Əlisalam Bağırov Əsil insan olmaq
Yüklə 2,48 Kb. Pdf görüntüsü
|
75 Öz namus və şərəfini pulla, malla qiymətləndirənlərin son aqibəti cəmiyyət içərisində, ailə yanında qiymətsiz olar. Qiymətsizlikdən hörmətsiz şey isə həyatda yoxdur. İnsan hiss edə ki, yaşayır, bir canlı kimi həyatda var, lakin onun cəmiyyət içərisində qiyməti yoxdur, bu həmin şəxs üçün ölümdən betər olmalıdır. Ömür şirindir, lakin namus və şərəflə keçirilən ömür daha şirindir. Həyata gəlmiş hər bir şəxs yaşamaq üçün hökmən mübarizə aparmalıdır. Lakin bu mübarizənin də müxtəlif formaları var. Əgər öz həyatını namus və şərəflə yaşayayaşaya başa vurmaq istəyirsənsə, onda yalnız daxilindəki müsbət hisslərin həyata keçməsi uğrunda mübarizə apar və yaşa. Bu cür yaşayışla həm öz xoşbəxtliyini təmin edərsən, həm də həyatda bir çoxlarına nümunə olarsan. Qəlbi saflar üçün safqəlblilik et, Əlacsız kəslərin köməyinə yet. Sənə sözüm budur haqq işdən ötrü, Ümmanlar keçsən də arxasınca get. *** Xəyanətkar insan sayılar iblis, Qızıl qiymətinə satılarmı mis? Altuna, gümüşə vicdanı satmaq, Dünyada hər şeydən bilin pisdir, pis. İnsanın arsızlıq edib öz namus və şərəfini ayaqlar altı na atmasına yol verməsi onu heyvana daha çox yaxınlaşdı rır. Öz namus və şərəfini qoruya bilməyənlərin əksəriyyəti yalnız ikiüzlü və qeyrətsiz kəslərdir. Belələri nə ailə, uşaq qədri bilər, nə də öz qədirlərini bilərlər. Belə kəsləri sərvətlə asanlıqla əldə etmək olar. Çünki namus və şərəf hissinin qədrini bilməyənlər həyatda həmişə özləri üçün qəbahətli də olsa, asan yol tutmağa çalışırlar. Yüngül əyləncəli günlər 76 keçirməyi özləri üçün ar saymırlar. Aşağıdakı bir təmsilə nəzər salaq. Düşkün bir gülüş ilə hırıldadı kal yemiş, Dünən qarpız xıraya yaman acı söz demiş. Evləndikləri cəmi heç deyildir bircə ay, Başına daş qarpızın özün tutmaz mənə tay. Pis olsaydım beş dəfə ərə getməzdim ki, mən, Beş ərin kəm vəfasın bir dərd etməzdim ki, mən, Deyərkən düşünmədi bu sözləri o dik-dik, Qiybətçillik, arsızlıq sayılır ədəbsizlik. İnsan nə qədər öz hərəkətləriylə, dediyi sözlərlə öz şəxsiyyətini qiymətləndirirsə, başqalarının da gözündə bir o qədər hörmətli və qiymətli olar. Şərəfsizlik adın üstündə qoyma, Başqası haqqında pisliyə qıyma. Cən özünə rəva görmədiyini, Başqa birisinin haqqında yayma. Şərəfsizlik qiymətsizlik deməkdir. Şərəfsiz kəslərlə yoldaşlıq etmək özü də şərəfsizlikdir. Çünki ataların belə bir misalı var: «Dostuna baxım, sənin kim olduğunu de yim”. Namus, qeyrət qədri bilməyənlərlə dostluq, yoldaşlıq edənlər unutmamalıdılar ki, gectez bir vaxt onların güdazı na gedib hörmətdən və qiymətdən düşə bilərlər. Vardır hər bir kəsin öz dərdi-səri, Qatma bir-birinə xeyirlə şəri. Nadan güdazına vermə ömrünü, Nadanın yoldaşa dəyər xətəri. 77 Ağıllı və dərrakəli kəslər hər vaxt şərəfsizlərlə yoldaş lıq etməyi özlərinə ar bilərlər. Aşağıdakı bir təmsilə nəzər salaq. Ulaq qapılmışdı bir neçə yerdən, Şikayətçi idi çaqqalla şirdən, Deyirdi: – Meşədə gəzdiyim zaman, Mən zərər çəkmişəm bu heyvanlardan. Çaqqal bircə anda daladı məni, Şirsə al qanıma buladı məni. Nə isə bir təhər qaçdım bu yerdən, Bu vaxt şir acıqla söylədi birdən: – Bizdə yox hər murdar canlıya meyl, Ona xoş ətinə pay olmağımdır. Mənə ağır gələn bu böhtan deyil, Meşədə çaqqala tay olmağımdır. Namus və şərəfi dünya malına satmaq olar, lakin dünya malı ilə almaq olmaz. Onu yalnız cəmiyyət üçün öz fayda lı əməyinlə qazana bilərsən. Əgər namusu və şərəfi dünya malı ilə almaq mümkün olsaydı, onda onun heç qiyməti də olmazdı. Namus və şərəf hər fərdin yalnız və yalnız öz şəxsi fəaliyyətinin nəticəsi olduğu üçün çox qiymətlidir. Süst olma həyatda, ümidlə yaşa, Ümidsiz vurarsan ömrü tez başa. Saf təmiz qəlbinlə mövqeyini tut, Uyma əzab verən parlaq daş-qaşa. *** Olsa da nə qədər varın dövlətin, Əqlinlə ölçülür ancaq qiymətin. Əqlin özü sənə dövlət deməkdir, Əqlin var, olacaq hər vaxt hörmətin. 78 *** Aludə olma heç şöhrətə, şana, Çalış sözlərindən tapılsın məna. Şöhrət də, daş qaş da hamısı heçdir, Hörməti qalacaq ancaq insana. Şərəfsizlik insanın müxtəlif mənfi hərəkətlərinin nəticə sində meydana gəlir, ey insan, öz hərəkətlərinə fikir ver, şərəfsizlikdən uzaq ol. Öz hiss və ehtiraslarını yeri gələndə boğmağı bacar ki, el içində bədnam olub hörmətdən düş məyəsən. Ey insan, sənin şərəfin, birinci növbədə, vətəninin, özünün, ailənin şərəfi deməkdir. Ona görə də sən öz şərəf hissini həmişə qoruyub uca tutmalısan. Baş əymə şöhrətin, şanın önündə, Xoş keçər o zaman, ömrün, günündə. Böyüklə böyük ol, kiçiklə kiçik, Alnı açıq yaşa öz vətənində. *** Şöhrətin, hörmətin tək sənin deyil, Vətəni sevməsən vətənin deyil. Vətənə sevginlə nə əldə etsən, O sənə aiddir, heç kəsin deyil. Bəzən bir şəxsin timsalında bir elin, bir obanın, bir oy mağın haqqında kimsələrdəsə fikir yaranır. Ona görə də in san özünün ən yaxşı cəhətlərini həmişə nümayiş etdirməyə borcludur. Namus və şərəf hissini başa düşməyənlərin in sanlıqdan danışmağa haqqı yoxdur. Çünki namussuzlar və şərəfsizlər insanlıq adına ləkə gətirənlərdir. Aşağıdakı bir təmsilə nəzər salaq. Rəis təyin edildi bir idarəyə ayı, Tülkü, çaqqal söylədi: – Tapılmaz onun tayı. Yüklə 2,48 Kb. Dostları ilə paylaş:
|