Н. Грегори Менкйу
46
İqtisadi nəzəriyyə ənənəvi olaraq mikroiqtisadiyyata – ev təsərrüfatları
və firmaların qərar qəbuletmə proseslərini və onların bazarda qarşılıqlı əlaqələ-
rinin öyrənilməsinə və makroiqtisadiyyata – iqtisadiyyatın bütövlükdə öyrənil-
məsinə bölünür. Mikroiqtisadiyyat üzrə mütəxəssislər Nyu-Yorkda rentanın
səviyyəsinin mənzillərin dəyərinə təsirini, xarici ölkə istehsalçıları tərəfindən
ABŞ-ın avtomobil sənayesinə rəqabətin təsirini, yaxud fəhlələrin təhsil
səviyyələri ilə əmək haqqı arasındakı asılılığın tədqiqi ilə məşğul ola bilərlər.
Makroiqtisadiyyat problemlərini tədqiq edən alimlər federal istiqrazların milli
iqtisadiyyat üçün nəticələrini, işsizliyin səviyyəsini və məşğulluğun uzunmüd-
dətli perspektivlərini tədqiq edir, yaxud əhalinin həyat səviyyəsinin yüksəldil-
məsi istiqamətlərinin alternativ proqramlarını təklif edirlər.
Mikroiqtisadiyyat və makroiqtisadiyyat arasında sıx əlaqə var. İqtisadiy-
yatda baş verən dəyişiklik milyonlarla fərdin bütövlükdə qəbul etdiyi qərarlar
nəticəsində baş verir, deməli, ümumiqtisadi meyllərin dərk olunması onların
makroiqtisadi səviyyədə qəbul edilməsi prosesinə baxılmasını tələb edir.
Məsələn, federal verginin azaldılmasının əmtəələr və xidmət istehsalçılarının
gəlirlərinin səviyyəsinə təsiri makroiqtisadi səviyyədə öyrənilir. Bu vəziyyəti
təhlil etmək üçün iqtisadçı-təhlilçi vergi həcminin azaldılmasının ev təsərrüfat-
larının əmtəələr və xidmət əldə etmək məqsədilə yönəldəcəkləri pul vəsaitlə-
rinin həcmi haqqında qərarlarına təsirini araşdırır.
Amma mikroiqtisadiyyat ilə makroiqtisadiyyat arasında mövcud olan
qarşılıqlı əlaqə elmin bu sahələrinin əhəmiyyətli fərqlərini aradan götürmür.
Bəzi iqtisadçılar hesab edirlər ki, biologiyada olduğu kimi, onun sadə element-
lərindən başlanmalı və bundan sonra onların qarşılıqlı təsirinin araşdırılmasına
keçilməlidir. Lakin bu metodun tədqiqata tətbiqi özünü həmişə doğrultmur. Bu
mənada, həyatın təkamülünü öyrənən biologiya molekulyar biologiyanın
nailiyyətlərinə əsaslanır. Belə ki, bütün heyvanat və bitkilər molekullardan
ibarətdir. Amma tədrici inkişaf və molekulyar biologiya elmin müxtəlif
sahələrini, onlardan hər biri dərketmənin xüsusi metodlarından istifadə etməklə
spesifik sualları araşdırır.
Mikroiqtisadiyyat və makroiqtisadiyyat analoci olaraq spesifik tədqiqat
metodlarına malikdir və onlar müxtəlif yanaşmalara, metodlara, nəzəriyyələrə
əsaslanır və bir çox hallarda ayrıca kurs kimi tədris edilir.
Ġqtisadçı siyasətçi rolunda
Çox vaxt baş verən iqtisadi hadisələrin izahını iqtisadçılardan xahiş edirlər.
Misal üçün, nəyə görə, xüsusilə gənclər arasında işsizliyin səviyyəsi
yüksəkdir? Bəzən xahiş edirlər ki, iqtisadi vəziyyəti yaxşılaşdırmaq üçün
tədbirlər təklif etsinlər. Gənc insanların həyat səviyyəsinin yüksəldilməsi üçün
dövlət nə etməlidir? İqtisadçılar dünyanın qaydaya salınmasını izah etməyə
çalışdıqları zaman alim kimi çıxış edirlər.
Економиксин принсипляри
47
Pozitiv və normativ təhlil
Əgər siz iqtisadçıların çıxış etdikləri rolun spesifikliyini aydınlaşdırmaq istə-
yirsinizsə, onda onların istifadə etdikləri dilin araşdırılmasından başlamalısınız.
Alimlərin və siyasətçilərin məqsədləri müxtəlifdir və buna müvafiq olaraq,
onlar müxtəlif ifadələr işlədirlər.
Hesab edək ki, iki qız əmək haqqının minimum həcmi haqqında qanunu
müzakirə edir. Biz bu replika mübadilələrini eşidə bilərik.
Poli: «Əmək haqqının minimum həcmi haqqında qanun işsizliyin əsas
səbəbidir».
Norma: «Dövlət əmək haqqının minimum səviyyəsini mütəmadi olaraq
yüksəltməyə borcludur».
Sizin bu təsdiqləmələrlə razılaşıb razılaşmamağınızdan asılı olmayaraq,
qeyd edək ki, qızların fikirləri müəyyən edilmiş qaydalara münasibətdə
fərqlidir.
Poli alim kimi danışır: o, həyatın qaydaya salınması haqqında fərziyyə
irəli sürür. Norma siyasətçi kimi danışır: o, həyatı dəyişmək istəyir.
Ən ümumi mənada bizi əhatə edən aləm haqqında iki tip təsdiqləmə
mövcuddur. Pozitiv təsdiqləmə (Polinin fikri) təsviri xarakterə malikdir və
həyatı bizə olduğu kimi təsvir edir. İkinci tip təsdiqləmə (Normanın sözləri)
normativdir. Normativ təsdiqləmə təklif xarakterinə malikdir, burada həyatın
necə olacağı haqqında danışılır.
Pozitiv və normativ təsdiqləmələr arasında əsas fərq bizim həqiqəti
qiymətləndirməyimizdən ibarətdir. Prinsip etibarilə biz faktları öyrəndikdən
sonra pozitiv təsdiqləməni ya qəbul edirik, ya da rədd edirik. İqtisadcı müəy-
yən vaxt kəsiyində minimum əmək haqqının həcmi və işsizliyin səviyyəsinin
dəyişməsi haqqında məlumatları təhlil etdikdən sonra Polinin sözləri haqqında
fikir söyləmək imkanına malikdir. Bunun əksinə olaraq, normativ təsdiqləmə
təkcə faktları deyil, müəyyən istiqamətlərin qiymətliliyinin nəzərə alınmasını
tələb edir. Əgər biz təkcə faktlardan istifadə ediriksə, onda Normanın
təsdiqləməsi qiymətləndirilə bilməz. Hansı siyasət yaxşıdır, hansı isə qeyri-
məqbuldur haqqında qərarı yalnız elmi nəticələrə əsasən qəbul etmək mümkün
deyildir. Bunun üçün etik dəyərləri, dini inamları və siyasətin fəlsəfəsini cəlb
etmək tələb olunur.
Əlbəttə, pozitiv və normativ təsdiqləmələr nisbidir. Bizim həyatın necə
qurulmasına pozitiv baxışımıza nisbətən əlverişli, üstünlük verilən siyasət haq-
qında normativ düşüncəmiz təsir edir. Əgər Polinin «minimum əmək haqqı
həcmi işsizlik törədir» haqqındakı təsdiqləməsi həqiqətə uyğun gəlirsə, biz
Normanın «dövlət minimum əmək haqqı həcmini artırmağa borcludur»
təklifini inkar etməliyik. Bundan başqa, bizim normativ nəticələrimiz tamamilə
pozitiv təhlillərə əsaslana bilməz. Burada həm pozitiv təhlili, həm də müəyyən
dəyişiklik sistemi tələb olunur.