44
çıxarmış və bu olay əksər dünya ölkələrinin iqtisadiyyatına ciddi təsir göstərmişdir.
Növbəti
qlobal iqtisadi şok neft cəbhəsində 1973-1974-cü illər qiymət böhranı ilə əks-səda doğurmuşdur.
Qiymət qalxmaları bir tərəfdən energetik aclıq, digər tərəfdən istehsalçıları izafi maliyyə
resursları ilə silahlanmasına gətirmişdir. 1982-ci ilin yeni qlobal şoku təkrarən neft
ixracatçılarının davranışları ilə bağlı olmuşdur. Belə ki, ixracatçı ölkələr bir tərəfdən izafi neft
dollarını böyük təkrar dövriyyəyə qatma təşəbbüsləri, digər tərəfdən isə bu məbləqlərin Qərbin
şəxsi iri bankları vasitəsilə inkişaf etməkdə olan ölkələrə ötürülməsi yeni dünyəvi böhrana
gətirmiş və bir çox dövlətlər elə indiyəcən bu sıxıntılardan qurtula bilməmişlər.
Nəhəng borclar
ağır yük kimi milli iqtisadiyyatın inkişafını ləngidən başlıca maneəyə çevrilmişdir.
Son illər Cənub-Şərqi Asiyada, Rusiyada Braziliyada baş verən maliyyə böhranları yeni
qlobal nəticələrə səbəb olmuşdur. BVF bu olaylara mülayimlik gətirmək məqsədilə yeni
mühafizə çətrinin inşası axtarışındadır.
Mövcud maliyyə problemlərinin həllində ötən
əsrin sonlarında
telekommunikasiyon sistemdəki inqilablar 24 saatlıq fasiləsiz davamlı fəaliyyət
göstərən maliyyə bazarının yaranmasına səbəb olmuşdur. Müvafiq «nou-xau»lar hər
gün 1,3-1,5 milyard dollar həcmindən möhtəşəm likvid resurslarının dövriyyəsini
təmin edir. Bu nəhəng maliyyə dənizində işbazlar məzənnə dəyişikliklərinə rəğmən
arbitrac oyunu da aparırlar. Lakin «vahid qiymət qanunu» və ya «orbitrac prosesi»
heç də həmişə bu niyyətləri reallığa çevirmir. Bələ bir fikir də hakimdir ki, müasir
sivlizasiya mərhələsində maliyyə, təşkilati, ideoloji sapların başlanğıcı Amerikaya
gedir.
Qlobal problemlərin tədqiqini aparan çoxsaylı beynəlxalq miqyaslı təşkilatlar mövcuddur.
Bu sırada qeyri-formal səciyyəvi dünyəvi qeyri-hökumət təşkilat kimi Roma klubunun
beynəlxalq ictimaiyyətdə böyük nüfuz sahibinə çevrilmişdir. «Qlobal düşün lokol hərəkət et»
prinsipini 30 ildən çox rəhbər tutaraq 1968-ci ildən fəaliyyət göstərən klubun üzvləri sırasında
çoxsaylı sahibkarlar, siyasi xadimlər, alimlər, etibarlı ekspertlər, mədəniyyət nümayəndələri,
yüksəkvəzifəlilər vardır. Məqsəd və məramı Kürreyi ərzin resurslarının fiziki məhdudluğu ilə
bağlı «bəşəri çətinliklər»in elmi təhlilini aparmaq, planetar kritik situasiyalarda «həyacan təbili»
səsləndirmək, «işlərin idraklı gedişinə» nail olmada ictimaiyyətə «qlobal tarazlığın» əldə
edilməsində hansı ölçü və tədbirləri gerçəkləşdirmək yollarını göstərmək və habelə ümumilikdə
problemin həllində müvafiq metodika vermək dayanır. Siyasi doktrinalar formalaşdırmayan elm,
təhsil, ətraf mühit və iqtisadiyyatla bağlı aktual məsələlər üzrə dialoqa çağırış edən Roma klubu
bəşəriyyət qarşısında dayanan çətin problemləri aşkarlaması və onun həlli strategiyasını işləmək
kimi, şərəfli missiyanı həyata keçirir.
XX əsrin 60-70-ci illərindən başlayaraq dünya inkişafının proqnozlaşdırılması daha
aktual
səciyyə daşımağa başlamışdır. Bu ərəfə energetik, ərzaq, xammal, ekoloji problemlər prioritetliyi
ilə daha da qabarıqlaşmış, dünya ölkələri və xalqlarının geniş maraq dairəsinə daxil olmuşdur.
Müasir texnokratik problemlər yalnız birgə səylərin səfərbərliyi ilə səmərəli həllinə qovuşur.
Ümbəşəri problemlər Roma klubunun dövrü hazırladığı məruzələrdə əksini tapır. Belə məşhur
məruzələrdən bir də uzun müddət araşdırılan, təkrar tədqiqat obyekti olan «artım sərhədləri»
mövzusu olmuşdur. ABŞ professoru, kibernetik D.L.Medouza
7
«Dünya dinamikisı» (1971)
əsərində XXI əsrdə mümkün qlobal faciələrin, demoqrafik sarsıntıların baş verəcəyini,
resurslar
potensialının tükənəcəyinə diqqət yönəltmiş və sonradan BMT-nin tanınmış iqtisadçı alim
V.Leyontevin başçılığı ilə ekspertlər qrupu bu ideyalara tənqidi yanaşaraq «Dünya
iqtisadiyyatının gələcəyi» adlı yeni layihə işləmişlər. V.Leyontev təsdiqləmişdir ki, əhali artımı
eksponensial proses və partlayış deyildir. Alimin fikrincə 2025-ci ilə qədər artım proqressiv
olacaq və üçüncü dünya ölkələrində sabitləşmə 2075-ci ildə yaranacaqdır.
7
«Римский клуб». http://www.ptpu.ru/issues.
45
1977-ci ildə ABŞ sosioloqu E.Laslo Roma klubu üçün hazırladığı «Qlobal məqsədlər və
dünyəvi həmrəylik» məruzəsində «insan faktoru» primatını önə çəkmişdir. Bununla o,
çətinlikləri insan xaricində deyil, onun daxilində axtarmağa üstünlük vermişdir.
Onun fikrincə
insanların müvafiq psixi keyfiyyətlərinin inkişafı sivlizasiyanın material şəraitini köklü
dəyişikliklərə uğradacaq, «psixologizm və subyektivizm», «elm və dində liderlik» inkişaf
ssenarisini «həqiqət yoluna» çıxaracaqdır. İnsan faktoru problemi sonradan, 1990-cı ildə BMT
tərəfindən önə çəkilmişdir.
Müəlliflər qrupu tərəfindən hazırlanaraq Roma klubunun qəbul etdiyi 1995-ci ildə
dövriyyəyə buraxılan, «Faktor dörd»
8
adlanan məruzə daha rəğbətli olmuşdur. Yüksək
sivlizasiyon qənaətçilik və səmərəlilik amillərini təsərrüfat həyatının bütün guşələrində rəhbər
tutan kitab halına salınmış məruzə həqiqi mənada əsl elmi bestsellərə çevrilmişdir.
«Xərclər yarı-
verim ikiqat» prinsipli «Faktor dörd» anlamı resurslardan rasional istifadədə uğurlu həll
metodikasıdır.
Hollandiya bol təbii qaz ölkəsidir. İsixanalarda küllü miqdarda qaz
yandırılaraq tərəvəz, gül-çiçək yetişdirilir. «Faktor dörd» anlamına görə, mühüm
təbii resurs qaza qənaət edərək istehsal edilən məhsulları öz təbii ahəngində yetişən
ölkələrdən hazır almaq mümkündür. «Faktor dörd» prinsipi məhz belə dissonansların
təjridini missiyasının leymotivinə çevirmişdir.
Digər bir mənada. «Faktor dörd» prinsipi ilə bağlı əks tendensiyada «xərclər
yarını» inkişaf etmiş ölkələrin sakinlərinin, «ikiqat verimi» isə kasıb məmləkətlərin
xalqlarının qazanacağı kimi acı meyl perspektivi də ehtimal oluna bilər.
Qlobal bazarlar təkcə iqtisadi aspektdə deyil, sivilizasiyanın digər spektrlərində də işıq
verir. Soyuq müharibə, demokratik,
hüquqi islahatlar, elmi mədəni əlaqələr buna misaldır. Bütün
mürəkkəb sistemlər texnoloji, bioloji, sosial-iqtisadi olması fərqinə varmadan zaman çevrəsində
dövr edir. Yaranış, inkişaf, fəaliyyət, deqradasiya, qeyb və dəyişmə vaxt çərçivəsində cərəyan
olunur. Neftqazçıxarma sənayesi də bir sistem kimi bu xüsusiyyətlərdən istisna deyildir. Bu
baxımdan neft sənayesinin uzunmüddətli işlənməsi planı lokal aspektlərlə yanaşı, qlobal
prioritetləri rəhbər tutan konseptual xarakter daşımalıdır. Qloballaşma bir
daha isbat edir ki, biz
hamımız eyni gəminin sərnişinləriyik və onun uğurlu irəliləyişi eynən hamıdan asılıdır.
3.2. Planetin karbohidrogen potensiali və qlobal energetik şəbəkə
Dünya iqtisadiyyatında mineral-xammal sektoru sənaye istehsalı və energetikasının əsas
bazasını təşkil edir. Xammal istehsalı və istehlakının dəyişkənliyi beynəlxalq ticarətdə sosial-
iqtisadi duruma sirayət etməklə yanaşı, həm də qlobal kontekstdə dünya resurslar arsenalına təsir
göstərir. Son dövrlərin statistikasına görə, hər il 13-14 milyard ton təbii ehtiyat üzvi yanacağa
çevrilir. Energetik istehlakda neft-qaz resursları əhəmiyyətli mövqedə dayanır. Çin və Hindistan
istisna olmaqla, bu nisbət dünyanın bütün nəhəng ölkə və regionlarında üstünlük təşkil edir.
Neft-qaz resurslarının aparıcı üstünlüyü onların axtarış-kəşfiyyat, hasilat-istismar dinamikasına
da təsir edir.
Texnoloji nailiyyətlər neftin laydan çıxarma əmsalını dünya üzrə orta çəkidə 40%-ə
yaxınlaşdırmışdır. Əvvəllər texnikanın əlçatmaz rentabelsiz hesab edildiyi rayonlarda, dənizin
dərin qatlarında neft-qaz ehtiyatlarının mənimsənilməsi reallığa çevrilir. Neft-qaz resurslarının
arealı daim coğrafi, statistik dəyişikliklərə məruz qalır. Qiymətləndirmədə ümumi ehtiyatları bir
trilyon
ton hesablanan, orta və yüngül neft ehtiyatlarını bir neçə dəfə üstələyən ağır neft və təbii
bitumun hasilatında çətinliklər fəth edilir. Yeni texnologiyalar bu yanacaq çeşidinin illik
hasilatını orta hesabla 500 milyon tona yüksəltmişdir. Belə hasilat isə əsasən üçüncü metodlar
8
«Фактор четырые». http://demvv.narod.ru/book.htm.