55
Yeni mütərəqqi sistemin formalaşmasının tamamlanmaması əks
qütbdə anomiya, keçmiş ictimai
dəyərlərin dağılması ilə müşayiət olunur. Bu gerçəkliklər ayrı-ayrılıqda keçid iqtisadiyyatını
ləngidən cəhətlər sırasının ön cərgəsində qərar tutur. Belə hal bazarın sosial stimullaşdırma
effektini məhdudlaşdırır, dövlətin bu sahədə səmərəsiz rolunu saxlayır.
Keçid zamanını ömürlü edən cəhətlərdən biri də kölgə iqtisadiyyatının mövcudluğu ilə
bağlıdır. Ödəmələr, barter, bank sisteminin zəifliyi, optimal olmayan vergi şəbəkəsi, qeyri-bazar
sektorunun xüsusi çəkisi, kölgə iqtisadiyyatını yaşadan atributlardandır. Müasir institusional
nəzəriyyəyə görə, keçid prosesi yeni institusional fundamentin ümumi cizgidə formalaşması ilə
bitir. İqtisadiyyatın,
sənayenin, YEK-in, o cümlədən, neft-qaz sektorunun bazar qaydalarına
müvafiq idarə edilməsi bir çox praktiki və nəzəri əsaslarla bağlıdır. Mövcud məqamları ifadə
edərək təhlil işində bu aspektlərin də tədqiqinə yer verilmişdir. Keçid iqtisadiyyatı mərhələsində
neft-qaz sektorun quru kontingetində, müəyyən qism pozitiv meyllərlə yanaşı, neqativ təzahürlü
proseslər də baş vermişdir. Bunları aşağıdakı kimi qruplaşdırmaq olar:
inkişaf templərinin qeyri-qənətbəxş artımı, hasilat sahəsini xammal bazasının
keyfiyyət və kəmiyyətinin aşağı düşməsi;
investision qıtlıq;
qiymət siyasətində disproporsiyalarının enerjidaşıyıcılarının tələb strukturunu və
onların dövri ödəniş sistemini deformasiyaya uğratması;
əsas fondların yüksək aşınma faizinin səmərəliliyə təsiri:
elmi-texnoloji geriliyin dərinləşməsi;
istehsal strukturlarının maliyyə vəziyyətinin pisləşməsi;
iqtisadiyyatın enerjitutumluluğunun ənənəvi obyektiv balansının pozulması.
Əsas dörd anlayışda–
insani, təbii, kapital, texnologiyada əks olunan resurslar iqtisadi
artımı şərtləndirir. Ölkə çərçivəsində iqtisadi dövriyyənin
bütün mərhələlərini-istehsal, mübadilə,
bölgü, istehlak və
yığımı ehtiva edən milli hesablar sistemi dövlətin ümumi iqtisadi mənzərəsinin
müəyyən edilməsində vacib şərtlərdəndir. Buna görə də, iqtisadiyyatın tənzimlənməsində MHS-
nin təkmilliyi ön plana çıxır. MHS-nin ilk milli makroekonomik modelini fiziokratlar məktəbinin
banisi, fransız Fransua Sey yaratmışdır. MHS, müasir iqtisad elminin nəzəri funksiyalarından
çıxaraq, müasir mərhələdə empirik bir elmə çevrilmişdir. 1990-cı ildən BMT-nin tövsiyəsi
əsasında onun struktur dairəsi genişlənərək, MHS kölgə iqtisadiyyatını, vergidən yayınma,
narkotiklər və cəmiyyətdə baş verən
digər neqativ təzahürlər, ev təsərrüfatı, qulluqçular,
xadimələr, uşaq tərbiyəçilərini də əhatəsinə almışdır.
Bazar iqtisadiyyatının müxtəlif imkanları səviyyəsində dövlət fiskal, maliyyə-kredit
siyasəti ilə üç vəzifəni həll edir:
rəqabəti dəstəkləməklə səmərəliliyin artırılması;
vergi sistemi və bölgü prinsipi ilə ədalətin təminatı;
inflyasiyanı sabitləşdirmək, işsizliyi mülayimləşdirməklə makroekonomik sabitlik
və iqtisadi artımın təminatı.
Dünya təcrübəsi göstərir ki, bazar şəraitində dövlət energetik sahədə mühüm funksiya
olan elmi-texniki siyasətin təyinatı, onun normativ-hüquqi baza ilə təminatı, özəl sektorun
energetik sahəyə cəlb edilməsi, YEK-in texniki səviyyəsinin yüksəldilməsi və digər strateji
məsələləri həll edir. Respublikamızda iqtisadiyyatın aparıcı və çox
mühüm hissəsini neft sektoru
və onunla bağlı sahələr təşkil etdiyindən neft strategiyasının dövlətin milli iqtisadi kursunda əsas
yer alması da təbiidir. Neft strategiyasının isə mükəmməlliyi təkmil normativ-hüquqi bazanın
möhkəmliyi ilə bağlıdır. Dövlət müstəqilliyinin onillik tarixində ən çox istinad edilən neft
sektoru 21 beynəlxalq müqavilə çoxsaylı xarici kapitallı MM-lə əhatə olunsa da, özünün ən
mühüm kodeksi, müvafiq «Neft haqqında» Qanununun hələ də həyata vəsiqə almadığı şəraitdə
inkişaf edir. Bu qanundan doğan daha dərin normativ-hüquqi aktların qəbulu da eyni müstəvidə
həllini gözləyir. Neft kampaniyaları ölkənin milli mənafelərinə zidd olan strateji məqsədlər
göstərə bilməzlər. Dövlət neft sənayesinin inkişafında mühüm vasitələrdən istifadə etməklə
iqtisadi diaqnostika sistemi, iqtisadi kombinasiyalar və iqtisadi texnologiyalara geniş meydan
56
açmalıdır.
Cəmiyyətdə iqtisadi, ictimai institutların və təşkilatların üstün hakimiyyəti kimi,
dayanaqlı, möhkəm isteblişment vəziyyətə nail olmada dövlət səylərini səfərbər etməli, real
bazar təsisatlarına entropik keçid qərarlaşdırılmalıdır.
İqtisadi plyüralizm, islahat tendensiyasına praktiki və tətbiqi aspektdə utlitar yanaşma,
sosial və iqtisadi məsuliyyətin artırılması dövlət siyasətinin prioritet baxışlar sistemini təşkil
etməlidir. Dövlətin ictimaiyyətin iqtisadi həyatında aktiv iştirakı dövlət etatizminə strateji önəm
verilməlidir.
Fransızca «eta» sözündən yaranan, «etatizm» dövlət mənasını ifadə etməklə
siyasi-iqtisadi müstəvidə «dövlətçilik» analamı kimi, tətbiqini tapır. Termin olaraq
XIX əsrin sonunda isveç burcua liberalı Nyuma Dro tərəfindən ədəbiyyata
gətirilmişdir. İlk başlanğıjda dövlət mərkəziyyətçiliyi prinsipi mənasında, sonradan,
imperializm dövründə burcua dövlətinin iqtisadi funksiyalarının güclənməsi ilə
əlaqədar olaraq kapitalist ölkələrinin təsərrüfatının inkişafında dövlətin iqtisadi
siyasətinin rolunu səciyyələndirən istilah kimi istifadə olunmuşdur.
Təkcə köhnə istismar sahələrinə deyil, bütünlüklə neft-qaz sektorunu, YEK-i əhatə edən
normativ-huquqi aktlar kodeksi, qanunlar toplusu işlənməli və qəbul olunmalıdır. Fikrimzcə
YEK-də qəbul ediləcək prioritet qanunlar şəbəkəsini aşağıdakı kimi formalaşdırmaq olar:
Neft-qaz haqqında;
Konsensasiya və lizensiyalar haqqında;
Hasilatın pay bölgüsü;
Vergi sistemi;
Ekoloji təminat.
Bununla yanaşı, qanunların təminatını faktiki reallaşdıran
sahəvi normativ-hüqüqi aktlar,
icra mexanizmləri, sahənin inkişafını təmin edən dövlət proqramlarının işlənməsi də olduqca
mühüm və vacibdir.
Dövlətin iqtisadi maraqları fiskal siyasətdə əksini tapır. Dövlət apardığı fiskal, maliyyə-
kredit, pul siyasəti ilə təsərrüfat subyektlərinin fəaliyyətinin iqtisadi tənzimlənməsini reallaşdırır.
Dövləti tənzimləmə, iqtisadiyyata müdaxilə əsasən aşağıdakı fiskal mexanizmlərdə əks olunur.
Dövlət xərclərinin artırılması və vergilərin azaldılması ilə təsərrüfat həyatınını stimullaşdırılması
fiskal ekspansiya, izafi iqtisadi yüksəklik və onunla əlaqədar inflyasiyanın məhdudlaşdırılması,
dövlət xərclərinin azaldılması, vergilərin artırılması fiskal restriksiyada ifadə olunur. Əhalinin
gəlirlərinin təkrar bölgüsü ictimai formalarda pulsuz təhsil, səhiyyə dövlət paternalizmi daha çox
iqtisadiyyatı mərkəzləşmiş ölkələrdə müşayiət olunur.
Qanunvericilik prosesində mühüm cəhətlərdən biri də lobbizmlə bağlıdır. Bütün iri
təşkilatlar,
birliklər, assosiasiyalar inkişaf etmiş bazar iqtisadiyyatı ölkələrində lobbizmlə məşğul
olurlar və o, iqtisadi qanunvericiliyin ayrılmaz hissəsini təşkil edir. ABŞ-da lobbizm qanunu
1946-cı ildə konqres tərəfindən qəbul edilərək qüvvədədir. Bizim konstitusiyaya görə,
vətəndaşların dövlət idarəetməsində nümayəndəli iştirakı təsbit edilmişdir. Bu isə öz növbəsində
lobbizm haqqında qanunun qəbul edilməsinə imkan verir. Mahiyyətcə lobbizmi vəzifəli şəxsi ələ
almaqla bağlı olmadan dövlət hakimiyyət orqanlarında normativ hüquqi aktların, qərarların qəbul
edilməsində, iqtisadiyyatın müəyyən sahəsinin maraqlarını ifadə edən fəaliyyət kimi
səciyyələndirmək olar. Bizim siyasətdə ərazi bütövlüyümüzlə əlaqədar informasiya və hüquqi
təminat sahəsində müəyyən uduzmağımızda inkişaf etmiş ölkələrdə, xüsusən ABŞ-da lobbizmin
imkanlarından istifadədə bacarıqsızlıqla bağlıdır.
DYİB və digər mötəbər maliyyə qurumları ilə əlaqəli iş birliyi olan «Transperensi.
İnterneyşnl»
(The Trancarency Entemational) təşkilatı ötən əsrin sonlarında Azərbaycanda
korrupsiyanın yüksək səviyyəli olduğunu hesabatlarında qeyd etmişdir.
Bir qədər sonra, 2000-ci
ilin sonunda DYİB-ı özünün korrupsiya üzrə tərtib etdiyi reytinq Cədvəlində Azərbaycanın öndə
getməsi və ölkə iqtisadiyyatının 60%-nin kölgədə qalması haqqında məlumat dərc etdirmişdir.
Burada korrupsiyanın inzibati deyil, siyasiyönümlü daha dəqiq dövlət işğalı korrupsiyası