50
və qeyri-maddi texniki-texnoloji nəaliyyətlərlə təjhizi prosesi dinamizmlə müşayiət olunur.
Azərbaycanın ən yeni neft tarixinin mərhələsinin də uğurlu inkişafının məntiqi davamı
məhz
bu aspektləri nəzərə almada, beynəlxalq standartlara qovuşmada, əməli inteqrasiyada,
liderlərdən öyrənmədə dəyərləndirilə bilər. Yeni iqtisadi sistemə keçidin prinsiplər ilə qarşılıqda
dövlət quruculuğu prosesi inamla davam edir. İqtisadiyyatın müvafiq sahələri ilə təmasda neft-
qaz sənayesində də islahatlar dərinləşir və təkmilləşir. Azərbaycan qlobal iqtisadi strukturlara,
dünyəvi və regional birliklərə inteqrasiya olunur. Böyük İpək yolu, TRASEKA, İNOGEYT,
Trans-Avropa-Asiya fiberoptik kabel və iqtisadi səmərə gətirən başqa qlobal layihələrə
qovuşmağı respublikamızın dünya ölkələri sırasında layiqli yerini təmin etməyə geniş imkanlar
açır.
Böyük inteqrasiyon proseslər yalnız iri kapitaltutumlu investision məkanları əhatə
etməmişdir. Köhnə yataqların potensialı dünyəvi kontekstdə cüzi görünsə də, buradakı
proseslərin və meyllərin ümumi axından təcrid etmək mümkün deyildir. Fikrimizcə, köhnə
yataqlarda sürətli islahat işlərinin təminatı bu çoxşaxəli mürəkkəb prosesin yeni mərhələsində
onun strategiya və taktikasının müəyyən olunması, dünyadakı iqtisadi-siyasi
proseslər, neft
biznesində toplanan təcrübə, formalaşan qaydalar, tarixi-coğrafi demoqrafik faktorlar,
beynəlxalq bazardakı meyllər şəbəkəsində yüksək səmərə verə bilər. Bu keyfiyyətləri nəzərə
alaraq tədqiqat işində qlobal dinamik dəyişikliklər və lokal xüsusiyyətlər ön plana çəkilmişdir.
Köhnə istismar sahələrini əhatə edən qurumlarda inteqrasiyon proseslərin dövriyyəliliyinin
qiymətləndirilməsində də çoxlu əsaslar var. Hələ Sovetlər İttifaqının dağılması ərəfəsində
Azərbaycanın neft-qaz kompleksində xarici iqtisadi əlaqələri və iş birliyini ifadə edən addımlar
atılmışdır. Bu arada qeyd olunduğu kimi, quruda neftqazçıxarmada Azərbaycan üçün yeni olan
ilk xarici kapitallı müştərək müəssisənin təməli qoyulmuşdur. Müştərək müəssisə tendensiyası
son on il ərzində vüsət alaraq bir neçə NQÇİ-nin və neft mədənini əhatə etmiş, köhnə istismar
sahələrinə xarici kapitalın o qədər də geniş olmayan xaotik axını başlanmışdır. Buraya xarici
investisiyaların gəlişi böyük neft kontraktlarından əvvəlki
dövrə təsadüf etsə də, geniş miqyaslı
və strateji tutumlu olmamışdır. İnvestisiyaların multiplikator effekti köhnə istismar sahələrində
də öz təsir aspektini təzahür etdirmişdir. Bununla belə, investisiya haqqında mülahizələrimizi
genişləndirərkən qeyd olunmalıdır ki, dünyəvi xarici investisiyaya köklənmə təkcə ABŞ dolları,
Avropa evrosu və ya yapon iyeninində ifadə olunmamalıdır. Maraqlar yalnız xarici valyutanı da
əhatə etməməlidi. Daxili mənbələr hesabına da xarici valyuta əldə etmək olar. Lakin bu heç də o,
demək deyildir ki, xarici valyuta elə xarici kapitaldır. Milli neft-qaz sənayemizə ölkə
təsərrüfatına xarici valyutadan çox ETT-ni, innovasiyon nailiyyətləri, «Nou-xau»ları özündə
təsbit edən, modern texnologiyalarda əks olunan investisiyalar gərəkdir. Belə investisiyaları isə
qlobal strukturlarda,
TMK-larda, inkişaf etmiş sənaye ölkələrində aramaq lazımdır. Bununla
yanaşı köhnə yataqların reabilitasiyasında ən riskli sərmayə qoyluşlarından və habelə vençur
kapitalından istifadənin effekti də yüksək ola bilər.
Neft iqtisadiyyatının uzunmüddətli təcrübəsi göstərir ki, yatağın
mənimsənilməsində multiplikator miqdarı iki kəmiyyətin ətrafında dövr edir. Hasilat
layihəsinə investisiya qoyuluşu bir manatlıq xərcdə orta hesabla təxmini iki manatlıq
gəlir gətirir. Neft industriyasının digər infrastruktur sahələri şəbəkəsində
multiplikatorun əvvəlki ölçülər nisbətində yeni artıma məruz qalır. Neftin əhəmiyyəti
haqqında danışdıqda böyük parametrli resurslar kontekstində onun energetik-
maliyyə-iqtisadi, investisiya təminatçısı, şəhər və region yaratmaq, böyük sosial
effekti özünü göstərir. Daha mühüm bir keyfiyyəti isə xarici siyasətdə mühüm bir alət
kimi çıxış etmək imkanıdır.
Dünya bankının maraqlarına uyğun və daha çox makroiqtisadi tarazlığın saxlanmasına
yönəlmiş, məşhurlaşmış uzunmüddətli məmur deyilimində azfaizli, əlverişli
hesab edilən
kreditləri sahəvi inkişafı, eləcə də ümumi iqtisadi dirçəlişdə tərəqqini təmin etmək imkanları
yetərli ümidlü deyildir. İndi Dünya Bankının Dünya İnkişaf Agentliyinə çevrilməsi ideyası
51
güclənir. Tanınmış milyonçu biznesmen və xeyriyyəçi Cors Soros buna rəğmən deyir: «Dünya
Bankının kredit fəaliyyətinin qeyri-səmərəli, qeyri-adekvat və müəyyən mənada əks məhsuldar
olması ilə razıyam, o resipient (kapital qoyuluşuna cəlb edilən ölkələrdə) ölkələrin mərkəzi
hökumətlərində təcir rolunu gücləndirir»
9
. Afrika, Latın Amerikası, Asiyanın inkişaf etməkdə
olan ölkələrinin timsalında analoji tarixi «səmərə» gerçəkliyi məlumdur. Bu ölkələrin əksəriyyəti
belə kapitalın asılılıq sferasına o qədər möhkəm daxil olmuşlar ki, bəzi məmləkətlərdə hətta bu
əsnada simbioz iqtisadi mühit formalaşmışdır. Borclu ölkələrin kreditorlarının
nomenklaturasında belə yardımlar siyahının əvvəlində dayanır. Biz heç də beynəlxalq maliyyə
qrupları, BVF, DB və digərlərinin fəaliyyətini kiçiltmək niyyətində deyilik. YEK-də elə sahələr
vardır ki, onları xarici texnologiyalara əsaslanan investisiyalarsız da, daxili mənbələr hesabına
modifikasiyaya uğratmaq moderinləşdirmək mümkündür.
Bir halda ki, nisbi daxili mənbələr də
mövcuddursa, onda bütün gücü xaricə yönəltmək nə qədər məqbul sayıla bilər? Bunları nəzərə
alaraq investision strategiyada milli mənafelər, səmərəlilik dərəcəsi, alınmış kreditorların gələcək
nəsillərin rəğbət və nifrətinə müvafiqliyi ön planda dayanmalıdır. Statistik təhlil göstərir ki,
köhnə yataqlara cəlb edilən xarici investisiyalar, müştərək müəssisələrə tətbiq edilən kapital
qoyuluşları nəzəri plandakı səmərəsini kifayətedici səviyyədə verməmişdir. Digər tərəfdən
buraya cəlb olunmuş investisiyalar konsperativliyi ilə fərqlənmişlər. Heç bir açıq statistik
nəşrlərdə, köhnə istismar sahələrində sərmayə qoyuluşlarının
konkret obyekti, strukturu və
miqyası haqqında müfəssəl məlumatlara rast gəlinmir. Layihələrin fiskal-kommersiya şərtləri də
ijtimayiət üçün bir qədər bağlı qalır. Böyük neft kontraktlarında nəzərdə tutulan informasiya
aşkarlığında kiçik ölçüsü ilə fərqlənən müştərək müəssisələrdəki konfedesiallıq müəammalı
ehtimallar yaradır. Başlıca həqiqət ondan ibarətdir ki, buradakı investisiya təminatı heç də layihə
maddələri ilə uzlaşmır. Tədqiqat işinin sonrakı bölümlərində müştərək fəaliyyət obyektlərində iş
birliyi, müasir vəziyyət, reallıq və perspektivlər eksklüziv olaraq təhlilə məruz qalmışdır. Lakin
bununla belə, tədqiqatın bu bölümündə öncə mövcud vəziyyətin şərhi apardığımız təhlil işini
müəyyən nisbətdə işıqlandırır.
Qurudakı yataqlarda fəaliyyət göstərən digər NQÇİ-lərin də yaxın gələcəkdə MM-ə
transformasiya olunması haqqında informasiyalar artmaqdadır. Bundan öncə isə MM-lərin
səhmlər paketinin strukturunun və bununla əlaqədar fəaliyyət modelinin dəyişməsi meylləri
nəzərə çarpır. MM-lər əməliyyat şirkətlərinə çevrilərək hasilatın pay
bölgüsü prinsipində yeni iş
birliyi qururlar. Qeyd olunmalıdır ki, hasilatın pay bölgüsü dünyanın 60-dan çox ölkəsində
aparılır. Hər bir regionda onun fərqli əlamətləri-xərclərin ödənişi, bonuslar, royalti və digər fiskal
tələblər konfiqurasiyası nəzərə çarpır. Hasilatın pay bölgüsü mexanizmi sonda digər əlamətlərlə
birlikdə səmərəliliyi müəyyən edir. Bununla belə, qeyd etmək lazımdır ki, milli neft sektorunda
aparıcı islahat tədbirləri MM tendensiyasında uzunmüddətli proqramlar, elmi əsaslara
söykənmədiyinin təəssüratını verir. Rusiyada müasir mərhələdə məqbul hesab edilməsə də,
qanunvericiliyə görə, neft-qaz sənayesində mövcud MM-lərin payı Yanacaq
Energetika Nazirliyi
deyil, İqtisadi İnkişaf və Ticarət Nazirliyinin sərəncamındadır. Antiqonist cəmiyyətlərə xas olan
bu sistemsiz, proqramsız təsərrüfatçılıq prosesində məqsədlərə nail olmaq özü çətin bir məsələdi.
Başlanan hərəkatın diapozonunu elə bu sayaq genişləndirmək, davam etdirmək mənfi
vəziyyətlərə gətirər. Xalis səmərəli netto-nəticə isə, heç şübhəsiz ki, elmi əsaslandırılmış, təcrübi
məntiqə əsaslanan sistemli layihələri formalaşdırmaq və ardıcıllıqla tətbiq etməkdə hasil oluna
bilər.
Azərbaycanda neft hasilatı məlum olduğu kimi sənaye üsullu başlanğıc mərhələsində
genişlənən beynəlxalq iqtisadi münasibətlər şəraitində tərəqqi edirdi. Onun dünya bazarına
sərbəst çıxışı rəqabət aparmaq üçün çevik imkanları, dişarda nümayəndəlikləri var idi.
Hasilat
əksərən beynəlxalq müştərək fəaliyyətlə bağlı idi. Bu qəbilli inteqrasiyon proseslər Sovetlər
məmləkətinin ilk illərində də qalmışdı. Sonradan isə böyük milliləşdirmədə belə birbaşa əlaqələr
xeyli məhdudlaşdırmış və mərkəzləşdirilmişdir. İndi müstəqillik şəraitində köhnə istismar
9
Дж. Сорос. «Новая глобалная финансовая архитектура». Вопросы экономики 2000. №12. səh.71.