242
proses mədən sahələrini mövcud artıq yerüstü avadanlıqlardan, yeraltı xətlərdən
təmizlənməsinə,
ekoloji səmərənin artırılmasına zəmin olur. Lakin bu görülən işləri də yetərli hesab etmək olmaz.
Başlanan tendensiyanın daha da genişləndirilməsi, ekoloji riskləri azaldan tədbirlərin
gücləndirilməsi gərəkdir.
Ekoloji riskləri qiymətləndirilən agentliklərin yaradılması MDB məkanının neft
sənayesində yerini tapmaqdadır. Neft-qaz sektorunda ekoloji böhran meyllərini təjrid etmək,
fors-macor hallarından qurtulmaq, çirklənmiş ərazilərin rekultivikasiyasını aparmaq, ekoloji
vəziyyəti mülayimləşdirmək, nəzarət mexanizmini reallaşdırmaq fikrimizcə dövləti strategiyada
daha geniş spektrdə aşağıdakı tədbirlərin kompleks vəhdətindən keçir:
milli ekoloji strategiyanın formalaşdırılması;
ekoloji təhlükəsizliyi və nəzarəti ifadə edən normativ-hüquqi aktların
qəbulu və
müvafiq qanunvericilik şəbəkəsinin müntəzəm təkmilləşdirilməsi;
beynəlxalq ekoloji təşkilatlara, ekoloji fondlara inteqrasiyanı gücləndirmək;
xarici və daxili qrantlara hesablanan müvafiq investisiya proqramlarının
gerçəkləşdirmək, ekoloji profilli qeyri-hökumət təşkilatlarının fəaliyyətini
stimullaşdırmaq;
ekoloji nəzarəti operativ təmin edən mərkəzi və sahəvi strukturların təsisatı;
neft mədənlərində ekoloji böhranlı zonaların inventarizasiyası, diaqnostikası və
manitorinqinin həyata keçirilməsi;
ekoloji mədəniyyəti və bilikləri yüksəldən tədbirlərin gücləndirilməsi və müvafiq
treninqlərin aparılması;
quru sahələrində qazma prosesində maili quyu inşasına keçidin təminatı;
müasir ekoloji keyfiyyəti ilə fərqlənən texnologiyaların tətbiqinin genişləndirilməsi;
ekoloji riskləri zəiflədən üstün sığorta sisteminə keçid.
Şübhəsiz ki, sivilizasiyanın yeni mərhələsi insanın
həyat tərzini, fəaliyyətini ekoloji
prinsiplərə əsaslandıran, uyğunlaşdıran ekosivil strategiyalarda əksini tapacaqdır.
243
NƏTİCƏ VƏ TƏKLİFLƏR
Rifahi dirçəlişin təminatında mühüm baza imkanlarına, zəngin təbii sərvətlərə, əhəmiyyətli
coğrafi və geosiyasi mövqeyə maliklik və perspektiv bazarlara yaxınlıq, Avropa, Rusiya, Yaxın
Şərq, Cənub-Şərqi Asiya tranzit yollarının qovşağında yerləşmə konfiqurasiyası respublikanın
XXI əsrdə, dünya ölkələri sırasında layiqli yer tutmasına geniş imkanlar açmışdır. Xəzərin
nəhəng karbohidrogen ehtiyatları, onun mənimsənilməsi üçün əlverişli infrastruktur, ixtisaslı,
ucuz işçi qüvvəsi və digər bu kimi, özəlliklər ölkəyə yön alan investisiyaların kommersiya
səmərəliliyini daha da artırır. Geoiqtisadi
durumunun bu aspektləri, xüsusi olaraq neft-qaz
resursları faktoru, hasilatın adambaşına bölgüsündə mühüm neft ixracatçıları ilə yaxın təsnifatda,
proqnoz ehtiyatların müvafiq bölgüsündə isə ilk onluqda yer tutması, Azərbaycanı yüz il öncə
olduğu kimi, yenə də iri dövlətlərin strateji maraqlarının orbitinə cəlb etmişdir.
Yeni geostrateji situasiyada qlobal strukturlara, meqaiqtisadiyyata dərin inteqrasiyanın
gücləndirilməsində ölkənin ümumi inkişaf strategiyasının ən mühüm prioritetlərindən birini
təşkil edən neft-qaz sərvətləri,
dövlət müstəqilliyinin, milli və iqtisadi təhlükəsizliyinin
möhkəmləndirilməsində xüsusi əhəmiyyət daşıyır. Müəllifi respublika prezidenti H.Ə.Əliyev
cənablarının olduğu neft strategiyasının reallaşmasının təminatı, çağdaş zamanda istehsal
münasibətlərinin bazar prinsiplərinə transformasiyasının daha yüksək templərlə
sürətləndirilməsini şərtləndirir. Müasir mərhələdə ən ümdə lokal məsələ keçid və adaptasiya
prosesinin son dərəcə qısa zaman kəsiyində reallaşdırılmasından ibarətdir. Təkcə Xəzərdəki
konsorsium zonasında deyil, bütövlükdə neft-qaz sənayesinin, xüsusən köhnə yataqları əhatə
edən strukturlarda istehsalın bazar münasibətləri əsasında yenidən qurulması, sahənin inkişafı ilə
bağlı başlanan irimiqyaslı işlərin dövlətin qayğı və nəzarətində olması,
onun dirçəlişini, davamlı
inkişafının təmin edilməsini obyektiv zərurətə çevirir.
Köhnə istismar sahələrində yeni iqtisadi sistemə keçiddə çeşidli problemlər həllini
gözləməkdə davam edir. Hazırda köhnə istismar obyektlərində hasilatı təmin edən kompleksdə
rentabelli işləyən neftqazçıxarma təşkilatı aramaq müşkül bir işdir. Bazar iqtisadiyyatı tələblərinə
cavab verməyən təssərrüfatçılıq prosesində istehsal həcminin kəmiyyətinə edilən orentasiya,
inzibati formalı idarəetmə sistemi dövriyyə vəsaitlərinin məhdudlaşması ilə nəticələnərək,
kompleksin maliyyə dayanaqlığına təsir etmiş, maddi-texniki təchizatın pisləşməsi, quyu
debitliliyinin aşağı düşməsi, qazma prosesinin səngiməsi və yüzlərlə məhsuldar quyuların
reanimasiya gözləməsi ilə müşayiət olunmuşdur. Digər tərəfdən obyektiv gerçəkliklər, lay
enerjisinin tükənməsi, dağ-mədən-geoloji şəraitinin ağırlaşması, ümumi toplumda istismarı xeyli
gərginləşdirmişdir. «Ödəmələr» sindromunun hakim kəsildiyi iqtisadi şəraitdə yeni
fiskal
tələblərin qoyulması rentabelli fəaliyyətə təsir etmiş, istehsal xərcləri ilə istehsal həcmi arasında
proporsiyanı pozaraq dərin disbalans yaratmış, vəsait çatışmazlığı ilə yanaşı, optimal olmayan
qeyri-münasib məşğulluq, dayanaqlı renovasiya prosesinin pozulması, elmi əsaslandırılmış
uzunmüddətli strateji plan və proqramların hazırlanmaması sahənin inkişafına məhdudiyyətlər
gətirmişdir. Diqqətə çəkilən reallıqlar isə quruda neftqazçıxarma kompleksin qeyri-bazar
sektorlu fəaliyyət aspektini bir daha önə gətirir.
Daim elmi-tədqiqat predmetinə çevrilən neftqazçıxarma kompleksinin iqtisadi
problemlərinin təhlili və həlli mexanizmlərinin araşdırılması, yeni iqtisadi tələblər və reallıqlar
konteksində daha aktual səciyyə daşayır. Bu baxımdan mövcud tədqiqat
işində quruda intişar
tapmış, neft-qaz industriyasının bazar prinsiplərinə müvafiq, yeni iqtisadi inkişaf strategiyasının
formalaşdırılmasının əsas istiqamətlərinin müəyyənləşdirilməsi məsələsi elmi-təhlil mövzusu
kimi qarşıya qoyulmuşdur. Quruda neftqazçıxarma sənayesinin ümumi iqtisadi problemlərinə
sistemli yanaşma, retrospektiv təhlil əsasında tədqiqi, istehsal artımının təmin edilməsində sahəvi
kompleksin yeni iqtisadi modelinin, struktur islahatlarının və idarəetmənin strategiyasının
işlənməsi, istehsalın dinamik inkişaf meyllərinin araşdırılması, kompleksini iqtisadi
modernizasiyası problemlərinin
həllində, səmərəli fəaliyyətin təşkilində mütərəqqi bazar
mexanizmlərindən, menecment, informasiya və maliyyə texnologiyalarından, fiskal orentirlərdən