OZAN DÜNYASI № 3(6), 2011
64
Önəmlidir ki, Şenlik Baba Borçalı ədəbi mühiti və Ağbaba çevrəsi arasında
da körpü oluşdurmuşdu.
Şenlik Babanın Borçalının Quşçu kəndindən şair Abbasəliylə deyişmələri
dillər əzbəridir.
Şenliklə Abbasəlinin deyişmələrindən örnəklər Ziya Borçalı cüng-
bayazında da var [
15
]; bu deyişmə-atışmaların dördü Türkiyədə Şenlik
toplularında yayınlanmışdır [
16
].
Söylənir ki, Borçalının Qasımlı kəndində Şenlik igid Səməd Bəyin əziz
müsafiri olarkən onun istəyiylə qonşu Quşçu obasından şair Abbasəli
çağırılmış, məclisdə bu saz-söz sərrafları deyişmişdilər.
Divani kökündə deyişmələrin birində Abbasəli tərəf-müqabilinə: “Sən təki
incə aşığın açdım gizlin sirrini” demişdi:
Abbasəli abdal olmuş, eşq ucundan dəlidir,
On iki imam, ənbiyalar bir Xudamın quludur,
Açsam gizli mətahımı, ləli-gövhər doludur,
Dürri-cəvahir görünür ayanbaayan, aşıq.
Abbasəlinin hərbə-zorbasına Şenlik təmkinlə:
Arzulayıb gəlmişəm mən sizi deyin, aşıq
cavabını qaytarmışdı.
Şenliklə Faxralı Nəbinin deyişmələri də [
17
] gözəl sənət örnəkləridir. O,
şair Nəbiyə üz tutaraq, belə söyləmişdi:
Ta əzəldən qətrə ikən bəhri-ümman olmuşam,
Heç tükənməz xəzinədən ləli-mərcan olmuşam,
Söylənir cümlə cahanda şanım, şöhrətim mənim,
Aşıqların arasında nitqi lisan olmuşam.
Şenlik Babanın ölümünə Borçalı şairləri Miskin Nəbinin, Xındı
Məmmədin ağıt-mərsiyələri bəllidir.
Borçalıda xalq şeirinin gəlişimində özəl mövqe qazanmış olan Faxralı
Güllər Pərinin qıfılbəndlərini Şenlik açmışdı. Güllər Pəri Şenlik Babaya
göndərdiyi qıfılbənddə belə sual vermişdi:
15
ﺑﻴﺎﺽ ﺟﻨﮓ = Cüng-Bayaz, 1914, s. 17, 35, 35a, 63
16
İsmail Aşıkoğlu, Aşık Şenlik, Ankara 1964
Ensar Aslan, Çıldırlı Aşık Şenlik, Ankara 1975
Çıldırlı Aşık Şenlik Divanı, hazırlayanlar A. Berat Alptekin ve M. Nizameddin
Coşkun, Ankara 2006
17
ﺑﻴﺎﺽ ﺟﻨﮓ = Cüng-Bayaz, 1914
Borçalı Şair Nəbi, Eləsi var... Toplayan Hüseynqulu Məmmədli, Bakı 2003
OZAN DÜNYASI № 3(6), 2011
65
Quranda oxunan qul hüvəllaha,
Yasində sırəbbi nüktə nədəndir?
Burada Quranın „İhlas‟ surəsindəki <ﻫﻮﷲ ﻗﻞ> (qul hüvəllahu) (De: O Allah
birdir) kəlamına, „Yasin‟ surəsinin ilahiliyinə işarət hiss olunur.
Şenlik Borçalının Faxralı kəndində Yahyaların Abbasın toyunu şölətləndi-
rəndə məclisə qadın şair Güllər Pəri də qatılmış, yaşmaq altdan şeir
söyləmişdi.
Ustad Şenlik haqqında kitablarda Şikəstə Pəri adında bir qadın şairin adı
çəkilər. Şenlik Babaya qıfılbənd göndərmiş Pərinin Gürcüstanın Busətli
kəndindən olduğu bildirilir [
18
]. Qaynaqlar belə sərgiləyir ki, Borçalının indiki
Faxralı elinə bitişik Şahbuzlu (Şalvızdı) obasına o çağlar Şahbuzətli də
deyilmişdir və Güllər Pəri də, onun nəvəsi oğlu (nəticəsi) İsmayıl müəllimin
sübutladığına görə, bir dönəmlər Faxralı qəsəbəsinin Şahbuzlu məhəlləsində
yaşayırmış. Demək ki, Şenlik Babaya qıfılbənd göndərmiş Şikəstə Pəri adı
keçən Güllər Pəri olmuşdu.
Şenliyə Gürcüstanlı Abdul Bəyin qızı Zübeydə şeir göndərəndə Şenlik ona
gözəl bir gəraylı ithaf etmişdi.
Şenliyin “Borçalı Səməd Bəy” dastanı [19] həm Borçalı, həm də Çıldır-
Qars çevrələrində aşıqların ifa repertuarlarında önəmli yer tutmaqdadır. Onun
“Mehralı Bəy”, “İsmayıl”, “Cüyür Ovu”, “Gürcüstan Səfəri” epizodik
söyləmələri-dastanları da bu yerlərlə ilgilidir, daha doğrusu, ünlü aşığın
Borçalı məkanında dolaşım, gəzi göstərgələridir.
2.3. ġENLĠK ġEĠRLƏRĠNDƏ BORÇALI
Şenlik Babayı Borçalı saz-söz aləminə qovuşduran təməl bağlardan biri
onun şeirlərində Borçalı mövzusunun üstünlüyüdür. Burada öncül xətti
comərd igidlərin, xalq müdriklərinin şərəfinə təriflər tutur.
O, Borçalı bölgəsinin hörmətli, sayımlı bəylərinə özəl qoçaqlama qoşmuş-
du. Bu şeirdə bəylər məclisində irfan açılmasını tərənnüm edərək, belə
diləmişdi:
Şenlik der bəylərin adı ucalsın,
Həm dostundan, düşmanından bac alsın,
Ol Allahım bir yastıqda qocaltsın,
Cənnətdir elatı, eli bəylərin.
18
Ensar Aslan, Çıldırlı Aşık Şenlik, Ankara 1975, s. 117
19
Rüstəm Rüstəmzadə, El Qəhrəmanları Xalq Ədəbiyyatında, Bakı 1984, s. 61–63
Aşıq Hüseyn Saraçlı, Şeirlər, Söyləmələr, Bakı 1992, s. 93–116
OZAN DÜNYASI № 3(6), 2011
66
Bəylərin məmləkətinə – Borçalıya söz-fikir ustadının özəlliklə rəğbət
bəsləməsi, yəni Borçalıyı cənnət adlandırması diqqəti çəkməyə bilməz.
Şenlik Babanın Borçalı xalq qəhrəmanlarını övgüsü çox seçilir.
Aşığın Borçalıdakı sayseçmə adamlara yönəlik şeirlərindən ən yayğını
“Əfəndim” rədifli qoçaqlamadır. Bu qoşmanın bir neçə seçənəyi (variantı)
var. Onlardan birinə Ziya Borçalı cüng-bayazında rast gəldik [
20
]; birini
Məhməd Fahrəddin Kırzıoğlu 1960-cı ildə Çıldırda Şenlik Babanın oğlu Aşıq
Qasımdan yazıya almışdır [
21
]; digərini Türkiyəli alim Ənsar Aslan
yayınlatmışdır [
22
]; biri Borçalıda Aşıq Hüseyn Saraçlının [
23
], biri Borçalı
Aşıq Xan Kamandarın [
24
], biri də Borçalı Aşıq Nurəddin Qasımlının dilindən
dərlənmişdir [
25
].
Bunlardan Ziya Borçalı seçənəyini daha əzəli, daha ilkin hesab edirik.
Şeir belə başlayır:
Səməd Bəylə İsmayılın seyrinə vardım,
Bu diyarı gəzə-gəzə, əfəndim.
Səməd Bəy namında bir gizir gördüm,
Vəsfini qaldırram sözə, əfəndim.
(Qeyd: Borçalı ustadı Xan Kamandar bu bəndin ilk iki dizəsini belə
söylərdi:
Bu gün Qasımlının seyrinə vardım,
Borçalıyı gəzə-gəzə, əfəndim.
Və bizcə, bu, daha məntiqlidir).
Borçalı Koroğlusu olaraq ün qazanmış Qasımlı Səməd Bəyi Şenlik as-
lan görümlü, paşa səltənətli, xan qurumlu, zəhmi ağır igid kimi vəsf etməkdə
haqlıydı. Qoçaqlamada Səməd Bəyin Sibirə getməyi, Alosman (Osmanlı)
yurduna talan salmağı, Cəlali Kürdünə qılıç çalmağı, İran ölkəsindən xərac
almağı əks edilir, Səməd Bəyin dostlarından Mehralı şahlar quşuna,
Mahmudoğlu ətdən qalaya, İsmayıl Rüstəm Zala bənzədilir, İsmayılın krala
boyun əymədiyi, Çavuşoğlunun yüz kazağı dağıtdığı xatırlanır:
Şenlik söylər qoç igidlər pirini,
Başqasına verməm gizlin sirrini,
Səməd Bəylə İsmayılın yerini
Verməz bu diyarda kimsə, əfəndim.
20
ﺑﻴﺎﺽ ﺟﻨﮓ = Cüng-Bayaz, 1914
21
M. Fahreddin Kırzıoğlu, Aşık Şenlik, Ankara 1960
22
Ensar Aslan, Çıldırlı Aşık Şenlik, Ankara 1975
23
Aşıq Hüseyn Saraçlı, Şeirlər, Söyləmələr, Bakı 1992
24
„Gürcüstan‟ qəzeti, Tbilisi 1994 # 11, s. 4
25
Valeh Hacıyev, Borçalı Mehralı Bəy Tarixi Həqiqətlərdə, Tbilisi 2001
Dostları ilə paylaş: |