ƏLLİ ÜÇÜNCÜ Kİtab ————— sentyabr 2012 oktyabr 2012
Ə b d ü l ə z i z b i n O s m a n ə l -T ü v e y c r i
Yüklə 3,06 Mb. Pdf görüntüsü
|
- Bu səhifədəki naviqasiya:
- Ə b d ü l ə z i z b i n O s m a n ə l -T ü v e y c r i
124
Ə b d ü l ə z i z b i n O s m a n ə l -T ü v e y c r i (İSESKO-nun baş direktoru): Mən Bakı Beynəlxalq Humanitar Forumunda iştirak etməkdən məmnunam və əslində bu, dünyanın ən mühüm forumlarından birinə çevrilmişdir. Bu forum siyasi, intellektual, elmi və akademik şəxsiyyətləri, müxtəlif mənşəli və müxtəlif ölkələrdən olan elit qrupları bir araya gətirir. Sözün əsl mənasında, bu ən yüksək dəyərləndirilən təşəbbüslərdən biridir. Bu təşəbbüs prezident İlham Əliyev tərəfindən irəli sürülmüşdür. Beynəlxalq ictimaiyyətə təklif olunmuşdur ki, belə bir yanaşmaya əsaslanaraq, biz sülhə olan güclü inamımızı nümayiş etdirək. Bu cür mühüm bir hərəkət əslində, göstərilən beynəlxalq səylərə böyük bir töhfədir və dünyada yeni, güclü quruluşun yaradılmasına yönəldilibdir. Əslində bu, universal qaydada qəbul olunmuş tolerantlıq, dialoq, insanlar və xalqlararası qarşılıqlı yanaşma kimi dəyərlərə və beynəlxalq hüquqa da əsaslanır. Bu olan halda biz tarazlı, uyğun, təhlükəsiz dünyanı hamı üçün təmin edə bilərik. Forum bu sahədə göstərilən beynəlxalq səylərə töhfə verir. Daha təhlükəsiz gələcəyə gedən yolda bu cür forumlar mühüm əhəmiyyət daşıyır. Bunun üçün insan dəyərlərinə hörmətlə yanaşma və iqtisadi tədbirlərin həyata keçirilməsi vacibdir. Gələcək üçün hazırlanan yol xəritəsi yaxşı tərəqqiyə və mükəmməl innovasiyaya söykənməlidir. İndi dünyada böyük islahatlara ehtiyac var. Bu islahatlar çərçivəsində beynəlxalq siyasi proseslər ciddi şəkildə nəzərdən keçirilməli, məsələyə müxtəlif insan yanaşmaları diqqət mərkəzində saxlanılmalıdır. Bu tədbir mədəniyyətlər və sivilizasiyalar arasında dialoqun gücləndirilməsinə, düzgün sülh mədəniyyətinin təşviq olunmasına yönəlibdir. Belə olan halda işğaldan əziyyət çəkmiş insanların problemlərinin həllinə xüsusi diqqət yetirilməlidir. Dağlıq Qarabağ münaqişəsi buna bir misal kimi göstərilə bilər. Buna görə beynəlxalq münasibətlərin yenidən rasionallaşması vacib bir məsələ kimi üzə çıxır. Belə olan halda, sözün əsl mənasında, biz beynəlxalq siyasətə bir növ yeni təkan verməliyik. Bu bizim 125
məsuliyyətimizdir. Bu, siyasi, intellektual və akademik elitanın, bu forumda iştirak edən şəxslərin məsuliyyəti, borcudur. Çıxışımı bitirməzdən öncə mən, həmçinin İSESKO-ya verdiyi dəstəyə görə Azərbaycan Respublikasının Prezidenti Zati-aliləri cənab İlham Əliyevə səmimi minnətdarlığımı, təşəkkürümü bildirmək istəyirəm. Çünki o bir çox təşəbbüslərlə çıxış etmişdir. Bu təşəbbüslər insanları bir araya gətirə bilər və dialoqu uyğun edə bilər. Mən bu foruma uğurlar arzulayıram və hesab edirəm ki, Bakı intellektual və mədəni maarifləndirmənin təcəssümü olacaq və burada intellektuallardan ibarət forum uğurlu keçəcəkdir. * * * Sonra Azərbaycan haqqında filmin nümayişi oldu. Filmdə ölkəmizin qədim tarixi, zəngin mədəniyyəti, Şərq ilə Qərb arasında körpü rolunu oynayan, mədəniyyətlərarası dialoq platformasında xüsusi yeri olan Azərbaycanın keçdiyi inkişaf yolu barədə ətraflı məlumat verildi. Son illər ölkəmizin müəllifi olduğu irimiqyaslı layihələr, Bakının gözəlləşməsi istiqamətində həyata keçirilən tədbirlər videogörüntülər vasitəsilə tamaşaçılara təqdim olundu. Fasilədən sonra Azərbaycan Respublikasının Prezidenti İlham Əliyev Bakı Beynəlxalq Humanitar Forumunun plenar iclasında iştirak etdi. Plenar iclasın birinci hissəsinə Azərbaycanın Xarici İşlər naziri Elmar Məmmədyarov sədrlik etdi. Bakı Beynəlxalq Humanitar Forumunun əhəmiyyətindən danışan Litvanın sabiq prezidenti Valdas Adamkus dünyanın tanınmış ictimai-siyasi xadimlərini, mədəniyyət nümayəndələrini bir yerə toplayan bu forumun müxtəlif məsələlərə dair fikir mübadiləsinin aparılması üçün beynəlxalq miqyaslı, nüfuzlu elmi, siyasi platformaya çevrildiyini vurğuladı. Forumun işini yüksək qiymətləndirən Estoniyanın sabiq pre- zidenti Arnold Rüütel elmi və mədəni elitanın görkəmli nümayən- dələrini bir araya toplayan bu mötəbər tədbirin məhz Azər- baycanda keçirilməsindən məmnun olduğunu bildirdi. O qeyd etdi ki, müasir dünyamızda yeni informasiyalar və ideyalar sosial 126
şəbəkələr vasitəsilə sürətlə yayılır. Bu isə müasir həyatımızda yeni çağırışların ortaya çıxmasına səbəb olmuşdur. Bizim yeni çağırışlara cavab verməyimiz baxımından belə mötəbər tədbirlərin keçirilməsi mühüm əhəmiyyət kəsb edir. Azərbaycanın son illərdə iqtisadi sahədə əldə etdiyi böyük uğurlara toxunan Arnold Rüütel hazırda iqtisadiyyatımızın sürətlə inkişaf etdiyini diqqətə çatdırdı. Azərbaycanın etnik və dini tolerantlıq baxımından dünyada nadir ölkələrdən biri olduğunu vurğulayan Xorvatiyanın sabiq prezidenti Stepan Mesiç Bakıda müşahidə etdiyi inkişaf prosesinin onda böyük təəssürat yaratdığını bildirdi. O, Bakı Beynəlxalq Humanitar Forumunu mədəniyyətlərarası dialoqun inkişaf etdirilməsi baxımından da çox önəmli platforma adlandırdı. Bolqarıstanın sabiq prezidenti Jelyu Jelev bu mötəbər tədbirin ölkələr arasındakı münasibətlərin inkişafında xüsusi rol oynayacağını əminliklə qeyd etdi. Azərbaycanın belə mötəbər tədbirlərin keçirilməsində artıq böyük təcrübəyə malik olduğunu bildirən sabiq prezident forumda müzakirə ediləcək məsələlərin bəşəriyyətin üzləşdiyi bir sıra problemlərin həlli yollarının tapılmasına kömək edəcəyini vurğuladı. «Biz vahid dünyada yaşayırıq və belə bir məqamda humanitar dəyərləri qorumaq çox vacibdir» – deyən Latviyanın sabiq prezidenti xanım Vayra Vike-Freyberqa çıxışında əsas diqqəti insan hüquqlarının qorunmasına cəlb etdi. O, dünyanın əksər ölkələrində olduğu kimi, Azərbaycanda da 1 milyondan artıq insanın hüquqlarının pozulduğunu, onların doğma tor- paqlarından didərgin salındığını diqqətə çatdırdı. Bildirilmişdir ki, dünya ictimaiyyəti bu məsələdə qətiyyətli mövqedən çıxış etməlidir. Azərbaycanın dini dözümlülük baxımından nümunəvi ölkə olduğunu vurğulayan Vayra Vike-Freyberqa forumda dünyanın tanınmış siyasətçilərinin, Nobel mükafatı laureatlarının, bir sıra beynəlxalq təşkilatların nümayəndələrinin iştirak etməsini ölkəmizin gündən-günə artan nüfuzunun bariz nümunəsi kimi səciyyələndirdi. Həmçinin ölkəmizin sürətli inkişafının nəzərdə Yüklə 3,06 Mb. Dostları ilə paylaş:
|