82
Biz elə işləyəcəyik, elə dərs deyəcəyik ki, tələbələr iftixarla
desinlər: «Biz Moskva Dövlət Universitetinin Bakı filialını
bitirmişik». Bir daha Azərbaycan Prezidentinə, bu filialın
yaradılmasında əməyi olanların hamısına dərin təşəkkürümü
bildirirəm.
N ə r g i z P a ş a y e v a (MDU-nun Bakı filialının rektoru,
professor): Hörmətli cənab Prezident!
Möhtərəm tədbir iştirakçıları!
Cənab Prezident, ilk növbədə Sizin bugünkü gəlişiniz,
nitqiniz və 2008-ci il yanvarın 15-də dünyanın ən yaxşı ali
təhsil müəssisələrindən biri olan M.V.Lomonosov adına
Moskva Dövlət Universitetinin filialının Bakı şəhərində yara-
dılması haqqında tarixi fərmanınıza görə Sizə sonsuz
minnətdarlığımı bildirmək istəyirəm. Çox sağ olun!
O vaxtdan 4 il keçib. Bu müddət ərzində biz işləmişik,
vicdanla işləmişik, xeyli uğurlu nəticələr qazanmışıq. Bizdə 5
fakültə fəaliyyət göstərir, bizim ilk bakalavr buraxılışımız olub.
Biz 3 fakültədə magistratura şöbələri yaratmışıq, tələbələrimizin
Moskvada yaxşı nüfuzu vardır. Onlar bir çox beynəlxalq
konfranslarda iştirak edir, əksər olimpiadaların mükafatlarını
qazanırlar. Onlar yaxşı tələbələrdir və onlar da buna görə Sizə
minnətdardırlar.
Ötən 4 il ərzində Moskva Dövlət Universitetinin 940 pro-
fessor və müəllimi bizdə mühazirələr oxumuşdur. Bu, böyük rə-
qəmdir, yəni Bakıya 1000-ə yaxın adam gəlib. Bütün bu 4 ili
biz – həm Bakı, həm də Moskva müəllimləri bir yerdə olmuşuq,
açıq, nəcib və şərəfli yolla, universitet həyatı yolu ilə yanaşı
addımlamışıq.
Hamımıza yaxşı məlumdur ki, universitet həyatı sadəcə,
kitab müdrikliyi deyil. Bu, ilk növbədə şəxsiyyətlər və insanlar,
onların dünyagörüşü, həyata münasibəti, mövqeyi, elmi
potensialı, cəsarəti, bəzən də çox yüksək intellekti deməkdir.
Axı alim ətrafımızda işıqlı məkan yaradan insandır. Təsadüfi
deyildir ki, «intelligent» sözü Azərbaycan dilində «ziyalı»
deməkdir. Beləliklə, alim şölə saçan ulduzdur. Bu cür ulduzlar
83
nə qədər çox olarsa, həyat bir o qədər işıqlı olar, bütövlükdə
dünya üçün və bizim hər birimiz üçün daha fərəhli olar.
Mən buraya toplaşan bütün alimləri salamlamaq, onlara
«çox sağ olun» demək və bir daha vurğulamaq istəyirəm ki,
universitetlər bütün dövrlərdə təkcə insan biliklərinin qoruyu-
cuları və daşıyıcıları deyil, həm də bəşər zəkasının və ürəyinin,
xeyirxah əməllərin qoruyucuları olublar. Siz hamınız zəka və
qəlbin gördüyü xeyirxah əməllərin sahiblərisiniz. Çox sağ olun!
Bugünkü pedaqoq müasir həyata düzgün istiqamətlən-
məlidir. O öz yetirməsinə, tələbəsinə düzgün məsləhətlər
verməyi bacarmalıdır. Həmin gənc gələcəkdə müasir, hər gün
dəyişən mürəkkəb cəmiyyətdə və dünyada özünə düzgün yol
seçməlidir. O, düzgün vərdişlərə sahib olmalıdır. Onun bir çox
həyati məsələlərə yaxşı yanaşma tərzi olmalıdır. Doğru və ən
başlıcası düzgün qərar qəbul etməyi bacarmalıdır. Bu vəzifələri
yerinə yetirmək mümkündür. Belə ki, biz müəllimlər Qoqolun
kiçik bir tezisini əsas götürürük. O yazırdı: «Yaxşı nümunə
qaydadan daha yaxşıdır». Biz öz nümunəmizlə tələbələrə
təhsilin, müəllim sözünün əhəmiyyətini, heç kimə pozmaq
haqqı verilməyən universitet qanunlarının və məcəllələrinin
ədalətli olduğunu nümayiş etdiririk. Beləliklə, biz müəllimlər öz
nümunəmizlə gənc nəslə düzlük, alicənablıq, aşkarlıq, əməyə
məhəbbət, ali dəyərlərə sevgi aşılamaq istəyirik. Əlbəttə, onlar
Vətəni çox sevməlidirlər, öz ənənələrini dəyərləndirməlidirlər,
öz köklərini yaddan çıxarmamalıdırlar. Onlar gələcəkdə öz
Vətənlərini şöhrətləndirməli, doğma Azərbaycan dilini, gözəl
Azərbaycan ədəbiyyatını və əlbəttə ki, öz tarixlərini
sevməlidirlər. Onlar bütün bunları özlərinə aşılamalıdırlar və
biz ali məktəbimizi bitirən tələbənin təkcə yaxşı mütəxəssis
deyil, həm də yaxşı insan olması üçün əlimizdən gələni etməyə
çalışırıq. Bu bizim hamımız üçün çox önəmlidir.
Cənab Prezident, fürsətdən istifadə edərək gənclərimizin
ölkəni tərk etmədən pulsuz təhsil almaları, dünyanın ən nüfuzlu
və ən yaxşı ali məktəblərindən biri olan Moskva Dövlət
Universitetinin diplomunu almaq imkanını yaratdığınıza görə
84
Sizə ali məktəbimizin bütün tələbələri və onların valideynləri
adından bir daha təşəkkür etmək istəyirəm. Cənab Prezident,
mən bu minnətdarlıq sözlərini şəxsən Sizə çatdırıram. Çox sağ
olun!
Cənab Prezidentin və Viktor Antonoviçin tamamilə doğru və
düzgün qeyd etdikləri kimi, bir vaxtlar fakültə seçimi
cəmiyyətdə fundamental elmlərin əvvəlki nüfuzunu bərpa
etmək arzusu ilə şərtlənirdi. Axı böyük elmin sıraları bazar
qanunlarının və konyunkturanın təsiri və diktəsi ilə
dağılmamalıdır. Çox istərdik vurğulayaq ki, burada təkcə tələbə
hazırlamağa deyil, həm də böyük elmə həvəs göstərəcək, böyük
elmdə qalacaq və bu istiqamətdə özlüyündə çox zəngin olan
Azərbaycanımızın gələcəkdə də elmi ictimaiyyətini və elm
tarixini şöhrətləndirəcək alimlər yetişdirməyə çalışırıq.
Biz bilirik ki, müasir dünya texnologiya dünyasıdır. Biz
bilirik ki, dünyada xeyli elmi-texnoloji araşdırmalar baş verir.
Lakin qeyd etmək lazımdır ki, istənilən texnoloji araşdırmalar,
istənilən texnoloji ideyalar, tədqiqatlar, hansısa istiqamətlər
əvvəl-axır bu və ya digər şəkildə humanitar problemlərlə
toqquşur, humanitar məsələlərdə qapanır. Humanitar elmlər çox
vacibdir. Humanitar və texnoloji elmlərin birliyi bu gün doğru
birlikdir. Belə ki, müasir dünya birmənalı deyil, çoxtərəflidir və
mənə elə gəlir ki, XXI əsr aliminin nəzər bucağı çox geniş
olmalıdır. O çox kompleksli olmalıdır, sırf texnar olmamalıdır,
sırf humanitar sahə alimi də olmamalıdır. Elə məktəblər, elə
məkanlar yaratmaq lazımdır ki, humanitar məktəb və texniki
məktəb kimi, 2 böyük istiqamət birlikdə işləsin,
əməkdaşlıq etsin və hansısa yeni kompleks yanaşmalar yaratsın.
Bu təkcə hansısa elmi mənimsəmə deyil, eyni zamanda, müasir
dünyada bu gün baş verən hər şeyi mənimsəmə yanaşması
olmalıdır. Buna alimlərin gücü çatar. Bu, alim sözüdür və
alimlər bütün dövrlərdə gələcək barədə dəqiq xəbər veriblər.
Alim sözü həmişə özünü doğruldub və həmişə alimlərin
dedikləri müəyyən yollarla həyata keçib.
Dostları ilə paylaş: |