DÜNYA ƏDƏBİYYATI KLASSİKLƏRİ
Sonra əlavə etdi:
-
Tüilridən Lüksemburqa qədər olan məsafə, kraldan perə qədər
olan məsafədən çox deyil; bu, yaxındadır. Bir azdan güllə dolu kimi
yağacaq.
Sonra göyə baxdı.
-
Bəlkə, elə o buluddan dolu yağacaq; göy üzü mübarizəyə
qarışır, Burbonlar nəslinin kiçik budağı ölümə məhkum edilmişdir
.Tez gedək.
üşaq zarıldadı:
-
Mən istəyirəm görüm, quşlar bulkanı necə yeyəcəklər?
Atası etiraz etdi:
-
Yox, bu, ağılsızlıq olardı.
O, balaca burjuanı çəkib apardı.
üşağın ürəyi quşların yanında qalmışdı; xiyabandan çıxana kimi
o, tez-tez dönüb hovuza baxırdı.
Bu zaman iki səfil uşaq qu quşları ilə bir vaxtda bulkaya yaxın-
laşdı: su ləpələnir, bulka suyun üzündə tərpənirdi. Kiçik uşaq bulka-
ya, böyük uşaq uzaqlaşmaqda olan burjuaya baxırdı.
Ata ilə oğul xiyabanların dolanbac yoluna qədəm qoydu; bu yol
“Şahzadə qız” küçəsi yanında olan qoruqluqdakı böyük pilləkənə sarı
aparırdı.
Onlar gözdən itən kimi böyük uşaq cəld qarnı üstə hovuzun
dəyirmi qırağına yatdı, sol əli ilə hovuzun kənarından tutub, suya
əyildi, sağ əlindəki çubuğu bulkaya uzatdı, bu vəziyyətdə suya düşə
bilərdi. Quşlar düşməni görüb suyu döşləri ilə yara-yara daha tez- tez
üzməyə başladılar. Quşların belə üzməsi uşağın xeyrinə oldu; su
ləpələndi, dairəvi ləpələrdən biri bulkanı düz çubuğun üstünə itələdi.
Quşlar özünü yetirənə kimi çubuq bulkaya çatdı, üşaq çubuğu tez
yellətdi, quşları ürküdüb qovdu, çubuğu bulkaya batırıb özünə sarı
çəkdi, götürdü, ayağa qalxdı. Bulka tamam islanmışdı; uşaqlar həm
ac idilər, həm də susamışdılar. Böyük uşaq bulkanı iki yerə böldü: bir
parçası böyük düşdü, o birisi balaca, özü balacanı götürdü, böyüyü
qardaşına verib dedi:
-
Al, tıxı.
66
downloaded from KitabYurdu.org
On yeddinci fəsil
MORTÜÜS PATER FİLİÜM MORİTÜRÜM
EXPECTAT
1
Marius fikirləşmədən barrikadadan küçəyə atıldı. Kombefer də
onun ardınca cumdu. Ancaq daha gec idi. Qavroş ölmüşdü. Kombefer
içində patron olan səbəti, Marius da uşağı barrikadaya gətirdi.
Marius düşünərək öz-özünə dedi: “Bunun atası mənim atam üçün
nə eləmişdirsə, mən də onun oğlu üçün bunu elədim; ona olan
borcumu yerinə yetirdim. Ancaq Tenardye mənim atamı döyüş mey-
danından diri çıxarmışdı, çox təəssüf ki, mən onun oğlunun meyitini
gətirirəm”.
Marius Qavroşu qucağında istehkama gətirəndə onun üzü Qav-
roşun üzü kimi qana bulaşmışdı.
0
əyilib Qavroşu qaldıranda güllə onun başını yüngülcə yara-
lamışdı, o, bunu heç duymamışdı da.
Kurfeyrak qalstukunu açıb Mariusun alnını sarıdı.
Qavroşu Maböfün yanına, stolun üstünə qoydular, hər ikisinin
üstünü qara şalla örtdülər. Şal qocaya da çatdı, uşağa da.
Kombefer səbətdə gətirdiyi patronları bölüşdürdü.
Hər adama on beş güllə düşdü.
Jan Valjan elə bayaqkı kimi tumbanın üstündə sakitcə oturmuş-
du. Kombefer ona da on beş patron vermək istədi, o, başını yelləyərək
patronları almadı.
Kombefer pıçıltı ilə Anjolrasa dedi:
-
Hə qəribə adamdır! Barrikadada olasan, özün də
vuruşmayasan!
Anjolras etiraz etdi:
-
Amma bu, onun barrikadanı müdafiə etməsinə mane olmur.
Kombefer:
-
Qəhrəmanlar içində də qəribə adamlar olur, - dedi.
Kurfeyrak onların danışığını eşidərək əlavə etdi:
-
Bunun qəribəliyi qoca Maböfün qəribəliyi kimi deyil, tamam
ayn qəribəlikdir.
Qeyd etmək lazımdır ki, barrikadanın atəşə tutulması qiyamçıları
çox da həyəcana salmadı. Küçə vuruşması burulğanında sakitliklə
1
Ölmüş ata ölümə gedən oğlunu gözləyir,
(lat.)
67
downloaded from KitabYurdu.org
DÜNYA ƏDƏBİYYATI KLASSİKLƏRİ
fırtına anları çox qəribə surətdə bir-birini əvəz edir. Bu burulğana
düşməyənlər onu təsəvvür edə bilməzlər. Adamlar barrikadanın
içində gəzişirlər, danışırlar, zarafat edirlər. Mənim dostlarımdan biri
top saçması atəşinin lap, qızğın vaxtında bir döyüşçüdən bu sözləri
eşitmişdi: “Biz burada lap elə bil, subaylar qonaqlığındayıq”. Təkrar
edirik: “Şanvreri küçəsindəki istehkamın iç tərəfi çox sakit görü-
nürdü. Sınağın bütün gözlənilməyən dəyişiklikləri, bütün mərhələləri
arxada qalmışdı, ya da tezliklə arxada qalacaqdı. Onların vəziyyəti
böhranlı haldan təhdidedici hala, təhdidedici haldan isə, yəqin ki,
ümidsiz hala düşmüşdü. Vəziyyət ağırlaşdıqca, üfüqlər qaraldıqca,
qəhrəmanlıq haləsi barrikadanı daha artıq işıqlandırırdı. Amansız
Anjolras öz qılıncını Epidotun kədərli dühasına ithaf edən gənc
spartalı kimi barrikadanın üstündə yüksəlirdi.
Kombefer döşlüyünü taxıb yaralıların yarasını bağlayırdı. Bossüe
ilə Feyi barıt qabı ilə patronları doldururdu; barıt qabını Qavroş onba-
şının meyitindən tapmışdı. Bossüe Feyiyə deyirdi: “Az qalıb: dilican
tutub başqa bir planetə gedəcəyik”. Kurfeyrak öz xırda-xuruş
şeylərini sahmana salan səliqəli cavan qız kimi bütün cəbbəxanasını*,
əl ağacını, qılıncını, tüfəngini, bir cib, iki də yəhər tapançasını
Anjolrasın yanında bəyənib seçdiyi qənbər daşlarının üstünə qoydu.
Jan Valjan düz önünə baxırdı. Fəhlələrdən biri FIüşlü xalanın böyük
həsir şlyapasını başına qoyur, qaytanla bağlayırdı, deyirdi ki: “Bunu
ona görə eləyirəm, məni gün vurmasın”. Eks şəhərinin kuqurdalı
gəncləri gülə-gülə söhbət edirdilər. Sanki, onlar tələsir, axırıncı dəfə
olaraq öz ana şivələrində doyunca danışmaq istəyirdilər. Joli Hüşlü
xalanın güzgüsünü divardan götürüb dilinə baxırdı. Bir neçə qiyamçı
şkafdan tapdığı kif basmış çörək qabığını acgözlüklə gəmirirdi.
Marius da: “Görəsən, o dünyada atam mənə rast gələndə nə deyəcək”
- fikrilə məşğuldu.
On səkkizinci fəsil
YIRTICI ÖZÜ OVLANIR
Barrikadalarda baş verən psixoloji bir hadisədən bəhs edək. Bu
fövqəladə küçə müharibəsi üçün səciyyəvi olan heç bir şeyi nəzərdən
qaçırmaq olmaz.
68
downloaded from KitabYurdu.org
Dostları ilə paylaş: |