365
- Kapitalist cəmiyyətdə iş elə təşkil olunur ki, işçilər əslində qul kimi
başqa bir sosial sinif üçün işləyirlər. Beləliklə, işçi öz əməyini və
bununla da bütün həyatını burjuaziyaya satmış olur.
-
Doğrudan, bu qədər pisdi?
- Biz indi Marksdan danışırıq və buna görə də onun yaşadığı dövr
olan keçən əsrdəki cəmiyyət şərtlərini nəzərə almalıyıq. Onda sənin bu
sualına veriləcək cavab “bəli” olar. Bu dövrdə işçilər buz kimi soyuq
istehsal sahələrində 12 saat işləyirdilər. Əmək haqqı elə az idi ki,
uşaqlar və hamilə qadınlar da işləmək məcburiyyətində qalırdı. Bütün
bunlar sözlə deyilməsi çətin olan sosial münasibətlərə, sosial şərtlərə
gətirib çıxardı. Bir çox yerlərdə maaş yerinə ucuz likör içkisi verilir,
qadınlar çörək pulu qazanmaq üçün özlərini satmaq məcburiyyətində
qalırdılar. Bu qadınların müştəriləri şəhərin hörmətli cənabları idi.
Qısaca desək, insanlığın hörmətli cəhəti olası əmək məsələsində insan,
işçi heyvan vəziyyətinə düşmüşdü.
-
Hirsləndim!
- Marks da hirslənirdi. Çünki bu zaman burjuaziyanın övladları isti
hamamdan çıxaraq evlərinin böyük və isti salonlarında skripka
çalırdılar. Yaxud mükəmməl bir axşam yeməyini gözləyə-gözləyə
piano çalırdılar. Skripka və piano axşamüstü at yarışından sonra da
onların kefinə qulluq edirdi.
-
Necə də böyük haqsızlıqdı!
- Marks da belə düşünürdü. 1848-ci ildə Engelslə birlikdə
Kommunist Manifesti nəşr etdilər. Manifestin birinci cümləsi belə idi:
“Avropada bir kabus dolaşır - kommunizm kabusu!”
-
Qorxulu səslənir.
- Burjuaziya da qorxurdu. Çünki artıq proletariat üsyana qalxırdı.
Manifestin necə bitdiyini bilmək istəyirsən?
-
İstəyirəm!
- “Kommunistlər öz düşüncə və məqsədlərini gizli saxlayacaqlar.
Kommunistlər burada açıq bəyan edirlər ki, məqsədlərinə çatmağın
yeganə və son yolu kimi indiyədək qüvvədə olmuş sosial sistemi güc
yolu ilə aradan qaldırmaqdır. Qoy hakim siniflər kommunist
downloaded from KitabYurdu.org
366
inqilabının qorxusundan tir-tir titrəsinlər! Zəhmətkeşlərin qollarındakı
zəncirlərdən başqa, itirəcəkləri bir şey yoxdur. Bütün dünyanın
zəhmətkeşləri, birləşin!”
- Vəziyyət sənin dediyin kimi çox pis idisə, məncə, mən də bu
manifestin altına imza atardım. Amma bu gün vəziyyət başqa cürdü,
elə deyilmi?
- Norveçdə elə deyil, amma dünyanın bir çox yerində hələ də pisdi.
Hələ də bir çox insan vəhşi şərtlər altında işləyir. İstehsal etdikləri
mallarla varlıları daha da varlandırırlar. Marks buna istismar deyirdi.
-
Bu sözü bir az da izah edə bilərsən?
-
İşçi bir mal istehsal edir, bu malın müəyyən satış dəyəri
olur.
-Aha?
- Bu satış dəyərindən işçinin maaşını və digər istehsal xərclərini
çıxanda yerdə müəyyən məbləğ qalır. Marks buna gəlir deyirdi. Yəni
kapialist əslində işçinin istehsal etdiyi bir dəyəri mənimsəyir. Bu,
istismardı.
-
Aydın oldu.
- Bu zaman kapitalist gəlirinin bir hissəsini yeni bir kapitala çevirə
bilir, məsələn, bu gəliri istehsal vasitələrinin müasirləşdirilməsinə
xərcləyə bilər. Bunu edərkən onun məqsədi istehsal xərclərini
azaltmaq, yəni növbəti dəfə daha çox gəlir götürə bilməkdi.
-
Məntiqli səslənir.
- Bəli, məntiqli səslənə bilər. Lakin nə bu mövzuda, nə də başqa
mövzularda işlər kapitalistin təsəvvür etdiyi kimi getməyə bilər.
-
Necə?
- Marksa görə, kapitalistin istehsal metoduna bir çox ziddiyyətlər
xasdı. Kapitalizm iqtisadi sistemdi, rasional nəzarəti olmadığına görə,
öz-özünü məhv etməyə məhkumdu.
-
Bu, əzilən siniflər üçün yaxşıdı.
- Bəli, məhv olmaq kapitalizmin taleyidi. Bu mənada kapitalizm
proqressivdi, çünki komunizmə gedən yolda bir mərhələdi.
- Kapitalizmin öz-özünü məhv etməsinə bir misal çəkə bilərsən?
downloaded from KitabYurdu.org
367
- Bayaq dedik ki, kapitalist çoxlu pul əldə edir və bu pulun bir
qismini fabrikini müasirləşdirməyə xərcləyir. Pulun bir hissəsi də
skripka dərslərinə gedir. Bundan başqa, arvadının bahalı həyat tərzi də
xeyli pul aparır.
-
Şübhəsiz.
- Kapitalist yeni maşınlar alır və artıq əvvəlki qədər işçiyə ehtiyacı
yoxdu. Bununla da rəqabət gücü artır.
-
Aydındı.
- Amma belə düşünən yalnız o deyil axı. Bütünlükdə istehsal
getdikcə dəyişir, effektivləşir. Fabriklər getdikcə böyüyür və bir neçə
nəfərin əlində cəmləşir. Onda nə olur,
Sofi?
-
M-m..
- Onda getdikcə daha az işçi qüvvəsinə ehtiyac duyulur. Getdikcə
daha çox insan işsiz qalır. Sosial problemlər çoxalır və belə böhranlar
kapitalizmin axırının çatmasının müjdəçisidi. Kapitalizmin öz-özünü
məhvetməsinin başqa bir çox amilləri də var. Məsələn, kapitalist
gəlirinin getdikcə daha çox hissəsini istehsal vasitələrinin
müasirləşdirilməsinə sərmayə qoymalı olduqca yenə də qiymətlərini
bazardakı digər kapitalistlərdən az edə bilməyəndə...
-Aha?
-
Onda kapitalist nə edir? Deyə bilərsənmi?
-
Bilmirəm.
- Fərz et ki, fabrik sahibisən. İşlərin yaxşı getmir. İflas etmək
üzrəsən. Onda nə edərsən?
-
Qiymətləri aşağı salaram yəqin...
- Çox doğrudu! Bu vaxt edəcəyin ən ağıllı hərəkət bu olar. Amma
bütün kapitalistlər sənin kimi ağıllıdırsa, - əslində də elədir, - işçilər elə
yoxsullaşıblar ki, artıq heç nə ala bilmirlər, alıcılıq qabiliyyətləri aşağı
düşüb. Beləliklə, məsələ dalana dirənir. Marks deyərdi ki, kapitalist
mülkiyyətinin fatihəsi oxundu. İnqilabi vəziyyət yaranır.
-
Aydındı.
- Qısaca desək, proletariat üsyan edərək istehsal vasitələrini ələ
downloaded from KitabYurdu.org
Dostları ilə paylaş: |