şeydən razı qalırlar; ulduzların işığı sönməyincə, quşların səsi kəsil-
məyincə, onlar xoşbəxt olmağı qəti qərara almışlar.
Bunlar bədbəxt xoşbəxtlərdir. Onlar zavallı olduqlarını hiss
etmirlər, lakin onlar zavallıdırlar. Kim ki ağlamır, o heç bir şeyi
görmür. Gecə ilə gündüzü özündə birləşdirən, gözsüz, lakin alnının
ortasında ulduz olan bir məxluq adamı həm təəccübləndirər, həm də
özünə qarşı mərhəmət hissi oyadarsa, bu adamlar da başqalannı belə
təəccübləndirir, özlərinə qarşı belə mərhəmət hissi oyadırlar.
Bəzi mütəfəkkirlərin rəyincə, ən yüksək fəlsəfə də laqeydlikdə-
dir. Qoy belə olsun, ancaq onların üstünlüyündə ağır bir xəstəlik
vardır. Həm əbədi, həm də topal olmaq mümkündür. Vulkan bunu
təsdiq edir. İnsandan yüksəyə qalxmaq, həm də insandan aşağı enmək
olar. Hədsiz-hesabsız natamamlıq təbiətə xasdır. Kim bilir, bəlkə,
günəş özü də kordur?!
Bəs onda nə etməli, kimə inanmalı? Solem quis dicere balsum
audeat?*
Doğrudanmı, bəzi dahilər, tann bərabərində duran bəzi adamlar,
bəzi məşhur simalar yanıla bilər? Deməli, o şey ki, yüksəkdədir, hər
şeyin fövqündədir, yüksəkliyin son zirvəsindədir, zenitdədir, o şey ki,
yerə bu qədər işıq saçır - o, pis görə bilər, az görə bilər, heç görməyə
bilər? Məgər bu, ümidsizliyə gətirib çıxarmazmı? Yox bu, gərək
ümidsizliyə gətirib çıxarmasın. Bəs axı Günəşdən yüksəkdə nə var?
Tanrı.
Boş və tənha qalmış Lüksemburq bağı 1832-ci il iyunun 6-da,
səhər saat on birdə çox gözəldi. Şahmat qaydası ilə əkilmiş, üstünə
parlaq işıq düşmüş ağaclar məstedici gözəl qoxusu, füsunkar rəng-
lərilə, sanki, çiçəklərlə bəhsə girmişdi. Günorta günəşinin istisindən
məst olmuş budaqlar bir-birinə sarı uzanır, sanki, bir-biri ilə
qucaqlaşmaq istəyirdi. İsfəndan ağacının yarpaqları arasında çalı quşu
oxuyurdu, sərçələr şənlik edirdi, ağacdələnlər şabalıd ağacının
gövdəsi ilə yuxarı qalxa-qalxa dimdiklərini ağac qabığının çatlağına
vururdular. Gül ləklərində məğrur zanbaqlar haqlı olaraq hökmranlıq
edirdi; bəyazlıq ətrindən füsunkar ətir yoxdur. Qərənfillərin tünd
qoxusu ətrafa yayılırdı. Mariya Mediçi dövründən qalmış qoca
qarğalar sıx ağacların başında dilxoşluq edirdilər. Lalələr, çiçəyə
çevrilmiş bu alov parçaları günəşin qızıl şüaları altında tünd- qırmızı
rənglə alışıb-yanırdı. Lalə ləkləri ətrafında bal anlan uçuşurdu,
1
1
Kim cəsarət edib günəşə yalançı deyə bilər
(lat.)
- Vergili “Georgiklər”.
61
downloaded from KitabYurdu.org
DÜNYA ƏDƏBİYYATI KLASSİKLƏRİ
onlar, sanki, bu odlu çiçəklərin qığılcımı idi. Hər şey, hətta göydən
sallanan buludlar da sevinc və fərəhlə dolu idi; yenə yağış yağmaq
təhlükəsi olsa da, bunun heç bir qorxusu yox idi: inciçiçəyi ilə xanım-
əli çiçəyi bu yağışı çox-çox arzu edirdi; lap alçaqdan uçan qaran-
quşlar bu yağışın sevimli carçıları idi. Bağda olanlar sərbəst nəfəs
alırdılar; həyatdan gözəl qoxu yayılırdı; bütün təbiətdən məsumluq,
şəfqət, atalıq qayğısı, nəvaziş, səhər şəfəqinin təravəti, hamıya kömək
etmək duyğusu saçılırdı. Göylərin təlqin etdiyi fikirlər öpülən körpə
əli kimi zərifdi.
Çılpaq, ağ heykəllər ağacların altında işığın parçaladığı kölgədən
paltar geymişdi; günəş, sanki, bu ilahələrin paltarını cırıb parçalamış,
şüalarını qırıq-qırıq onların gövdəsinə salmışdı. Böyük hovuz
ətrafındakı torpaq elə qurumuşdu ki, elə bil, istidən yanmışdı. Zəif
külək bəzi yerdə azca toz qaldırırdı. Keçən payızdan qalmış bir neçə
sarı yarpaq həvəslə qaçışır, sanki, bir-biri ilə oynayırdı.
Ətrafa yayılan bu bol işıqda ürəyi sakitləşdirən bir şey vardı. Hər
şey həyatla, gözəl qoxu ilə, hərarətlə dolu idi, hər şeydən buxar qal-
xırdı; təbiətin örtüyü altında sonsuz bir həyat çeşməsi duyulurdu;
sevgi ilə, məhəbbətlə dolu olan bütün bu xəfif küləklərdə, bu bərq
vuran işıqlarda, parıltılarda, şüaların hədsiz-hesabsız səxavətində,
ardı-arası kəsilməyən bu ulduzlu axınında bitib-tükənməyən bir şeyin
israfçılığı hiss olunurdu, adam bu cah-cəlalın ardında, sanki, odlu bir
pərdə dalında ulduzlar milyoneri Tanrını görürdü.
Qum bütün palçığı özünə hopdurmuşdu, yağış zərrə qədər də toz
qoymamışdı. Çiçəklər əl-üzünü təzəcə yumuşdu. Yerdən çiçək
şəklində çıxan, cürbəcür rəngə çalan məxmərdə, ipəkdə, mavi rəngdə,
qızılda heç bir qüsur yox idi. Bütün bu zinət və ehtişam tərtəmizdi.
Dinclik və əmin-amanlıq gətirən təbiətin əzəmətli sükutu bütün bağı
bürümüşdü. Bu min-min nəğmələrlə, quşların cəh-cəhilə, yığın-yığın
bal arılarının vızıltısı ilə, əsən xəfif küləklə həmahəng olan səmavi bir
sükutdu. Yaz fəslinin bütün ahəngi füsunkar bir xorda birləşmişdi;
yazın və yayın səsi müntəzəm bir halda yüksəlirdi, susurdu. Yasəmən
qurtaranda jasmin çiçək açırdı, həşəratlardan bəziləri çox tez meydana
gəlirdi; iyunun qırmızı kəpənəklərinin ön dəstəsi mayın ağ
kəpənəklərinin arxa dəstəsilə üz-üzə gəlib dostlaşırdı. Çinar ağacı
qabığını təzələyirdi. Şabalıd ağaclarının sıx yarpaqlı qəşəng başları
xəfif küləkdən dalğalanırdı.
62
downloaded from KitabYurdu.org