234
XV FƏSİL
TEXNOLOJİ YENİLƏŞMƏ PERSPEKTİVLƏRİ
15.1. Elmi-texniki nailiyyətlər
Müstəqilliyinin kiçik dövrü ərzində Azərbaycan qlobal siyasi-iqtisadi proseslərin yedəyinə
düşərək böyük maraqların toqquşduğu geopolitik məkana çevrilmişdir. Siyasi ehtiraslarpın
episentrində neft-qaz resursları dayansa da, əlverişli coğrafi mövqe, yetərli infrastruktur, tranzit
ərazi, loyal iqtisadi mühit, sintetik planda bənzərsiz elastik bir obraz yaratmışdır. Son yüz ildə
eyni məqsədləri və məramları ifadə edən Avropa kapitalının Azərbaycana ikinci böyük gəlişi
ölkə iqtisadiyyatında yeni bir mərhələnin əsasını qoymuşdur. Qərb demokratiyası, liberallaşan
iqtisadiyyat tərəddüdsüz olaraq yeni dövlət quruculuğunun prinsiplərini qaynaqlandırmışdır.
Ötən illər ərzində respublikanın
ictimai-siyasi, sosial-iqtisadi həyatında mühüm dəyişikliklər baş
vermiş, yeni iqtisadi münasibətlər, demokratik təsisatlar, qlobal strukturlara inteqrasiya təşəkkül
tapmışdır. Bununla belə, siyasi-iqtisadi transformasiya mərhələsinin özəllikləri, bazar
strukturlarına adaptasiyada mühafizəkar təmayül yeni yaranışlara keçidin müddətini artırmışdır.
Keçid iqtisadiyyatını yaşayan bütün ölkələr kimi Azərbaycan Respublikası da ümumi, əlahiddə
və spesifik problemlərlə qarşı-qarşıyadır. Bu problemlər içərisində böyük tərəqqi üçün mühüm
detenator
elmi inkişaf problemləri, texniki-texnoloji tərəqqi müstəsna əhəmiyyətlidir.
İctimai şüur formalarından biri kimi, elmin cəmiyyətin məhsuldar qüvvələrinin inkişafına
və ictimai həyatın müxtəlif sahələrinə təsirinin sosial nəticələri mühümdür. Bəşər cəmiyyətinin
bütün tarixi ərzində elm inkişafın ən mühüm faktoru olmuş, təbiət və cəmiyyət qüvvələrinin
özünə tabe etməsinin göstəricisinə, mənəvi həyatımızın müstəqil amilinə çevrilmişdir. Qədim
Şərq ölkələri Babilistanda, Misirdə, Hind və Çində toplanan biliklər elmlərin ilkin şərtlərinin
hazırlanmasına, sonrakı inkişafda isə müxtəlif təlimlərin formalaşmasına, onların yeni
nailiyyətlərlə zənginləşməsi prosesinə təkan vermişdir. Əsrlər ötdükcə mifik təfəkkürü sarsıtmış
elmin artan idrak gücü ilk elmi inqilablarla nəticələnmişdir.
Elm predmetin qoyuluşundan başlayır. Mövcud predmetin strukturunu anlamaqla yanaşı,
onun yaranışı, inkişafı ilə bağlı cəhətləri, qanunauyğunluqları araşdırmaq,
təhlil və tədqiq etmək
zəruridir. Elmlə məşğuliyyət istedadla yanaşı ciddi məsuliyyət də tələb edir. Hesablama
alqoritmləri tətbiq etmədən əsaslı elmi iş görmək mümkün deyildir. Eksperimentlər fikirləşib
tapmaq, açıq-aşkar yaradıcılıq prosesində qarşıya qoyulan intuitiv hərəkət hallarındandır. İndiki
elmi-texniki inqilab şəraitində formalaşan vahid elmi-texniki istehsal sistemində elm öndə gedir.
Elm həyatımızı yeni ixtiralar, səmərələşdirici təkliflər sahəsində daha da asan edir. Lakin bütün
ixtiralar o qədər də, xoşbəxtliyi təmin etmir. İxtiralar gavur icadı, demonizm kimi xüsusiyyətdən
də azad deyildir. Onun ixtira paradoksu, ixtira effekti kimi əks tərəfləri də mövcuddur.
Texniki
nailiyyətlər əl əməyini azaldaraq kapitala olan tələbatı artırır.
Sosial sifarişin əsas təminatçısı olan elm ayrı-ayrı məmləkətlərin, xalqların deyil, bütün
bəşəriyyətin ümumi sərvəti kimi çıxış edir. Azərbaycanda da, elmin qədim tarixi vardır. İslam
intibahın qərarlaşdığı orta əsrlərdə ölkəmizdə elmi inkişafın artan təzahürləri görünməyə
başlamışdır. Min il öncə Azərbaycan filosofu Əbülhəsən Bəhmənyarın «Səbəb və nəticə
haqqında» təliminin müsəlman Şərqində fəlsəfi-elmi fikrin inkişafında böyük rolu olmuşdur.
Filosof elmin məntiqi bazisdə ərsəyə yetdiyini, məntiqin elm və biliyin meyarı və məntiqsiz
elmin olmadığını vurğulayaraq, onu sivlizasiyanın əsas hərəkətverici qüvvəsi kimi əhəmiyyətini
israrlamışdır. Fazil Fəridətdin Şirvani, Xəqani, Fələki riyaziyyatla məşğul olmuş, Nizami,
Nəsimi, Füzuli şair-filosof olmaqla yanaşı, təbiətşünaslığın bir çox məsələlərinin əsaslı şərhini
vermişlər. XIII əsrdə Marağa rəsədxanasını ərsəyə yetirən Nəsirəddin
Tusi fəlsəfi-əxlaqi əsərləri
ilə yanaşı riyaziyyat, fizika, astronomiya sahəsində mühüm elmi nəticələrə nail olmuş, ulduzların
dəqiq qlobusunu yaratmışdır. XIX əsrdə A.A.Bakıxanov, M.F.Axundovun əsərləri milli-elmi-
fəlsəfi dünyagörüşünün yeni mərhələsi olmuşdur. XX əsrdən başlayaraq Azərbaycan elmi həm
tarixi inkişaf nəticəsində, həm də milli neft faktoru ilə bağlı olaraq fundamental xarakter almış,
235
yeni keyfiyyət dəyişiklikləri ilə müşayiət olunmuşdur. Bu əsrdə Azərbaycanda elmin əksər
sahələri üzrə elmi-tədqiqat institutları, ali məktəblər, elmi mərkəzlər intişar tapmış, alimlərimizin
nəzəri və eksperimental fizika sahəsindəki bir sıra tədqiqatları dünya şöhrəti qazanmışdır. Neft-
qaz
sənayesindəki istehsalat, elmi-texniki nailiyyətlərinə görə isə respublikamız daha irəli
gedərək Neft Akademiyası titulunu qazanmışdır.
Azərbaycanda neft sənayeləşmə xarakteri aldığı ilk çağlarda onun geoloji öyrənilməsində
qeyd olunduğu kimi K.A.Abix, N.İ.Voskoboynikovun tədqiqatları xüsusi rol oynamışdır. Ötən
əsrin ilk onilliklərində akademik İ.M.Qubkin Azərbaycanın neft yataqlarının sahəvi təsnifatda
geniş spektrdə kompleks təhlil edən tədqiqatçılardan olmuşdur. Onun məşhur «Neft haqqında
təlim» əsəri məhz Abşeron neft rayonunun işlənməsi təcrübəsindən qaynaqlanmışdır.
Respublikada neft elminin inkişafında Azərbaycanlı alimlərin töfhəsi yüksək qiymətləndirilir.
Milli alim və mütəxəssislər tərəfindən Azərbaycan neft elminin formalaşmasında çoxlu dəyərli
kitablar yazılmış, fundamental tədqiqat işləri yerinə yetirilmişdir. XX əsrin zirvəsindən keçilən
yolun tədqiqi daha dolğun retrospektivdə ADNSETLİ-in alimləri tərəfindən hazırlanmış «Neft
elmi beşiyi» kitabında əksini tapmışdır.
Ötən yüzillikdə çox böyük alimlər nəsli yetişdirən və sovet ənənələri əsasında formalaşan
Azərbaycan elmi müstəqillik faktoru ilə əlaqədar mühüm transformasiyaya məruz qalmışdır.
Yeni sistemə qovuşmada dəyişən tələblər professionalizm və professionallar qıtlığı yaratsa da,
dünyəvi standartlara qovuşan elmi yaradıcılıq öz vüsət və qayəsini saxlaya bilmişdir.
Respublikada mövcud iqtisadi çətinliklər cəmiyyətin intellektual potensialının inkişaf
meyllərində öz təsirini əks etdirir. Lakin Azərbaycan elminin inkişafında
təkcə maliyyə faktoru
dayanmır. Burada hələ tam formalaşmayan aydın elmi siyasətin olmaması da özünü göstərir.
Elm və təhsilə yönələn subsidiyalar hər il nisbi azalmaya məruz qalır. 1990-cı ildə ÜDM-də
elmin payı 3,5% idisə 1995-ci ildə 0,7%-ə, 2000-ci ildə isə 0,5%-ə enmişdir. Biganə münasibətin
artımı elmi-tədqiqat və konstruktor işləmələrində çalışanların sayını 10 il ərzində yarıbayarı
azalmasına səbəb olmuşdur. Bu sahənin mütəxəssisləri ticarət xidmət sferasına transfer olunmuş,
daha yüksək intellektuallar arasında isə beyin axını
breyn-dreyn prosesi yüksəlmiş, çoxları xarici
dövlətlərə mühacirət etmişlər. Belə reallıq iqtisadiyyatın aparıcı sahəsi neft-qaz sənayesinə
sirayət etmişdir. Elmdə böhranlı vəziyyət daha çox istehsalı gücləndirən, yeni məhsullar yaradan
elmi-tədqiqat təşkilatlarını əhatə etmişdir. Elektrotexnika məhsulları, neft avadanlıqları istehsalı
və maşınqayırması sənayesi ilə keçmiş Sovetlər İttifaqında, eləcə də yaxın regionlarda prioritet
imkanları ilə seçilən respublika indi yaranmış investisiyon qıtlıq nəticəsində dayanaqlı
potensialını itirmiş, əzəli bazarlardan məhrum olmuşdur. Biznes tələblərinə müqabil iqtisadi
strukturlaşmanın
ləng gedişi, bazar təsisatlarına uyğun rəqabətli istehsalın, mütərəqqi xidmət
sahələri, incirinq, konsaltinq, marketinq və digər bu kimi sferaların zəif inkişafı yeni bazar
strukturlarına adaptasiyanın gedişində əksini tapmışdır.
Böyük neft kontraktları çərçivəsində ölkədə fəaliyyət göstərən xarici iş adamları, onları
təmsil edən qruplar Azərbaycanın neft-servis və digər xidmət strukturlarının beynəlxalq
standartlar səviyyəsində olmadığı mülahizələri ilə əməkdaşlıqdan çəkinir, min kilometrlərlə
uzaqdakı partnyorları ilə iş birliyinə üstünlük verirlər. Belə tendensiya Qərbin müvafiq xidmət
təşkilatlarının bizim ənənəvi bazarların fəth edilməsi ilə nəticələnir. Bununla belə, paradoksal
vəziyyət yaranır. Açıq dənizdə hasilata ilkin başlayaraq mobil neft industriyası yaradan, əzəli
qiymətləndirmədə investorların dilində olduqca əlverişli infrastrukturunun mövcudluğu
vurğulanan respublikanın müvafiq neft-qaz kompleksində sənaye-xidmət potensialı yararsız
hesab edilir.
Qeyd olunduğu kimi, dünya okeanı ilə birbaşa əlaqəsi olmayan Xəzərdə neft
sənayesinin quruculuğuna keçmiş ittifaq yetərli dərəcədə iqtisadi-texniki potensialını, mühüm
elmi mərkəzləri cəlb edərək, burada nəhəngliyi və qüdrəti ilə yalnız ABŞ-ın neft donanmasından
geri qalan möhtəşəm neft armadası, yüksək texniki təminatlı üzən dəniz qazma qurğuları,
spesifik təşkilatlar, güclü elmi-texniki baza orcinal infrastruktur yaratmışdır. İndinin özündə də,
bu potensialın Xəzərhövzəsi regionda işləmək imkanları gücü hesab etmək olar. Lakin ABƏŞ
icarəyə götürdüyü gəmiləri kosmetik modifikasiya edərək, kommersiya mənafelərinə rəğmən