236
sahəyə ayrılmış təxsisatları Azərbaycan
tərəfinə deyil, bu məqsədlərlə təşkil etdikləri xarici özəl
qurumlara yönəldir.Əlbəttə burada müəyyən dərəcədə ötən müddətlərdə imkanların səfərbər
edilməməsi, modernləşməyə lazımi vəsaitin yönəldilməməsi, sahənin rəqabət qabiliyyətini
artıran təşəbbüslərin qiymətləndirilməməsi də özünün mənfi təzahürünü biruzə vermişdir. Elə bu
səbəbdəndir ki, xarici firmaların neft sənayesinin xidməti sektorda fəallığı artmaqdadır. Bir
tərəfdən yerli ənənəvi strukturların zəif rəqabətqabiliyyətliyi, digər tərəfdən beynəlxalq
kontraktların dünyəvi standartlara üstünlük verən maddələri, müvafiq milli neft təşkilatlarını belə
əməkdaşlıqdan faydalanmaqdan təjrid edir. 2500-dən çox elmi işçini əhatə edən 5
neft-qaz
profilli elmi-tədqiqat və təhsil institutları olan «Neft Akademiyası» titullu malik məmləkətdə
ixtisaslaşmış milli təşkilatlar dar ixtisaslı əcnəbi təşkilatların «uzurpasiyasına» məruz qalır. Belə
yanaşma illərcə toplanmış ənənəvi təcrübə maddi-texniki potensialın dağılmasına,
təsərrüfatsızlaşmasına gətirir, xarici asılılığı artırır, iqtisadi inkişafı zəiflədir.
Dünya ölkələrinin təcrübəsi göstərir ki, elmtutumlu sahələrin inkişafına yönələn dövlət
səviyyəli struktur islahatları, normal iqtisadi inkişafın qarantına çevrilir. Bununla belə, aydın bir
həqiqət də vardır ki, yerli və özəl strukturlar elmi-tədqiqat və konstruksiya işlərini
stimullaşdırmaqda nə qüdrətli, nə də həvəslidirlər. Onlara xarijdən hazır texnologiya, daxildən
ucuz işçi qüvvəsi daha sərfəlidir. Bizdən bir müddət əvvəl yeni iqtisadi
inkişaf yoluna qədəm
qoyan Pakistan, Çin, Yaxın Şərq ölkələri iqtisadi tərəqqidə elmi tədqiqatın mühümlüyünü rəhbər
tutaraq bir çox nailiyyətlər əldə etmişlər. Bu ölkələrin də maliyyə imkanları, elmi hazırlığı daxili
inkişafı tam təmin etməsə də, onlar elmin çətin yollarında səylərini daim artırırlar. Yeni əsrdə 10
iqtisadi qüdrətli ölkələr sırasına çıxmağı qərarlaşdırmış Türkiyə də hələ ki, əmtəə istehsalından
güclü potensiallı, elmtutumlu infrastruktura keçməyi tam gerçəkləşdirə bilməmişdir.
Milli sərvətlər içərisində intellektual məhsul xüsusi çəkiyə malikdir. Rusiyada da hələ
ki, elmi işlərə ayrılan xərc yetərli deyil. Bu, ÜDM-in 0,5%-dən bir qədər çoxdur. 1999-cu ilin
məlumatlarına görə, RF bu sahədə Çili və Türkiyə arasında 33-cü yeri tutur. Azərbaycanda
isə müvafiq göstərici xeyli aşağıdır. TASİS proqramının 2000-ci il hesablamalarına görə,
Azərbaycan Cənubi Qafqaz ölkələri arasında iqtisadi potensial, əhalinin və ərazisi
potensialına görə, liderlik etsə də, elmi işçilərin sayına görə, Gürcüstandan iki dəfə geridə
qalır. 1980-ci illərdə yaponlar energetik sahədə elmi-tədqiqat işlərinə ABŞ-a nisbətdə çox pul
xərcləmişlər.
Azərbaycan isə bütün bu reallıqlar orbitində nisbətən fərqli potensiala, özünəməxsus
inkişaf trayektoriyasına malikdir. Onun müvafiq orta nisbili elmi bazasını böyük elmi start üçün
yetərli hesab etmək olar. Bu imkanların səfərbər edilməsi, elmin yüksək maliyyələşdirilməsi bizi
total iqtisadiyyatın ekstensiv qaranlığından qurtulmasında kömək olacaqdır. Dövlət
sərəncamında olan elm mərkəzləri ilə yanaşı, həm də ictimai institutlara da qrantlar verməklə öz
sifarişlərini diqtə etməlidir. Dövlətin elmi sferada apardığı qrant
siyasəti isə rəqabəti
gücləndirilməsinə, elmi axtarışlara yeni ahəng və surət verəcəkdir.
Elmin stimullaşdırılması ayrıca bir qərarın məhsulu deyil, ümumi inkişafın konseptual
proqramında, dövlətin iqtisadi doktrinasında əksini tapmalıdır. Müasir dünyada dövlətin elmlə
əlaqəsi təkcə büdcə subsidiyaları üzərində qurulmur. İndi praqmatizmin dominant meyli elmi,
siyasəti, iqtisadiyyatı, hətta mədəniyyəti də əhatə etmişdir. Sosium qanunları daha çox
ümumbəşəri mahiyyət almışdır. Cəmiyyətdə elmin rolu güclənir, mühəndis əməyinin əhəmiyyəti
yüksəlir, insanın tələbatı istehsalın inkişafına mühüm təsiredici amil kimi yeni yaranışlara zəmin
olur. Bu baxımdan elmin məhsuldar qüvvəyə çevrilməsi prosesi stimullaşdırılmasında elmi-
texniki məhsul bazarının genişlənməsi mühümdür.
237
15.2. İnnovasiyon fəaliyyət
Təşkilatın innavosiyon fəaliyyəti elmi-texniki, intellektual potensialı səfərbər
edərək
səmərəliyin və digər iqtisadi fərqlənmələrə nail olmanı əhatə edən tədbirlər sistemidir.
Məhsuldar və prosesli olmaqla texnoloji innovasiya hər iki istiqamətdə QNQÇİB-də
əhəmiyyətini nümayiş etdirə bilər. Sahə elminin vəziyyəti indiki elmi-tədqiqat, layihə,
innovasiyon işləmələrə olan tələblərə cavab vermir. Laborator avadanlıqların fiziki və mənəvi
köhnəliyi müasir elmi-tədqiqatların aparılmasını imkansız edir. Bu baxımdan neftqazçıxarma
kompleksində prinsipial olaraq texnoloji yeniləşmə, yeni radikal məhsuldar innovasiya prosesi,
həm də müəyyən nisbətdə təkmilləşdirməni ehtiva edən inkremental məhsuldar innovasiya
aparmaq olar. Lakin burada daha münasib, yeni və əhəmiyyətli dərəcədə təkmil istehsal üsulu və
texnologiyaların mənimsənilməsini, istehsalın
təşkilini, avadanlaqlırı dəyişdirən prosesli
innovasiya gərəkli sayıla bilər. Texnika və texnologiyaların büsbütün və ya çox geniş həcmdə
dəyişdirilməsi isə öz növbəsində istehsal fasiləsinə səbəb olur. Bu mərhələdə isə əldə edilmiş
müəyyən səmərəlilik aşağı enə bilər.
Hazırda dünya iqtisadiyyatında yeni bir meyl qeyri-material resurslarının ÜDM-də pay
yüksəlişinin artması müşahidə olunur. Belə tendensiya daha çox sənayecə inkişaf etmiş
dövlətlərə xasdır. İqtisadiyyatlarında inqilabi dəyişikliklərə nail olmuş, yüksək sosial-iqtisadi
nəticələr əldə etmiş bu dövlətlərdə qeyri-material resursları istehsal xərclərinin yarıya qədərinə
yaxınlaşmaqdadır. İndiki iqtisadi inkişafı dəyərləndirən mühüm göstəricilər sırasında bu və ya
digər ölkənin iqtisadiyyatının
softlaşması səviyyəsi mühüm hesab edilir. Softlaşmanı bir
hadisə
kimi qeyri-material resurslarının, o cümlədən, müxtəlif-servis xidməti, cəmiyyətin intellektual
potensialı, işçi qüvvəsi və kadr hazırlığı konsaltinq, ekspert, idarəetmə sənətkarlığının iqtisadi
inkişafın amilinə çevrilməsi kimi xarakterizə etmək olar. Azərbaycanda bu proses daha çox
ikinci və üçüncü sektorun inkişafında mənbəyini tapır. Bu quruculuqda qonşu məmləkətlərdən
geri qalsaq da, müvafiq sahədə çağdaş vəziyyəti nisbi sağlam hesab etmək olar. Qeyri-hökumət,
qeyri-kommersiya təşkilatlarını əhatə edən üçüncü sektorda müəyyən qrant almaq imkanlarının
mövcudluğu şəraitində məhz burada daha çox yüksəliş müşahidə olunur. Böyük İpək yolu,
TRASEKA, İNOKEYT, Trans-Avropa-Asiya
fiberotik kabel, Bakı-Ceyhan, Bakı-Ərzurum və
digər qlobal layihələrin Azərbaycan məkanında gerçəkləşdiyi bir məqamda yeni müvafiq soft
təşkilatların, şirkətlərin yaradılması ehtiyacı daha da artır və təxirəsalınmaz səciyyə daşıyır. Belə
yüksəliş dövlətin mənafelərinə tamamilə cavab verir. Bu mütərəqqi inkişaf istiqamətini
stimullaşdırmaq üçün dövlət öz imkanlarından, xüsusən imtiyazlı kreditlər, əlverişli vergi
proseduralarından istifadə etməlidir. Daha çox diqqəti elmi təhsilin subsidiyalaşmasına
yönəlməlidir.
Sivilizasiyanın inkişafının hər yeni mərhələsində olduğu kimi, müasir inkişaf prosesi də
texniki-texnoloji nailiyyətlərdə, innovatikada geniş iştirakı ilə xarakterik olmuşdur. Ötən əsrin
80-ci illərində dünyanın aparıcı, iqtisadi mütəşəkkil ölkələrində istehsal demək olar ki, tamlıqla
yenidən texniki təchizatlanmış və modernləşmişdir. Postsindustrial inkişafın ilk indikatoru əmək
məhsuldarlığının surətli artımı, buna müvafiq olan istehsal sferasında məşğulluğun payının
azalması olmuşdur. Xidmətlər sferasının diapozonun genişlənməsi və xarakteri iqtisadi inkişafın
mühüm göstəricisinə çevrilmişdir.
İndi genişlənən bu üçüncü sferadan ayrılaraq müstəqil məzmunda «biliklər
sferasını-elmi informatikanı, mədəniyyəti, kadr hazırlığını əhatə edən dördüncü «ağ
yaxalıqlar», hətta idarəçilik aparatları, konsaltinq firmalarını əhatə edən «qızıl
yaxalıqlar» - «desijenmeykers» adlanan beşinci sferanın da formalaşdığı
gerçəkləşmədədir.
İnnovasiyon fəaliyyətin inkişaf etdirilməsi onun elmi-texniki potensialının durumu,
keyfiyyət və kəmiyyət parametrləri ilə əlaqədardır. Elmi-tədqiqat işlərinin vəziyyəti, elmi
tutumluluq səviyyəsi, ixtisaslı kadr potensialı, ixtiraçılıq təcrübəsi və təşəbbüskarlıqlı,