21
Bir qayda olaraq gömrük ödənişlərinin ödənilməsi üçün vaxt verilmir. Əgər müstəsna hallarda ödəyiciyə
verilərsə və ya vaxt uzadılarsa, bu ancaq hüquqi şəxslərə şamil oluna bilər. Çünki fiziki şəxslər üçün
qanunvericilikdə güzəştlər nəzərdə tutulmamışdır.
Ödəyicinin sərbəst formada tərtib etdiyi yazılı ərizəsinə əsasən gömrük rəsmiləşdirilməsini aparan
gömrük orqanının rəisi, gömrük ödənişlərini ödəmək üçün ona möhlət verilməsi və ya vaxtın uzadılması barədə
qərar verə bilər. Həmin ərizə YGB ilə eyni vaxtda gömrük orqanına təqdim edilir.
Ödənişlərin ödənilməsi üçün möhlətin verilməsi və ya vaxtın uzadılması müddəti, gömrük
bəyannaməsinin təqdim edildiyi gündən hesablanmaqla iki aydan çox ola bilməz. Mövcud qanunvericiliyə görə
möhlətin verilməsi və vaxtın uzadılmasına görə, Azərbaycan Respublikasının verdiyi kreditlər üzrə həmin
bankın verdiyi dərəcələrə uyğun olaraq faizlər alınır və dövlət büdcəsinə köçürülür. Milli Bankın verdiyi
kreditlərə görə müəyyənləşdirdiyi dərəcələr haqqında məlumat DGK tərəfindən yerli gömrük orqanlarına
çatdırılır. Qeyd etmək lazımdır ki, gömrük ödənişlərinin ödənilməsində vaxtın uzadılması və ya möhlət
verilməsinə görə hesablanmış faizlər, ödəyici tərəfindən gömrük ödəmələrinin məbləğinin ödənişi ilə eyni
vaxtda ödənilir.
Ödənişlərin ödənilməsinə möhlət verilərkən və ya vaxt uzadılarkən ödəyici uzadılmış vaxtın sonuncu
günündən gec olmayaraq, borcunu və faizləri ödəməlidir. Bu zaman pul vəsaitinin köçürülmə tarixi bank
əməliyyatlarının həyata keçirilməsi haqqında ödəmə sənədindəki bankın qeyd tarixi sayılır.
Möhlət verilən və ya vaxtı uzadılan ödəmələrin ödənişini təsdiq edən ödəmə sənədlərinin surəti
müəyyən edilmiş müddətlərdə gömrük orqanlarına təqdim edilmədiyi hallarda, ödəniş günü pul vəsaitinin
gömrük orqanının hesabına faktiki daxilolma tarixi sayılır.
Gömrük ödənişlərinə möhlət verilməsi və ya vaxtın uzadılması aşağıdakı hallarda mütləq həyata
keçirilməlidir:
1) əgər ödəyiciyə təbii fəlakət, texnoloji qəza və ya digər qarşısıalınmaz güclər tərəfindən ziyan dəyərsə;
2) əgər ödəyici dövlət sifarişini yerinə yetirirsə;
3) əgər gətirilən mallar tez xarab olan mallardırsa;
4) əgər ödəyici hökumətlərarası sazişlər üzrə mal göndərirsə.
Aşağıdakı hallarda isə gömrük ödənişlərinə möhlət verilməsi və ya vaxtın uzadılmasına icazə verilə
bilməz:
1) Azərbaycan Respublikasının gömrük qanunvericiliyinə görə gömrük hüquq pozuntusu ilə əlaqədar
cinayət işi qaldırılmış şəxslərə. Qüvvədə olan Cinayət Məcəlləsinə görə bu cür cinayətlər bunlardır:
- Qaçaqmalçılıq (206 maddə);
- Azərbaycan Respublikasının və xarici ölkələrin incəsənət, tarixi, arxeoloji sərvəti olan əşyaları
Azərbaycan Respublikasına qaytarmama (207 maddə):
- xarici valyuta vəsaitlərini xaricdən qaytarmama (208 maddə);
- gömrük ödənişlərinin ödənilməsindən yayınma (209 maddə);
2) iflas (bankrot) olması ilə bağlı iddia qaldırılan şəxsə.
Əgər möhlət verildikdən və ya vaxt uzadıldıqdan sonra belə hallar baş verərsə, onda gömrük orqanı
verdiyi qərarı ləğv etməlidir.
Gömrük ödənişlərinin ödənilməsi üçün verilən möhlət üzrə faizlərə görə ödəmə aşağıdakı düsturla
hesablana bilər:
Mf = C+G+S/365x100, burada
Mf - gömrük ödənişlərinin ödənilməsinə verilən möhlət faizi;
C - gömrük bəyannaməsinin qəbul olunduğu gün Azərbaycan Respublikasının Milli Bankının
müəyyənləşdirdiyi valyuta məzənnəsi üzrə möhlət müddətinə görə hesablanmış gömrük ödənişlərinin cəmi;
G - gömrük ödənişləri üçün möhlət verilmiş günlərin faktiki miqdarı;
S - möhlət müddətində bankın maliyyələşdirmə stavkası;
365 - təqvim ilindəki günlərin sayı.
Verilən möhlət üzrə faizləri əyani misalla hesablayaq:
C=11564 600 man; G=15; S=35.
Mf=(11564 600x15x35):(365x100)=166 340, 2 man.
Deməli, verilən möhlət bitdikdən sonra ödəniləcək məbləğin miqdarı aşağıdakı kimi olacaqdır:
11 564 600 man+166 340.20 man=11 730 940.2 man.
Ayrı-ayrı gömrük ödənişləri üzrə də verilən möhlətə görə hesablamalar eyni qayda ilə aparılır.
Gömrük ödənişlərinin ödənilməsi üçün verilmiş vaxtın uzadılması üzrə faizlərə görə ödəmə aşağıdakı
düsturla hesablana bilər:
22
Vf = C+G+S/365x100, burada
Vf - gömrük ödənişlərinin ödənilməsinə verilən vaxt faizi;
C - vaxtın uzadılmasına görə hesablanmış gömrük ödənişlərinin cəmi;
G - gömrük ödənişləri üçün vaxtın uzadılmasına verilmiş günlərin faktiki sayı;
S - vaxtın uzadıldığı müddətdə bankın maliyyələşdirmə stavkası.
Gömrük ödənişlərinin ödənilməsi üçün vaxt uzadılarkən ödəmə qrafiki tərtib olunur. Vaxtın uzadılması
üzrə faktiki istifadə faizləri, gömrük ödənişləri ödənmiş hər bir müddət üçün ayrıca hesablandıqdan sonra
toplanır. Bu zaman ayrı-ayrı vaxtlarda ödənilmiş ödənişlər ümumi cəmdən çıxılır. Məsələn, “Gilan” firmasına
miqdarı 6 000 000 manat olan, idxal gömrük rüsumlarını ödəmək üçün 21 gün vaxt verilmişdir. Vaxtın
uzadılması üzrə faizlər, gömrük orqanı və xarici iqtisadi fəaliyyətlə məşğul olan iştirakçı ilə birlikdə tərtib
olunmuş qrafikə əsasən hər həftədən bir olmaq şərti ilə, daha doğrusu 7 gündən bir 2 000 000 manat
ödənilməlidir. Vaxtın uzadılması üzrə faizlər gömrük ödənişləri ilə eyni vaxtda ödənilir. Bu müddət ərzində
bank tərəfindən maliyyələşdirmə faizini 45 qəbul etsək, onda “Gilan” firması hər həftə aşağıdakı qədər vəsait
ödəyəcəkdir:
Vf1=(6 000 000x7x45):(365x100)=51 780.80 ma.
Burada C ümumi gömrük ödənişlərinin cəmidir, çünki məhz bu məbləğə vaxt uzadılmışdır (7 gün).
Beləliklə, vaxtın uzadılması üçün birinci ödəmə aşağıdakı qədər olacaqdır:
2 000 000 + 51 780.80 = 2051780.8 m.
İkinci həftə üçün isə aşağıdakı məbləğ ödəniləcəkdir:
Vf2=(4 000 000x7x45):(365x100)=34 520.5 man.
Burada ona görə 4 mil.
manat götürülür ki, birinci ödəmədə artıq 2 mln. manat ödənilmişdir. İkinci həftə üçün ödənilən məbləğ
aşağıdakı kimi olacaqdır:
2 000 000+34520.5 m.=2 034 520.5 man.
Üçüncü həftə üçün ödəniləcək məbləğ Vf3 = (2 000 000 x 7 x 45) : (365x100) = 17 260.3 man; 2 000
000 + 17260.3 m. = 2017 260.3 man. olacaqdır.
Deməli, “Gilan” firması vaxtın uzadılması üçün ümumilikdə
6 000 000 + 51780.8 + 34520.5 + 17260.3 man. = 6 103 561.6 manat pul ödəyəcəkdir.
Gömrük rəsmiləşdirilməsinə
görə gömrük yığımları
Mal qismində ölkənin gömrük sərhədindən keçirilən malların və nəqliyyat vasitələrinin, habelə müşayiət
olunmayan baqajda, beynəlxalq poçt göndərişlərində keçirilən, kommersiya məqsədləri üçün nəzərdə
tutulmayan malların və yüklərin, həmçinin nəqliyyat vasitələrinin gömrük rəsmiləşdirilməsinə görə
qanunvericiliklə müəyyən olunmuş miqdarda gömrük yığımları alınır.
Gömrük rəsmiləşdirilməsinə görə alınan gömrük yığımları, gömrük sisteminin xidməti xərcləri kimi
qiymətləndirilməlidir. Bu gömrük yığımları birbaşa büdcə vəsaiti hesab olunur.
Gömrük rəsmiləşdirilməsinə görə gömrük yığımları mal və sənədlər gömrük rəsmiləşdirilməsinə təqdim
olunana qədər və ya həmin vaxt həyata keçirilir. Bu gömrük yığımları ödənməsinin özünəməxsusluğu
aşağıdakılardır:
1) gömrük yığımlarının ödənilməsi üçün heç bir vaxt alma və ya vaxt uzatma nəzərdə tutulmayıb;
2) gömrük rəsmiləşdirilməsinə görə alınmış gömrük yığımları geri qaytarılmır.
Azərbaycan Respublikası Gömrük Məcəlləsinin 112-ci maddəsinə görə gömrük rəsmiləşdirilməsi üçün
yığımların miqdarını qanunvericiliyə uyğun olaraq müvafiq icra hakimiyyəti, yəni Azərbaycan Respublikası
Nazirlər Kabineti müəyyənləşdirir.
Azərbaycan Respublikası Nazirlər Kabinetinin 2001-ci il 12 aprel tarixli 80 saylı qərarı ilə gömrük
rəsmiləşdirilməsinə görə aşağıdakı gömrük yığımlarının miqdarı müəyyən edilmişdir: