakteristikasını şərh edin.
5.Fikri proseslər hansılardır? Onları şərh edin.
6.Təfəkkürün formaları hansılardır? Onlar haqqında ayrı-
ayrılıqda danışın.
7.Təfəkkürün növlərini şərh edin.
8.Ağlın keyfiyyətləri dedikdə nəyi başa düşürsünüz?
Onları ayrı-ayrılıqda şərh edin.
Referat, məruzə və müstəqil tədqiqat üçün mövzular
1. Təfəkkür və məsələ həlli.
2. Yaradıcı təfəkkürün psixologiyası.
3. Ağlın keyfiyyətləri və onların inkişafı vasitələri.
4. Təfəkkür proseslərinin qarşılıqlı əlaqəsi.
5. Dil və təfəkkürün qarşılıqlı əlaqəsi.
Ədəbiyyat
Bayramov Ə.S., Əlizadə Ə.Ə. Psixologiya, 2-ci nəşri –
Bakı, 2002 səh.326-357
317
Bayramov Ə.S. Şagirdlərdə əqli keyfiyyətlərin inkişaf
xüsusiyyətləri. – Bakı, 1987
Əlizadə Ə.Ə. Müasir Azərbaycan məktəbinin psixoloji
problemləri. – Bakı, 2004 səh 37-90
Qədirov Ə.Ə. Uşaqlarda idrak proseslərinin inkişafı. –
Bakı, 1970
Vozrastnıe i individualğnıe osobennosti obaznoqo
mışleniə. – M, 1989
Qalğperin P.Ə. , Kotin N.R. K psixoloqii tvorçeskoqo
mışleniə// Voprosı psixoloqii. – 1982. - №5,
s.80-84
Qleytman Q. , Fridlund A., Raysberq D. Osnovı
psixoloqii. – Sankt-Peterburq, 2001. s.349-
399; 449-458
Luriə A.R. Əzık i mışleniə. – M., 1979
Mayers D. Psixoloqiə. – Minsk. 2001. s. 28-67; 412-
449
İssledovaniə reçevoqo mışleniə v psixolinqvistike. –
M., 1976
Slobin D., Qrin Dj. Psixolinqvistika. – M., 1976
Xomski Noam. Dil və təfəkkür. – Bakı, 2006
Davıdov V.V. Vidı obobheniə v obuçenii. – M., 1972
Tixomirov O.K. Psixoloqiə mışleniə. – M., 1984. s.6-
33; 87-100; 107-210
Xrestomatiə po obhey psixoloqii. Psixoloqiə mışleniə. /
Pod red. Ö.B.Qippenreyter, V.V.Petuxov. –
M.1981
Rubinşteyn S.L. Osnovı obhey psixoloqii. T.1. – M.,
1989, s.360-400
Rubinşteyn S.L. O mışlenii i putə eqo issledovanii. –
M., 19
318
12-ci FƏSİL
TƏXƏYYÜL VƏ YARADICILIQ
Q ı s a x ü l a s ə
Təxəyyül haqqında anlayış. Təxəyyül ali psixi funksiya kimi.
Təxəyyül və digər psixi proseslər. Təxəyyülün fizioloji əsasları.
İnsanın həyat və fəaliyyətində təxəyyülün əhəmiyyəti. Autotreninqdə
və psixoterapiyada təxəyyüldən istifadə olunması.
Təxəyyülün növləri. Passiv və fəal təxəyyül; xülya, röya,
bərpaedici və yaradıcı təxəyyül, onların başlıca xüsusiyyətləri.
Xəyal.
Təxəyyül surətlərinin yaradılması prosesi. Təxəyyül
surətlərinin yaradılmasının təhlil və tərkib xarakteri. Təxəyyül
surətlərinin yaradılmasında istifadə olunan tərkib üsulları: aqqlyuti-
nasiya, hiperbolizasiya, nəzərə çarpdırılma.
Təxəyyül və oyun. Uşaqlarda təxəyyülün inkişafında oyunun
rolu. Oyun zamanı uşaq təxəyyülünün yaradıcı funksiyasının yeri.
Oyun prosesində uşaq fantaziyasının xüsusiyyətləri.
Təxəyyül və yaradıcılıq. Təxəyyül və yaradıcılığın qarşılıqlı
əlaqəsi. Ədəbi – bədii yaradıcılıqda təxəyyülün yeri.
IV. 12.1. Təxəyyül haqqında anlayış
İnsan nəinki duyğu üzvlərinə bilavasitə təsir edən cisim
və hadisələri qavrayaraq, yaxud keçmişdə qavradıqlarını yada
salaraq onların surətlərini beyində yaradır, həm də heç zaman
bilavasitə qavramadığı, hətta heç mövcud olması mümkün ol-
mayan cisimlərin, hadisələrin surətlərini də beyində yarada bi-
lir. İnsanın psixikası ilə bağlı olan bu proses təxəyyül, yaxud
fantaziya adlanır.
Təxəyyül insanın qavrayışı və hafizəsi ilə bağlı
319
təsəvvürlərin yenidən işlənməsi, yeni qaydada birləşdirilməsi
əsasında yeni surətlərin yaradılmasından ibarət olan psixi
prosesə deyilir.
Təxəyyül ali psixi funksiyalardan biri kimi diqqəti cəlb
edir. İnsan təlim və əmək fəaliyyətində təkcə öz yaddaşına
əsaslanmır. O, öz fəaliyyətinə yaradıcı şəkildə yanaşır,
yaddaşında olan təsəvvürləri dəyişdirir, yeni qaydada
birləşdirir, yeni surətlər yaradır və fəaliyyət göstərir. Yeninin
yaradılması ilk əvvəl ideal şəkildə, fikirdə həyata keçirilir və
sonra maddi, əməli şəkildə reallaşdırılır. İnsanın öz
təsəvvürlərinin
ideal
şəkildə
fikirdə
birləşdirilməsi,
dəyişdirilməsi və bu əsasda yeni surətlərin yaradılması
təxəyyül prosesidir.
Təxəyyül bir sıra özünəməxsus xüsusiyyətləri ilə digər
psixi proseslərdən fərqlənir. Bildiyimiz kimi duyğu, qavrayış,
hafizə, hətta təfəkkür kimi psixi proseslərin elementləri hey-
vanlarda da bu və ya başqa şəkildə özünü göstərir. Təxəyyül
isə bir psixi proses kimi ancaq insana məxsusdur.
Təxəyyülün köməyi ilə insan nəyi isə yaradır, özünün
fəaliyyətini planlaşdırır və onu idarə edir. Demək olar ki,
bəşəriyyətin yaratdığı maddi və mənəvi dəyərlər insan
təxəyyülünün məhsuludur. Təxəyyül insanı hal-hazırdakı
vəziyyətdən kənara çıxarır, ona keçmişi daha əyani şəkildə
görməyə kömək edir, onu gələcəyə aparır. İnsan öz təxəyyül
fəaliyyətinin vasitəsilə ayrı - ayrı orqanlarının fəaliyyətinə
təsir edə bilir. Bunu autotreninq təcrübələrində aydın şəkildə
görmək mümkündür. Təxəyyül fəaliyyətindən istifadə edərək
xəstəliyin müalicəsinə təsir göstərmək, başqa sözlə, psixotera-
piyada təxəyyül obrazlarının yaradılmasından geniş istifadə
edilir.
Təxəyyül bir psixi proses kimi qavrayış, hafizə və
təfəkkür prosesləri arasında aralıq mövqe tutur.
Təxəyyül fəaliyyəti zamanı bizim yaratdığımız surətlər,
hətta onlar fantastik mahiyyətə malik olduqda belə, onun ayrı-
Dostları ilə paylaş: |