|
ƏLLİ ÜÇÜNCÜ Kİtab ————— sentyabr 2012 oktyabr 2012FİFA-nın PREZİDENTİ YOZEF BLATTERİN
60
FİFA-nın PREZİDENTİ YOZEF BLATTERİN
BAŞÇILIQ ETDİYİ NÜMAYƏNDƏ HEYƏTİ İLƏ
GÖRÜŞ
Prezident sarayı
21 sentyabr 2012-ci il
Azərbaycan Respublikasının Prezidenti İlham Əliyev
sentyabrın 21-də FİFA-nın prezidenti Yozef Blatterin başçılıq
etdiyi nümayəndə heyətini qəbul etmişdir.
Görüşdə FİFA U-17 qadınlar arasında futbol üzrə dünya
çempionatının Azərbaycanda keçirilməsinin önəmi qeyd edildi,
çempionata hazırlıq işlərinin yüksək səviyyədə təşkil olunduğu
bildirildi. Görüşdə, həmçinin ölkəmizdə idmanın, o cümlədən
futbolun inkişafına yüksək dövlət qayğısının göstərildiyi vur-
ğulandı, paytaxtda və regionlarda idman infrastrukturunun ya-
radılması ilə bağlı ardıcıl tədbirlərin həyata keçirildiyi bil-
dirildi.
FİFA-nın prezidenti Yozef Blatter FİFA U-17 qadınlar
arasında futbol üzrə dünya çempionatının xüsusi medalını və
FİFA-nın vımpelini dövlətimizin başçısına təqdim etdi.
61
FUTBOL ÜZRƏ «FİFA U-17 QADINLARARASI
DÜNYA ÇEMPİONATI AZƏRBAYCAN–2012 »nin
AÇILIŞI MƏRASİMİ
Tofiq Bəhramov adına Respublika stadionu
22 sentyabr 2012-ci il
Azərbaycan Respublikasının Prezidenti İlham Əliyev,
xanımı Mehriban Əliyeva və ailə üzvləri sentyabrın 22-də
Bakıda Tofiq Bəhramov adına Respublika stadionunda futbol
üzrə «FİFA U-17 qadınlararası dünya çempionatı Azərbaycan–
2012»nin təntənəli açılışı mərasimində iştirak etmişlər.
Əvvəlcə prezident İlham Əliyev, xanımı Mehriban Əliyeva və
ailə üzvləri 17 yaşadək qadınlar arasında futbol üzrə dünya
çempionatının açılışı mərasimində iştirak etmək üçün Bakıya
gələn Beynəlxalq Futbol Federasiyaları Assosiasiyasının –
FİFA-nın prezidenti Yozef Blatter ilə görüşdülər.
Çempionatın açılışı mərasimində dünya şöhrətli «Cirque du
Soleil» sirki xüsusi olaraq bu mundial üçün hazırladığı
proqramla çıxış etdi.
Akrobatlar, rəqqaslar və bu şouda iştirak edən yerli könül-
lülər öz çıxışlarında Azərbaycanın qədim ənənələrinə uyğun
olaraq onun idman, futbol və həmçinin mədəni komponentlərini
nümayiş etdirdilər. Bu şou xüsusi olaraq onun üçün bəstələnmiş
və məhz «Cirque du Soleil» tamaşalarına xarakterik olan
musiqinin müşayiəti altında keçdi.
Sonra dünya şöhrətli müğənni Cenifer Lopezin möhtəşəm
ifası azarkeşlərin bayram əhval-ruhiyyəsini daha da artırdı.
Daha sonra Azərbaycanın və Kolumbiyanın 17 yaşadək qa-
dınlardan ibarət milli komandaları yaşıl meydana daxil oldular.
Azərbaycan prezidenti İlham Əliyev və FİFA-nın prezidenti
Yozef Blatter komandaların oyunçularını, hakimləri təbrik
edərək, onlara uğurlar arzuladılar.
62
Kolumbiyanın və Azərbaycanın dövlət himnləri səsləndiril-
dikdən sonra komandaların oyunu başladı.
Beləliklə, Azərbaycan daha bir dünya səviyyəli idman yarışına
ev sahibliyi edir. Beynəlxalq yarışları keçirməkdə böyük təcrübəsi
olan ölkəmizin tarixində ilk dəfə 17 yaşadək qadınlar arasında
dünya çempionatı baş tutur. Bu dünya çempionatı üçüncü dəfədir
ki, keçirilir. Azərbaycan bu çempionata FİFA İcraiyyə Komitəsinin
2010-cu il 19 mart tarixli Qərarına əsasən ev sahibliyi edir. Bu,
Azərbaycanda keçirilən ilk FİFA tədbiridir və Avrasiyada baş
tutan ilk U-17 qadınlararası dünya çempionatıdır. Çempionatda
Yaponiya, Koreya Xalq Demokratik Respublikası, Çin, Nigeriya,
Qana, Qambiya, ABŞ, Kanada, Meksika, Braziliya, Uruqvay,
Kolumbiya, Yeni Zelandiya, Fransa, Almaniya və ev sahibi
Azərbaycanın milli komandaları birincilik uğrunda mübarizə
aparacaqlar. Azərbaycan ilk dəfə FİFA U-17 qadınlararası dünya
çempionatına öz milli yığması ilə qatılır. Millimiz «A» qrupunda
Kolumbiya, Kanada və Nigeriya yığmaları ilə yarışacaqdır.
Azərbaycanın ev sahibliyi etdiyi dünya çempionatının oyun-
ları paytaxt Bakı ilə yanaşı, Lənkəran şəhərində də keçiriləcək.
Çempionat üçün 6 stadion ayrılmışdır. Bunlardan 5-i Bakıda, 1-i
isə Lənkəranda yerləşir.
Qeyd edək ki, FİFA U-17 qadınlararası dünya çempionatı
ilk dəfə 2008-ci ildə Yeni Zelandiyada keçirilib. Bu çempionatın
qalibi Koreya Xalq Demokratik Respublikasının yığması
olmuşdur. İkinci dəfə isə çempionat 2010-cu ildə Trinidad və
Tobaqoda təşkil edilmiş və kuboku Koreya Respublikasının
futbolçuları qazanmışlar.
Dostları ilə paylaş: |
|
|