71
dəyişən cərəyan elektrodları qoyulur. Dəyişən cərəyanın
qıcıq qapısı müəyyən edilib, nəticə qeyd edilir.
Sonra sabit
cərəyan dövrəsi bağlanır; 10 – 15 saniyədən sonra dəyişən
cərəyanın qıcıq qapısı təyin olunur. Dəyişən cərəyanın
qıcıq qapısı azalmırsa, sabit cərəyan dövrəsi bağlanır; 10 –
15 saniyədən sonra dəyişən cərəyanın qıcıq qapısı yenidən
təyin edilir.
Təcrübədən görünür ki, katod qütbündə qıcıq qapısı
enmişdir, yəni oyanıqlıq və keçiricilik yüksəlmişdir.
Qütblərin sinir üzərində yeri dəyişdirilir (anoda yaxın),
dövrə bağlanır, 10 – 15 saniyə sonra dəyişən cərəyanın
qıcıq qapısı yenidən qeyd edilir. Dövrənin bağlı
vəziyyətində anod qütbündə sabit cərəyanın qıcıq qapısı
yüksəlir, yəni sinirin oyanıqlığı və keçiriciliyi zəifləyir.
Şəkil 58. Katelektrtonu öyrənmək üçün qurğu:
I-elektrodların yerləşmə sxemi;
A-sabit cərəyan ilə qıcıqlandırıcı
elektrodlar;
B-ritmik induksion cərəyan ilə qıcıqlandırmaq üçün;
II-
katelektronun yaranıb və yox olan an əzələnin tetanik təqəllüsünün
72
dəyişkənliyi;
a-əzələnin təqəllüsü;
b-ritmik induksion cərəyan ilə
qıcığın qeydi; c-sabit cərəyanın açma qeydi.
2.
Skelet
əzələsinin tetanik təqəllüsünü kimoqrafda
qeyd edib, qalxan və enən
istiqamətdə qüvvəli sabit cə-
rəyan dövrəsini bağlayıb, təcrübəni təkrarlayırlar. Katod
qütbü əzələyə yaxın olarsa tetanik təqəllüsün hündürlüyü
artacaq, anod qütbü yaxın olduqda azalacaq və ya əzələ
tam boşalacaq.
3.
Sinir-əzələ preparatının sinirini qütbləşməyən
elektrodlar üzərinə qoyub dövrəni elə qoşurlar ki, cərə-
yanın istiqaməti qalxan olsun. Stimulyatorda dəstəyin
yerini dəyişməklə cərəyanın qüvvəsi maksimuma
çatdırılır. Sonra sabit cərəyan dövrəsini açır və onurğa
beyninə yaxın hissədə sinirin üzərinə NaCl kristalları
qoyulur. Müəyyən müddətdən sonra kimyəvi qıcıq
təsiri
altında preparatın tetanik təqəllüsü müşahidə olunur. Bu an
sabit cərəyan dövrəsini bağladıqda anod qütbündə
oyanıqlıq və keçiricilik kəskin enir, oyanma əzələyə nəql
oluna bilmir, əzələ boşalır, təqəllüs etmir.
Şəkil 59. Fizioloji elektroton təcrübəsinin sxemi:
1-sabit cərəyan elektrodları; 2-NaCl kristalları.
73
15 saylı iş. Pflügerin təqəllüs qanunu
Bildiyimiz kimi orta qüvvəli daimi cərəyan ilə
toxumaları qıcıqlandırdıqda oyanma yalnız dövrəni bağ-
layan və ya açan an əmələ gəlir. Cərəyanın qüvvəsini
dəyişdirdikdə oyanmanın əmələ gəlməsi
bu qanuna tabe
olmur. Pflüger müəyyən etmişdir ki, sabit cərəyan to-
xumaya təsir etdikdə toxumanın verdiyi cavab cərəyanın
qüvvəsindən, istiqamətindən və verilmə anlarından
asılıdır.
Pflügerin
təqəllüs qanunu, qütblər və fizioloji elek-
troton qanunları ilə izah edilir (şəkil 57, 58, 59).
Lazım olan material və avadanlıqlar: stimulyator,
qütbləşməyən elektrodlar, qayçı, pinset, mantar lövhə,
sancaqlar, mioqraf, fizioloji məhlul, pambıq, qurbağa.
İşin gedişi. Normal əzələdə təqəllüsün əmələ
gəlməsi 3 şərtdən asılıdır: 1 – cərəyanın qüvvəsindən, 2 –
cərəyanın
istiqamətindən, 3 –momentdən, cərəyanın
qüvvəsi zəif, orta və qüvvəli, cərəyanın istiqaməti qalxan,
enən və bağlanan, açılan momentlərdən asılıdır.
Zəif cərəyanda katelektroton, anelektrotondan
qüvvəli olur. Orta cərəyanda kateelektroton anelektrotona
bərabər olur. Qüvvəli cərəyanda anelektroton katelektro-
tondan qüvvəli olur.
Zəif cərəyanda cərəyanın istiqamətindən aslılı ol-
mayaraq dövrə bağlanan
momentlərdə təqəllüs var, açılan
momentlərdə isə yoxdur.
Orta
cərəyanda cərəyanın istiqamətindən asılı ol-
mayaraq hər iki momentdə təqəllüs var. Qüvvəli cərəyanda
enən istiqamətdə dövrə bağlanan momentdə təqəllüs var,
açılan momentdə yoxdur. Qalxan istiqamətində isə dövrə
74
bağlanan moment təqəllüs yoxdur, açılan momentdə var.
Təcrübə aşağıdakı cədvəldə göstərilən nəticələri
verəcəkdir. Həmin cədvəldə əzələnin təqəllüs etdiyi «+»,
etmədiyi «-» işarəsi ilə göstərilmişdir.
Cədvəl 4
Cərəyanın
enən istiqaməti
Cərəyanın
qalxan istiqaməti
Cərəyanın
qüvvəsi
Bağ. Açı. Bağ. Açı.
Zəif cərəyan + -
+
-
Orta cərəyan + +
+
+
Qüvvətli cərəyan +
-
-
+
Cədvəldən göründüyü kimi,
cərəyan zəif olduqda,
istiqamətdən asılı olmayaraq dövrə bağlanan an təqəllüs
edir, dövrə açılan anda isə təqəllüs olmur. Deməli,
cərəyanın qüvvəsi zəif olduqda, dövrə bağlanan an katod
qütbünün toxunduğu yerdə sinirdə baş verən oyanma
kifayət səviyyəyə yüksələ bilib, əzələni təqəllüsə gətirdiyi
halda, dövrə açılan an anod qütbündə oyanma əzələni
təqəllüs etdirəcək səviyyəyə çata bilmir (şəkil 60).
75
Şəkil 60. Zəif cərəyanın təsiri. Enən istiqamət:
I-dövrə bağlanan an; II-dövrə açılan an.
Qalxan istiqamət:
III-dövrə bağlanan an; IV-dövrə açılan an, a-oyanmanın
kritik
səviyyəyə yüksəlməsi; b-sinir-əzələ preparatı; v-oyanıqlığın
və keçiriciliyin kritik səviyyəyə enməsi.
Zəif cərəyan ilə enən istiqamətdə dövrəni bağlayan
momentdə katod mühitində əmələ gələn oyanma qabiliyyəti,
oyanma xəttini keçdiyi üçün təqəllüs alınır. Dövrəni açan
momentdə anod mühitində əmələ gələn oyanma qabiliyyəti
a
xəttinə çatmır və təqəllüs əmələ gətirmir.
Zəif cərəyanda katelektroton anelektrotondan qüvvəli
olduğu üçün indeferent nöqtə anoda yaxın olur.
76
Şəkil 61. Orta cərəyanın təsiri.
(Şərti işarələr 60-cı şəkildəkinin eynidir).
Orta
cərəyanla enən istiqamətdə dövrə bağlanan
momentdə və açılan momentdə oyanma qabiliyyətləri hər
iki
mühitdə a xətlərini keçdikləri üçün təqəllüs alınır.
Katelektroton anelektrotona bərabər olduğu üçün
indeferent nöqtə ortaya düşür.
Qüvvəli cərəyanla enən istiqamətdə dövrəni bağ-
layan momentdə katod mühitində əmələ gələn oyanma
qabiliyyəti əzələyə nəql olunur, təqəllüs əmələ gətirir.
Dövrəni açan momentdə anod mühitində əmələ gələn
oyanma qabiliyyəti katod mühitində C xəttini keçdiyi üçün
katod mühitini müvəqqəti paralic edir və təqəllüs alınmır.
Qüvvəli cərəyanda anelektroton katelektrotondan qüvvəli
olduğu üçün indeferent nöqtə katoda yaxın yerləşir.