232
Bank italyan sözü olan banco
oturacaq deməkdir. İlk olaraq İtalyada pulları
skamiyalarda mübadilə edərdilər. Hazırda banklar bəşəri sivlizasiyanın dəyərli iqtisadi
texnoloji nailiyyəti olaraq, böyük tarixi tapıntılar sırasında dayanır. Dünyada saysız,
hesesabsız banklar içərsində orta hesabda yalnız iki mini etibarlılıq reytinqdə yüksəkdə
dayanır. Siyahının önündə isə çoxmilyardlı kapitalla Almaniyanın Doyçe bankı on məşhur
digər bankla birlikdə gedir. Pul qabı mənasında şərh edilən alman mənşəli birja isə banklara
nisbətdə miqdar cəhətdən daha az saylıdır.
Neft bankı neft dollarının etibarlı mühafizəsinə yardım etdiyi kimi, həm də kredit,
valyutanın
arbitrac prosesini tənzimləyən, xarici və daxili qiymətlərin rabitəsini uzlaşdıran, neft
sektorunun elmi-texniki və texnoloji yeniləşməsini stimullaşdıran və nəhayət inflyasiya ilə
mübarizədə ən yaxşı vasitə olan iqtisadi artıma nail olmada çox mühüm strateji maliyyə alətidir.
Biz neft fondunun sanbalı haqqında danışarkən eyforiyaya qatılmamalıyıq. Burada miflər
və riflər yetərincədir. Sistemlənmiş ən yaxşı iqtisadi mexanizmlər, maliyyə piramidaları, lider
banklar belə gözlənilməz iqtisadi fəsadlardan sığortalanmamışdır. Ona görə də, ARDNF
strategiyasında daha çox diqqət və qayğı nümayiş etdirməliyik. Bu strategiya lokal arealda deyil,
yaşadığımız bütün iqtisadi məkanın şərait və şərtləri daxilində hərəkət etməlidir. Strategiyanın
reallaşması mexanizmləri iqtisadi mühitin modernizasiya problemi ilə uzlaşdırmalı və müəyyən
nisbətdə onun indikatorlarından birinə çevrilməlidir.
ARDNŞ-də toplanmış və toplanacaq vəsaitdən investisiya məqsədi
ilə istifadə edilməsi
məsələsinə də proqram və layihələr əsasında gerçəkləşdirilməlidir. Bu strategiya Azərbaycan
Respublikası Prezidenti H.Ə.Əliyev cənablarının müvafiq fərmanında əksini tapmışdır.
Ümumiyyətlə, qeyd olunmalıdır ki, indiki mərhələdə ARDNF-in qorunması və ondan investisiya
məqsədi ilə istifadə olunması respublikada çox etibarlı şəkildə təşkil edilmişdir. Bu təşkil
olunmanı DYİB da bəyənir və dəstəkləməkdədir.
ARDNŞ-in vəsaitləri hər il artıma məruz qalır. Yaxın perespektivdə buradakı vəsaitlərin
illik yığımı milyon dollarlıq parametrləri ötüb keçəcəkdir. ARDNŞ-in birinci vitse prezidenti
İ.H.Əliyev qeyd edir ki, «Bu
gün Azərbaycan, büdcə gəlirlərindən savayı konsorsiumla birlikdə
neft satışı hesabına hər il 160-180 milyon dollar qazanır. 2005-ci ildən etibarən Neft Fondunun
illik mədaxili 500 milyon dollar təşkil edəcəkdir ki, bu da indikibüdcənin yarısına bərabərdir.
2008-ci ildən etibarən bu göstərici bir milyard dollar olacaqdır».
50
ARDNŞ-in 2002-ci il büdəcəsinin gəlirləri 880.196,0 min manat, xərcləri 153.485,5 min
manat təsdiq edilmişdir. ARDNF büdcəsinin mədaxil hissəsinin 81,6%-ini Azərbaycan
Respublikasının payına düşən xam neftin satışından əldə edilən gəlir, 5,5%-ni akrhesabı
ödənişləri, 0,3%-ni xarici şirkətlərlə bağlanmış müqavilələr çərçivəsində dövlət əmlakından
istifadə üçün icarə haqqı, 6,0%-ni fondun vəsaitinin yerləşdirilməsindən əldə edilən
gəlir və
yerdə qalan 6,6%-ni digər gəlirlər və daxil olmalar təşkil edir. Xərclər hissəsinin isə 98%-i
qaçqınlarla bağlı müvafiq sosial problemlərin həllinə, qalan 2%-i, 3162,2 milyon manatı fondun
idarəetmə xərclərinə yönəlmişdir. Göründüyü kimi, ARDNF-in 2002-ci il vəsaitinin idarəetmə
xərcləri istisna olunmaqla yalnız 17,1%-i istifadəyə verilir. İndi burada 500 milyon ABŞ
dollarından çox vəsait toplanmışdır. Şübhəsiz ki, bu vəsaitləri qaçqınların ehtiyaclarına məsrəf
edilməsi yaranmış çətin situasiya ilə bağlıdır. Lakin bu problem də əbədi deyildir.
Fondun
vəsaitləri qeyd olunan təkrar istehsal və inkişaf problemlərinə məsrəf olduqda daha effektli
nəticələr verəcəkdir. Bununla belə, ARDNF-in aydın və mümkün şəffaflı, uzunmüddətli strateji
planları da işlənib hazırlanmalı, respublika ictimayyiəti onun məqsəd və məramının
gerçəkləşməsinə daim nəzarət etməlidir. ARDNF kapitalının qorunması məqsədi ilə müəyyən
qismətdə vəsaitlərini aparıcı maliyyə institutlarında yerləşdirməli, dayanaqlı və etibarlı biznes
qrumlarının səhmlərinin alınmasını təmin etməlidir. Ümumilikdə beynəlxalq bazarın
gözlənilməz kataklizmlərindən, rəqib cəhbədən göndərilən viruslardan
qorunmaq məqsədi ilə
mühafizə çətri yaratmalıdır.
50
İlham Əliyev: «Biz hər şeyə müvəffəq olacayıq». Azərbaycan qəzeti 27 aprel 2002-ci il.
233
Çox zaman KİV-də investisiya tələbində olan obyektlərin və yaxud da sosial təminatın
yaxşılaşdırılmasında ARDNF-in vəsaitlərindən istifadə olunması haqda iqtisadi məzmunsuz
fikirlərə rast gəlinir. Əlbəttə investisiya tələbli obyektlərin fond tərəfindən stimullaşdırılmasında
heç bir qəbahət ola bilməz. Lakin bu fond fəaliyyətini səxavətli messanat kimi sponsorluqla
gerçəkləşdirilməməlidir. Vurğulandığı kimi, onun missiyasının leymotivini yeni maliyyə
resursları yaradan sahələrin inkişafına kapital qoyluşları təşkil etməlidir.
Milli iqtisadiyyatın, daha çox isə onu qidalandıran sahənin modernizasiyası xərcləri
ARDNF-nin qayğı öhdəlikləri sırasında olmalıdır. Tənəzzül keçirən neft maşınqayırması
sənayesinin modifikasiyası, onların itirilmiş bazarlara yenidən qaytarılması, universal
standartlara uyğun olaraq yenidən qurulması, müvafiq beynəlxalq institutların monoqramlarının
alınmasına yardım etməlidir.
Monoqram-müəssisənin müəyyən institutların standartlarına uyğun müvafiq
icazəsi ilə məhsul istehsal etmək səlahiyyəti verilən imtiyaz və reytinqdir. O, istehsal
məhsulunun birbaşa beynəlxalq bazara çıxışında əhəmiyyət kəsb edən sertifikat
nümunəsidir. Azərbaycanda hələlik yalnız bir, Bakı maşınqayırma zavodu 2001-ci
ildə Amerika Neft İnstitutunun monoqramını almışdır. Xəzərdə beynəlxalq neft
kontrakları bağlanılmasında monoqram məsələsi də əksini tapmışdır. Bakı
neftmaşınqayırma zavodlarının bir qisminin də tam gücü ilə işləməməsi və müvafiq
kontraktlara xidmət etməməsi də həmən müqavilə şərtlərindən irəli gəlmişdir.
«Şahdəniz» yatağının böyük təbii qaz potensialı analoji Təbii Qaz Fondunun yaradılmasını
da şərtləndirir. Fikrimizcə gələcəkdə müvafiq fonların təsisatı spektri genişlənməsi labüd
olacaqdır. Bu baxımdan quruda neftqazçıxarma
kompleksində də oxşar, lakin bir qədər məxsusi
olan fondun təsisatı da formalaşdırıla bilər. Bu haqda geniş təhlil işi monoqrafiyanın əvvəlki
bölümlərində əksini tapmışdır. Bununla belə, quruda neftqazçıxarmanı stimullaşdıran, onun
davamlılığını təmin edəcək fondun yaradılması zəruriliyini bir daha vurğulayırıq.