96
ermənilər bu status-kvonu möhkəmlətmək istəyirlər, heç nəyi
dəyişmək və işğal olunmuş əraziləri boşaltmaq istəmirlər. Həmsədr
ölkələrin – Fransa, Rusiya və ABŞ liderlərinin onlara ünvanlanan
ismarıclarına qulaq asmırlar. Bu liderlər aydın şəkildə ismarıc
göndəriblər ki, status-kvo qəbuledilməzdir və dəyişdirilməlidir.
Status-kvonu dəyişmək üçün onlar geri çəkilməlidirlər. Bu
həqiqətən də bizim üçün ən böyük problemdir. Bu həm də regional
sabitlik və təhlükəsizlik üçün ən ciddi problemdir. Çünki münaqişə
dondurulmayıb, amma sülh olduqca kövrəkdir.
Əminəm ki, siz görüşləriniz zamanı maraqlı müzakirələr
aparacaqsınız. Ümid edirəm ki, Azərbaycanla bağlı daha çox
məlumat almaq və bu inkişafı görmək imkanınız olacaqdır.
Y u r g e n Q r a m k e (Avropa Məsələləri üzrə İnstitutun
İdarə Heyətinin sədri): Bizim əsas fəaliyyət istiqamətlərimiz
bunlardır. Birincisi imic, digəri, istiqamət infrastruktur, üçüncüsü
bütün bunların beynəlxalq səviyyədə təqdim olunması, sonuncusu
isə innovasiyadır. Biz 4 panel – siyasi məsələlər, iqtisadiyyat,
idman və təhsil panellərini keçirəcəyik. Qeyd etdiyim kimi, biz
bunları beynəlxalq səviyyədə təqdim etmək fikrindəyik. Siz
beynəlxalq səviyyədə körpülərin qurulması istiqamətində addım-
addım irəliləyirsiniz. Düşünürəm ki, siyasi, iqtisadi, idman və
təhsil sahələri olduqca əhəmiyyətlidir.
Bəzilərimiz ilk dəfədir ki, Bakıdayıq. Biz Sizə, Sizin fəaliy-
yətinizə və xalqınıza ən böyük arzularımızı çatdırırıq, biz burada
çox gözəl vaxt keçirdik. Təşəkkür edirəm.
97
FRANSA SENATININ ENERJİ ARAŞDIRMA
QRUPUNUN HƏMSƏDRİ SENATOR LADİSLAS
PONİATOVSKİNİN BAŞÇILIQ ETDİYİ
NÜMAYƏNDƏ HEYƏTİ İLƏ GÖRÜŞ
Prezident sarayı
1 oktyabr 2012-ci il
Azərbaycan Respublikasının Prezidenti İlham Əliyev
oktyabrın 1-də Fransa Senatının enerji araşdırma qrupunun
həmsədri senator Ladislas Poniatovskinin başçılıq etdiyi sena-
torlar xanım Delfin Batay, Kristof-Andre Frassa və Jan-Klod
Leniordan ibarət nümayəndə heyətini qəbul etmişdir.
Dövlətimizin başçısı Fransa Senatının enerji araşdırma
qrupunu təmsil edən senatorların ölkəmizə səfərinin Azərbaycan
ilə Fransa arasında əlaqələrin daha da genişləndirilməsi işinə
xidmət edəcəyinə ümidvar olduğunu vurğuladı. Fransaya bu
yaxınlarda səfər etdiyini məmnunluqla xatırladan prezident
İlham Əliyev bildirdi ki, prezident Fransua Olland ilə görüşü və
səfər zamanı keçirdiyi digər görüşlər Azərbaycan–Fransa mü-
nasibətlərinin strateji xarakter daşıdığını bir daha təsdiqlədi.
Əlaqələrimizin inkişafında parlamentlərarası əməkdaşlığın önə-
mini qeyd edən dövlətimizin başçısı Fransa Senatı nümayən-
dələrinin ölkəmizə səfərinin bu əməkdaşlığın daha da güc-
ləndirilməsi işinə töhfə verəcəyinə əminliyini bildirdi.
Nümayəndə heyətinin bütün üzvlərinin Fransa Senatının
enerji araşdırma qrupunu təmsil etdiyini vurğulayan Ladislas
Poniatovski ölkələrimiz arasında mövcud əlaqələrin bütün
sahələrdə, xüsusilə enerji sektorunda daha da genişləndirilmə-
sində maraqlı olduqlarını dedi. Ladislas Poniatovski
Azərbaycan prezidenti İlham Əliyevin Fransa prezidenti
Fransua Olland ilə görüşən ilk prezidentlərdən biri olmasını
xüsusi vurğuladı.
98
LATVİYA RESPUBLİKASININ KEÇMİŞ
PREZİDENTİ VAYRA VİKE-FREYBERQA İLƏ
GÖRÜŞ
Prezident sarayı
1 oktyabr 2012-ci il
Azərbaycan Respublikasının Prezidenti İlham Əliyev
oktyabrın 1-də Latviya Respublikasının keçmiş prezidenti Vayra
Vike-Freyberqanı qəbul etmişdir.
Görüşdə ölkələrimiz arasında ikitərəfli münasibətlərin inki-
şafından məmnunluq ifadə olundu, Bakı Beynəlxalq Humanitar
Forumunun əhəmiyyəti vurğulandı, foruma olan beynəlxalq
marağın önəmi qeyd olundu.
Latviyanın keçmiş prezidenti Vayra Vike-Freyberqa Bakıda
və Gəncədə gedən sürətli inkişaf proseslərinin onda böyük
təəssürat oyatdığını dedi.
99
RUSİYA FEDERASİYASININ PREZİDENTİ
ZATİ-ALİLƏRİ
CƏNAB VLADİMİR PUTİNƏ
Hörmətli Vladimir Vladimiroviç!
Əlamətdar yubileyiniz – anadan olmağınızın 60 illiyi
münasibətilə Sizi ürəkdən təbrik edirəm.
Bu gün dost Rusiya Sizin rəhbərliyiniz altında cəmiyyət
həyatının bütün sahələrinin təkmilləşdirilməsi və modern-
ləşdirilməsi yolu ilə ardıcıl surətdə irəliləyir. Ölkənin beynəlxalq
aləmdə artan nüfuzu, dünyada baş verən proseslərə münasibətdə
onun fəal mövqeyi Sizin adınızla bağlıdır.
Siz Azərbaycan ilə Rusiya arasında ənənəvi dostluq və
mehriban qonşuluq münasibətlərinin möhkəmlənməsinə və
genişlənməsinə sanballı şəxsi töhfələr vermisiniz. Sevindirici
haldır ki, bu münasibətlər keyfiyyətcə yeni inkişaf səviyyəsinə
çatmışdır və indi strateji tərəfdaşlıq xarakteri daşıyır.
Əminəm ki, bizim dövlətlərarası münasibətlərimiz, çoxsahəli
əməkdaşlığımız və qarşılıqlı fəaliyyətimiz xalqlarımızın rifahı,
Qafqazda sülh, sabitlik və təhlükəsizlik naminə bundan sonra da
hərtərəfli və dinamik inkişaf edəcəkdir.
Bizim aramızda yaranmış etimadı, dostluq münasibətlərini
yüksək qiymətləndirirəm.
Əziz Vladimir Vladimiroviç, Sizə və bütün ailənizə səadət,
firavanlıq və uğurlar arzulayıram.
Dərin hörmətlə,
İLHAM ƏLİYEV
Azərbaycan Respublikasının Prezidenti
Bakı, 2 oktyabr 2012-ci il