48
hesablamalarına görə, mövcud dünya neft ehtiyatlarının istifadə müddətinin ümümi toplumda 40
ilə qədər yetişməsi mümkün hesab edilir.
Qeyd olunur ki, dünya neft ehtiyatları 2,3 trilyon barrel
təşkil edə bilər. Bunun üçün axtarış və kəşfiyyatın investisiyalaşdırılması sürətlənməlidir. Lakin
yeni neftli yataqların kəşfi və aşkarlanması perspektivi gündəlikdə dayandığından ehtiyatların
XXI əsr boyu bəs edəcəyi proqnozu bəşəriyyət üçün açıq olaraq qalır. Hazırda hasilat artımının
tempi onun istehlak tələbi tempini üstələyir. Bununla belə, sutkalıq hasilatın müasir 75,6 milyon
barrel həcminin 80-85 milyon barrellə yüksələcəyi gözlənilir. 2010-ci ildə hasilat pik səviyyəyə
qalxaraq dünyəvi böyük iqtisadi artımla müşayiət olunacaq. Proqnozlara görə, böyük neft ehtiyat
mənbəyi Rusiya, Yaxın Şərq, Qrenlandiya şelfində, Cənub Şərqi
Asiya və Avstraliyada
gözlənilir.
Aşağıdakı Cədvələdə dünya neft ehtiyatlarının son 10 ildə dinamikasını xarakterizə edən
Cədvəl verilmişdir.
Cədvəl 10
Dünya neft və qaz ehtiyatları
İllər
Dünya neft
ehtiyatları
(milyard ton)
Neft ehtiyatları
OPEK
(milyard ton)
Dünya
qaz
ehtiyatları
(trilyon m
3
)
01.1992
135,75 105,40
123,99
01.1997
139,56 108,02
140,05
01.1998
139,66 109,19
144,05
01.1999
141,68 109,65
145,70
01.2000
139,18 109,93
145,74
01.2001
140,88 111,56
149,48
Mənbə: «Oil and Qas Journal» Neft və qaz hasilatı haqqında məruzələr December 18, 2000-Pp.12
Yarım əsrə yaxındır ki, Yaxın Şərq dünyanın ən aparıcı neft istehsalatları regionu kimi
məşhurlaşmış, burada çıxarılan neft-qaz resurslarının həcmi artıq əvvəllər mövcud hasilatın
1
/
4
-ə
bərabər olmuşdur. Statistikaya görə, indiyədək Yer planetindən çıxarılan 180 milyard tona yaxın
neftin və 3,4 trilyon kubmetr təbii qazın 35 milyard tondan çoxunu məhz bu region vermişdir.
Energetik qüdrətin nəhəngliyi onu dünya siyasətinin ən aparıcı meydanına çevirmişdir. Region
potensialını ən pissimist baxışda bütün XXI əsr boyu qoruyaraq davamlı öndə gedəcəyi proqnoz
edilir. Nəhəng ehtiyatlar, ucuz hasilat, əlverişli coğrafi mövqe, nəqliyyat infrastrukturu regionu
son dərəcə cəlbedici etmişdir. Dünya iqtisadiyyatına sarsıdıcı zərbə vurmaq
qüvvəsi olan nəhəng
və hələ ki, yeganə beynəlxalq neft karteli OPEK-in əsas dayaqları da region ölkələrindədir.
Azərbaycanan bu mühüm iqtisadi məkana yaxınlığı, milli neft sənayesinin yenidən təşkilində
buradakı meylləri və reallıqları nəzərə almağı şərtləndirir. Bununla belə, biz neft iqtisadiyyatının
və dünya energetik balansının inkişaf ssenarisinin Yaxın Şərqdəki hadisələrlə əlaqəliyini, öz
təsərrüfatlarını və gələcəklərini neftlə bağlamış buradakı ölkələrin Xəzər hövzəsi regiona rəqabət
təsirini də nəzərdən qaçırmamalıyıq. Rəqabət isə məlum həqiqət kimi mövcudluğun, yaşamaq
uğrunda mübarizəsinin nüvəsini təşkil edir. Yer kürəsində digər neftli-qazlı rayonların varlığı da
təsəlliedici bir ovqat verərək, onların da potensialını bizim təhlil obyektinin hədəfinə çevirir.
Bununla belə,
qeyd edilməlidir ki, müəllifin tədqiqatlarında dünya neft bazarı, energetik balans,
neft biznesinin əsas iştirakçıları, inteqrasiyon proseslər daha geniş təhlil və tədqiq edilmişdir.
1960-cı illərdə Şimal dənizinin Norveç sahillərində kəşf olunan neft-qaz yataqları dünya
neft təsərrüfatının, xüsusilə Qərbi Avropanın neft təchizatında yeni bir mənbənin aşkarlanmasına
gətirdi. Avropa dünyada ən nəhəng dəniz neft sahəsinə çevrildi. İndi bu makroregionda 438
istismar yatağı 1,0335 milyon kub metr neft və 0,564 milyard kub metr qaz verir və yaxın 5 ildə
Aralıq dənizindən Arktika sahillərinə qədər 2,226 milyard kub metr neftə ekvivalent
karbohidrogen hasilatı nəzərdə tutulur. Bunun 1,11 milyard kub metri İngiltərə, 0,795 milyard
49
kub metri Norveç, qalan hissəsini isə digər 7 dəniz ölkələri təmin edəcəkdir. Bu ərəfədə Atlantik
okeanın qərb sahillərində Meksika körfəzində, Karib hövzəsində də axtarış-kəşfiyyat işləri
dənizə sarı irəliləmiş, burada aşkarlanan ehtiyatlar və artan hasilat
Amerika kontinentində yeni
güc mərkəzini qaynaqlandırmışdı.
Sovetlər İttifaqının süqutu ərəfəsində Xəzərdə böyük miqyaslı karbohidrogen ehtiyatlarının
aşkarlanması planetin neft-qaz balansında ciddi dəyişikliklərə uğratmışdır. Regionda neft prosesi
çox illər davam etsə də, onun mütləq ölçülərinin hələ də, tam və konkret təyinatı mümkün
olmamışdır. Belə təyinat isə əsaslı dərəcədə sahil zolağı ölkələrdə kəşfiyyat-istismar işlərinin
gedişi və sürəti ilə əlaqədardı. Burada ehtimal olunan ehtiyatlar 100 milyard barrel və ya 25-30
milyard ton miqyasında hesablanır ki, bu da Şimal dənizi və Fars körfəzi nisbətində aralıq bir
göstəricidir. Hövzədə 7-8 milyard ton karbohidrogenin aşkarlanması artıq kəşfiyyat təsdiqini
almışdır. Əksər ehtiyatlar 13-14 milyard ton Qazaxıstanın, 7-8 milyard ton Azərbaycanın, 5
milyard tondan çoxu Türkmənistanın, 1 milyard ton Rusiyanın, 2 milyard ton isə İranın payına
düşür. Xəzər dənizi yaxın 50 il ərzində Qərbin ən böyük enerji təminatçısı rolunda çıxış edəcək
və 2005-ci ildən başlayaraq burada gündəlik hasilat 5 milyon barrellə yüksələcəkdir. Xəzərin
karbohidrogen ehtiyatlarının dünya bazarına çıxışı təmin olunduqca neft durumu,
onun qiyməti
məsələsində regionun nüfuzu artacaqdır.
Neft-qaz ehtiyatlarının cəmləşdiyi nəhəng ölkələr arasında ABŞ, Kanada, İran, Latın
Amerikası, Şimali Afrika regionu böyük potensiala malikdir. Lakin bazarın əsas təminatçısı
rolunda OPEK ölkələri, Rusiya, Meksika, Norveç çıxış edir. Bununla belə, qeyd etməliyik ki,
dünya neft biznesinin qaydaları və bu oyunda liderlər formalaşmışdır. Dünyanın neft nəhəngləri-
TMK-lar, Ekkson, Amoko, Bitriş Petrolium, Mobil, Total və digərləri bir əsrlik tarixi ərzində
əksər neft-qaz rayonlarında öz güclərini sınamışlar. Gələcək isə o neft kampaniyalarınındır ki,
onlar 50 milyon barrel ehtiyatı rentabelli çıxara biləcəklər. Ötən əsrin sonlarında dünya neft və
qaz hasilatından gəlirlər 25% artaraq 149 milyard dollar təşkil etmişdir.
Vergi ödənişindən sonra
bu 33,2 milyard dollar xalis gəlirə bərabər olmuşdur.
3.3. Yeni iqtisadi münasibətlər və inteqrasiya prosesləri mühitində neft-qaz
sənayesinin inkişaf problemləri
Çağdaş siyasi-iqtisadi mərhələdə dünya təssərrüfatının inkişafına ekstensiv amillərin təsiri
əsaslı dərəcədə mülayimləşmiş, o, öz əvvəlki gücünü itirmişdir. Ekoloji tarazlıq problemləri bu
konfiqurasiyada daha ciddi və kəskin mövqe tutmuşdur. Yaşamaq uğrunda mübarizədə ətraf
mühitə rəğbətlə yanaşma, maksimal qənaətçillik meyarları üstün gəlmiş, innovasiyon-texniki
amillər beynəlxalq əmək bölgüsündə təbii ehtiyatların və məhsuldar qüvvələrin yerləşməsində
yeni gerçəkliklər gətirərək energetik kompleksdə sahəvi və ərazi strukturun
dəyişkənliyində əks
olunmuşdur. Beynəlxalq ticarətdə iştirak edən idxal və ixraca genişlilik gətirən açıq iqtisadiyyat
milli iqtisadiyyatda xarici təsərrüfat subyektlərinə çeşidli imkanlar yaratmaqla fərqlənir. Lakin
bunun da dərəcə və bölgüsü vardır. Mütləq mənada açıqlıq da məhdudiyyətlərdən istisna deyil.
Bu isə özünü proteksianist meyllərdə təzahür etdirir. Ölkələrin iqtisadi strukturu, tarixi coğrafi və
resurslar faktoru müxtəlif olduğu kimi, inkişaf imkanları da fərqlidir.
ETT, qloballaşma, neft biznesində də yeniləşmə təkmilləşməni diktə edərək yeni
yaranışları stimullaşdırır. Nəhəng neft kampaniyaları, bircalar,
neft biznesinin digər lider
təşkilatları yeni energetik mərhələdə daha geniş məkanları fəth edir. Neftin ticarəti getdikcə
virtual sferanı da əhatə olunur. Nyu-York
NÜMEKS
və London
IPE
neft bircaları bütün çeşiddə
dünya neft ticarətin iki mühüm aparıcı mərkəzlərinə çevrilmişlər. 1980-ci ilin noyabrında
yaradılan London BNB dünya kontaktları üzrə 60% neftin fiziki və fyuçers alış-verişini edir. Hər
gün milyard funtsterlinq həcmində ticarət gedir. Ticarət dövriyyəsinə görə, Nyu-York bircası
birinci yeri tutur. İnternet texnologiyalar dünyanın istənilən nöqtəsindən informasiya, ticarət,
birca əməliyyatlarını hamı üçün imkanlı edir. Dünya neft industriyasının, biznesinin yeni maddi