83
Şəkil 66. A. Qurbağada onurğa beyni reflekslərinin müşahidəsi.
B. Onurğa beyin reflekslərinin reseptiv sahəsi; 1-bükmə; 2-silmə.
Silmə refleksini müşahidə etmək üçün sulfat tur-
şusunda (0,5%-li) isladılmış filtr kağızını (4 – 5 mm
2
) qur-
bağanın döş nahiyəsi dərisinə ön ətraflararası sahəyə
yapışdırırıq. Bu zaman spinal qurbağa ön ətraf pəncələrilə
döşünün dərisinə yapışdırılmış kağız parçasını silib, kənar
edir. Bu reaksiya silmə refleksidir. Sonra qurbağanı
bütövlükdə suya salıb, onun döşünün dərisindəki turşunu
yuyuruq.
İnsanda onurğa beyni refleksləri
Əzələdə, vətərlərdə və oynaqlarda yerləşən resep-
torların qıcıqlandırılması zamanı insanda bükmə və açma
refleksləri müşahidə olunur. Belə reflekslərə diz
və aşil
refleksləri aiddir ki, bunların öyrənilməsinin əhəmiyyəti
84
vardır.
18 saylı iş. İnsanda diz və aşil refleksləri
İnsanda diz refleksini təcrübədə müşahidə etmək
üçün əvvəlcə insanı stulda sakitcə oturduruq. Sonra xüsusi
çəkiclə yüngülcə budun dördbaşlı əzələsinin vətərinə vuru-
ruq. Bu zaman diz oynağında
açma hərəkəti müşahidə
ediləcəkdir. Diz refleksinin mərkəzi onurğa beyninin III və
IV seqmentləri səviyyəsində yerləşir (şəkil 67).
Şəkil 67. Diz refleksi qövsünün sxemi.
İnsanda aşil refleksini təcrübədə müşahidə etmək
üçün aşil vətərinə çəkiclə zərbə endirilir. Bu təsirdən
ayağın bükmə hərəkəti baş verir. Aşil refleksinin mərkəzi
onurğa beyninin I-II büzdüm seqmentindədir (şəkil 68).
85
Şəkil 68. Aşil refleksinin sxemi.
Hər hansı bir refleksin baş verməsi üçün həmin
refleksin qövsünün bütün hissələri morfoloji və fizioloji
cəhətdən salamat olmalıdır. Bunu aşağıdakı təcrübələrlə
sübut etmək olar.
Refleks qövsünün spinal qurbağa üzərində təhlili:
Lazım olan material və avadanlıqlar:
spinal
qurbağa, ştativ, pinset, qayçı, 0,9, 0,5, 1%-li H
2
O
4
novakain məhlulu, filtir kağızı,
mantar lövhə, su, stəkan,
çəkic, efir və s.
İşin gedişi:
86
1.Reseptorların refleks reaksiyasında əhəmiyyətini
öyrənmək üçün ştativdən asılmış spinal qurbağanın arxa
ətraflarından birinin barmaqlarını sulfat turşusu məhluluna
(0,5 %-li) salıb bükmə refleksini müşahidə edirik. Sonra
isə həmin ətrafın dizdən aşağı dərisini soyub atır və ya
yenidən turşuya daxil edirik. Təcrübə göstərir ki, salamat
qalmış ətraf qıcığa qarşı bükmə refleksi ilə cavab verdiyi
halda, dərisi soyulmuş pəncə belə reaksiya verməyəcəkdir.
2. Efferent və ya mərkəzdənqaçan sinirin refleksdə
rolunu müşahidə etmək üçün ətraflardan birinin oturaq sinirini
kəsirik. Sonra həmin siniri kəsilmiş ətrafı sulfat turşusuna daxil
edirik, ya da pəncəsini pinsetlə sıxaq.
Bu zaman bükmə refleksi
müşahidə edilmir. Siniri salamat qalmış ətrafa verilən qıcığa
qarşı isə bükmə refleksi alınacaqdır.
3.
Onurğa beyni mərkəzinin refleksdə rolunu mü-
şahidə etmək üçün iynəni spinal qurbağanın onurğa
kanalına daxil edib, o tərəf bu tərəfə tərpətməklə beyini
(refleks qövsünün mərkəzi hissəsini) pozuruq. Bu
əməliyyatdan sonra nə bükmə, nə də silmə refleksi,
ümumiyyətlə, hər hansı qıcığa qarşı refleks reaksiyası
müşahidə etmək mümkün olmur.
19 saylı iş. Oyanmanın onurğa beynində irradiasiyası –
yayılması
Lazım olan material və avadanlıqlar: ştativ,
qayçı, pinset, filtr kağızı, mantar lövhə, sancaqlar, 0,1, 0,2,
0,3, 0,4, 0,5 və 1%-li sulfat turşusu məhlulları, su ilə dolu
stəkan, qurbağa, pambıq.
İşin gedişi: Oyanmanın MSS-də yayılmasına oyan-
manın irradiasiyası deyilir. Bunu təcrübədə müşahidə etmək
87
üçün spinal qurbağanı ştativdən asır və arxa ətraflardan
birinin pəncəsini zəif sulfat turşusu məhluluna daxil edirik.
Bu zaman yalnız turşuya saldığımız pəncə barmaqlarında
bükmə refleksi müşahidə edilir. Sonra ətrafı içində su olan
stəkana salıb yuyuruq və yenidən qüvvəli turşu (1%-li sulfat
turşusu) məhluluna daxil etməklə təcrübəni təkrar etdikdə
görürük ki, ən qüvvəli qıcığın təsirindən nəinki həmin ətrafın
əzələləri, həm də bədənin digər qrup əzələləri təqəllüs edir.
Bu təcrübə sinir mərkəzlərində oyanmanın
geniş miqyasda
irradiasiyasının, generalizasiyasının nəticəsi olduğunu
göstərir.
20 saylı iş. Refleks müddəti və onun təyini
Respiratorların qıcıqlandırılması ilə alınan cavab
arasında keçən vaxta refleks vaxtı deyilir. Refleks vaxtı
refleks qövsünün hissələri arasında oyanmanın nəql
olunmasına sərf olunur. Bu vaxtın bir hissəsi reseptorların
qıcıqlanmasına, oyanmanın afferent sinirlər ilə mərkəzə
nəql edilməsinə, oyanmanın mərkəzi sinir sisteminin
daxilində neyronlar arasında analiz və sintez edilməsinə,
oyanmanın efferent sinirləri ilə işçi üzvə nəql olunmasına,
işçi üzvlərin fəaliyyətə gəlməsinə səbəb olur.
Mərkəzi sinir
sistemi daxilində, yəni oyanmanın hissi neyrondan hərəki
neyrona keçməsinə sərf olunan vaxta həqiqi refleks vaxtı
deyilir.
Refleks vaxtı qıcığın qüvvəsindən və mərkəzi sinir
sisteminin funksional vəziyyətindən də asılıdır. Qıcıq
qüvvəli olduqda və sinir mərkəzlərinin oyanıqlığı yük-
səldikdə refleks vaxtı qısalır. Qıcıq zəifdirsə, mərkəzlərin
oyanıqlığı aşağıdırsa, refleks vaxtı o nisbətdə uzanır.
Lazım olan material və avadanlıqlar: Ştativ,
88
mantar lövhə, saniyəölçən, qayçı, pinset, 4 ədəd
kimyəvi
stəkan, su, 0,1; 0,3; 0,5% H
2
SO
4
, pambıq, qurbağa.
İşin gedişi: Stəkanlara eyni miqdarda müxtəlif
qatılıqlı (0,1%, 0,3%, 0,5%) sulfat turşusu məhlulu töküb,
ştativdən asılmış qurbağanın pəncəsini əvvəlcə ən zəif
turşu məhluluna (0,1%), sonra isə növbə ilə digər
məhlullara (0,3%, 0,5%, 1%-li) salıb refleks vaxtı
metronom və ya saniyəölçən ilə təyin edilir (şəkil 69).
Şəkil 69. Refleks vaxtının təyin edilməsi.
Qurbağanın pəncəsini hər dəfə su ilə yuduqdan
sonra yeni qıcıq verilənə qədər bir neçə dəqiqə gözləmək
lazımdır. Alınan nəticələr cədvəldə qeyd olunur (cədvəl 5).
Cədvəl 5
Refleks vaxtı (san.)
H
2
SO
4
qatılığı %-lə
1 2 3
orta
vaxt
0,1
0,3
0,5
1