OZAN DÜNYASI № 3, 2010
78
zıda, görüntüdə onun az qismini canlandırmaq olur. Millətin tarixən formalaşan
mədəniyyətinin daşıyıcısı və yaşadıcısı kimi aşıq sənətinin ölçüyəgəlməz
zənginliyi vardır.
Tarix boyu aşıqların bir çox adları yaranmışdır: dədə, dədə ozan, haqq aşığı,
meydan aşığı, cəng aşığı, saray aşığı, el aşığı, çayxana (qəhvəxana) aşığı, bazar
aşığı, karvansara aşığı və b. Aşıqlar eldən-elə gəzmiş, insanların içərisində
olmuş, xalqın ən əziz adamına - Tanrı müsafirinə, Tanrı adamına, ilahinin
göndərdiyi şəxsə çevrilmiş və böyük hörmət sahibi olmuşdur. Bu aşıqlar gəzərgi
aşıqlar kimi də tanınmışlar. Gəzərgi aşıqların xalqa, onun həyatına, məişətinə
bağlı sənətkar kimi el-obanı dolaşaraq hər şeydən halı olması, onu sevən, qəbul
edən, dinləməyə ehtiyac duyan insanlarla birlikdə olmaq üçün şəhər və köyləri
gəzməsi vacib şərtlərdən olmuşdur. Bu yolda o həm sənətini yayır, xalq məclis-
lərində çıxış edir, həm də dünyanı — coğrafiyanı öyrənir, öyrəndiklərini
yenidən xalqa yayır, insanlara bilik verir, onları öyrədir, yəni maarifləndirirdi.
Başqa-başqa yerlərdən, ölkələrdən xəbərlər gətirib yeniliklərdən xalqı xəbərdar
edirdi. Gəzərgi aşıq olmaq isə adi iş deyildi, insandan böyük hazırlıq tələb
edirdi. Hər aşıq hər obaya, hər köyə gedə bilməzdi. Onun qarşısına yerli aşığı
çıxarardılar, deyişdirərdilər, güc və qabiliyyətinə görə aşığı ya qəbul edər, ya da
bir daha gəlişinə yasaq qoyar, qovardılar.
Aşığın gəzəriliyini onların səfərləri, aşıq hekayə və dastanları da sübut edir.
Aşıq Ələsgər bu mənada demişdir:
AĢıq olub tərki-vətən olanın,
Əzəl baĢdan pür-kamalı gərəkdir.
Oturub-durmaqda ədəbin bilə,
Mərifət elmindən dolu gərəkdir.
Bu "tərki-vətənlik" aşıq sənətinin kökündə, mayasında olmuşdur. Bəlkə də
bu "tərki-vətən" olmaq xüsusiyyəti şumerlərin Anadoluya gəlişi, zamanlardan,
kimer və skiflərin (sakaların) Qara dənizin ətrafını dolaşdıqları zamanlardan
mövcud idi. Aşığın bu xüsusiyyəti tarixən ona ayrıca haqq və hüquqlar da
vermişdir. Saz aşığın bir növ pasportu idi və o bunun vasitəsilə ölkədən —
ölkəyə gedə, saraydan-saraya adlaya bilirdi. Savaşlar dönəmində belə aşıqlar
əsgərlərə döyüş ruhu aşılamaqla yanaşı bir əldə saz, bir əldə qılınc tutma
gələnəyini təlqin etməklə, həm də insanları sülhə, barışa çağıran təbliğatçı
rolunda olmuşdur. Aşıqlar savaşın qarşısını ala bilməsələr də, onun qayda-
qanunla, ədalətlə aparılmasını istəyirdilər. Yeri gələndə aşıq düşmən tərəfə də
gedə bilir, barışığa vasitəçi, təmsilçi də ola bilirdi. Ona görə də Şah İsmayıl
zamanında və sonralar aşıqlardan bir təbliğat adamı kimi istifadə olunmuşdur.
Güclü, qüdrətli aşıqların yalnız öz ailələri deyil, hətta aşığın yaşadığı kəndlər
vergilərdən
azad edilirdi ki, bu da aşığa daha çox hörmət qazandırırdı.
"Tərki-vətənlik" - gəzərçilik Xızır, Dədə Qorqud kimi mifik qəhrəmanların,
Aşıq Qərib, Dədə Kərəm kimi sənətkarların həyatında da önəmli rol oyna-
OZAN DÜNYASI № 3, 2010
79
mışdır. Tərki-vətən aşıqlarının bir qisminə xalq arasında "tərəkəmə aşıqları"
(yəni xalq içində olan) da deyilmişdir.
Tərəkəmə – el aĢıqları daha çox el-oba içərisində, əməkçi xalq arasında
yaşayaraq onların məclislərinin aparıcısı kimi tanınmışlar. Professor Qara
Namazov yazır: "Tərəkəmə el aşıqları daha çox təsərrüfat və xüsusən, maldar-
lıqla güzəran keçirən obaların məişətinə sığınar, onlarla yayı yaylaqlarda, qışı
aranda keçirir, təmiz duyğuları, sevgi hisslərini, aranı, yaylağı telli sazda vəsf
edirdilər". El aşıqları köylülərin həyatını, hırsızlara, quldurlara, talançılara,
düşmən hücumlarına qarşı döyüşən igidlərin qəhrəmanlığını, namuslu, mərd və
halal insanların taleyini şeir və dastanlarında təsvir edirdilər.
Saray aĢıqları da tarixdə məşhur olmuşlar. Belə aşıqlar padşahların,
sultanların, xan və bəylərin saraylarında keçirilən məclisləri şənləndirər, daha
çox oturaq həyat keçirərdilər. Bu aşıqlar saray adamlarının həyatından bəhs
edən dastanlar qoşardılar, onların igidliklərini, xeyirxahlıqlarını bir növ təbliğ
edərdilər. Koroğlunun özü aşıq olsa da, onun məclisləri aparmaq üçün vaxtı və
zamanı yetərli deyildi, bu səbəbdən də Aşıq Cununu Çənlibelə dəvət etmişdi və
o
da Koroğlu igidlərinin həyatını vəsf edir, onlarla görüşə gedir, qəhrəmanların
igidliyinə söz qoşub xalq arasında yayırdı.
XVII-XVIII yüzillikdə
Ģəhər aĢıqları da meydana çıxmışdır. Tiflisdə,
İrəvanda, Gəncədə, Təbrizdə və başqa şəhərlərdə şəhər əhalisinin məclislərini,
toy-düyünlərini idarə edən aşıqlar zümrəsi yaranmışdı. Bunlar "şəhər aşığı" ki-
mi digər aşıqlardan
fərqlənir, çayxana və qəhvəxanalarda,
bazar və karvansaray-
larda məskən salaraq yaşayırdılar. Bu aşıqlar gəlib-gedənləri dinləməklə dünya-
nın çeşidli yerlərindən xəbər tutar, aldıqları informasiyaları məclislərində
yayardılar, eşitdiklərini öz söhbətlərinə qarışdıraraq xalqa yayardılar. Tiflisdə
şəhər aşıqlığı o qədər inkişaf etmişdi və gəlirli sahəyə çevrilmişdi ki, başqa
xalqlardan da aşıqlığa gələnlər çoxalmışdı. Erməni, gürcü, yunan, aysor və baş-
qa xalqların ailələri övladlarını aşıqların yanına göndərir, aşıq məktəbində
onların yetişməsinə həvəs göstərirdilər. Yalnız Tiflis mühitində yüzdən çox belə
aşıq yetişmişdi.
Savaş dönəmində və yaxud əsgəri hissələrdə də aşıqsız keçinilməmişdir.
Bunlar da
savaĢ aĢıqları kimi tanınmışlar. Onlar əsgərlərə ruh verən cəngi
havaları çalar, əsgərləri əyləndirər, bilikləndirər və igidliklərini vəsf edərdilər.
El-oba bayramlarında iştirak edən
mərasim aĢıqları da olmuşdur. Bu aşıq-
lar toy-düyün və bayram şənliklərində oxuyardılar. Bunların çoxu "dastançı
aşıq" adı ilə də tanınardılar. Onlar toy axşamlarında dastan-xalq hekayələri, na-
ğıllar (masalar) söyləyər, qədim aşıqların deyişmələrini yada salar, qıfılbəndləri
necə açmalarından danışar, özləri də xalqa qıfılbənd söylər, onlarla birlikdə
açmasını da tapardılar. Mərasimlərdə deyişmələr (atışmalar) söyləmək ayrıca
bir ənənə halını almışdı. Deyimlərdə qalib olanlara böyük mükafatlar verilərdi.
Bütün bunlar aşıqların xalq arasında çох böyük vəzifə daşıdıqlarını göstərir.
Xüsusən ustad aşıqlar, dədə aşıqlar xalq məclislərini aparmaqla yanaşı xalqın
həyatına düzən gətirən, qanun-qaydaları, əxlaq prinsiplərini gözləyən bir
ağsaqqal statusu daşıyırdılar. Qan düşmənçiliklərinin aradan qaldırılmasında,