100
QIRĞIZ RESPUBLİKASININ SABİQ
PREZİDENTİ ROZA OTUNBAYEVA
İLƏ GÖRÜŞ
Prezident sarayı
2 oktyabr 2012-ci il
Azərbaycan Respublikasının Prezidenti İlham Əliyev
oktyabrın 2-də Qırğız Respublikasının sabiq prezidenti Roza
Otunbayevanı qəbul etmişdir.
Görüşdə Azərbaycan ilə Qırğızıstan arasında ikitərəfli
münasibətlərin müxtəlif sahələrdə uğurla inkişaf etdiyi vur-
ğulandı, əlaqələrimizin daha da genişləndirilməsi üçün böyük
imkanların olduğu qeyd edildi.
Azərbaycanda bir neçə dəfə səfərdə olduğunu vurğulayan
xanım Roza Otunbayeva Bakıda, Gəncədə və respublikamızın
digər regionlarında böyük infrastruktur layihələrinin həyata
keçirilməsinin şahidi olduğunu dedi, ötən dövr ərzində ölkə-
mizin əldə etdiyi iqtisadi uğurların onda dərin təəssürat ya-
ratdığını qeyd etdi.
101
ESTONİYA RESPUBLİKASININ SABİQ
PREZİDENTİ ARNOLD RÜÜTEL İLƏ GÖRÜŞ
Prezident sarayı
2 oktyabr 2012-ci il
Azərbaycan Respublikasının Prezidenti İlham Əliyev
oktyabrın 2-də Estoniya Respublikasının sabiq prezidenti
Arnold Rüüteli qəbul etmişdir.
Görüşdə Bakı Beynəlxalq Humanitar Forumuna marağın
ildən-ilə artdığı vurğulandı, müzakirə olunacaq mövzuların
əhəmiyyəti qeyd edildi, qarşıda duran məsələlərin həlli ilə
bağlı ümumi meyarların işlənib hazırlanması baxımından
forumun vacibliyi bildirildi. Forumda müxtəlif mədəniyyət-
lərin və sivilizasiyaların nümayəndələrinin iştirakının önəmi
qeyd olundu.
Görüşdə, həmçinin Azərbaycan ilə Estoniya arasında iki-
tərəfli münasibətlərin inkişafının razılıq doğurduğu bildirildi,
əlaqələrimizin daha da genişlənəcəyinə əminlik ifadə olundu.
102
BMT-nin AZƏRBAYCANDAKI REZİDENT-
ƏLAQƏLƏNDİRİCİSİ FİKRƏT AKÇURA İLƏ
GÖRÜŞ
Prezident sarayı
2 oktyabr 2012-ci il
Azərbaycan Respublikasının Prezidenti İlham Əliyev
oktyabrın 2-də BMT-nin ölkəmizdəki rezident-əlaqələndiricisi
Fikrət Akçuranı fəaliyyət müddətinin başa çatması ilə əlaqədar
qəbul etmişdir.
BMT-nin rezident-əlaqələndiricisi Fikrət Akçuranın ölkə-
mizlə BMT arasında əməkdaşlığın genişləndirilməsi işindəki
xidmətlərini vurğulayan dövlətimizin başçısı onun Azərbay-
candakı fəaliyyətini yüksək qiymətləndirdi və gələcək fəaliy-
yətində uğurlar arzuladı.
Fikrət Akçura ölkəmizdə gedən davamlı inkişaf proseslərinin
önəmini vurğuladı, Azərbaycandakı diplomatik fəaliyyətindən
məmnunluğunu ifadə etdi.
103
BOLQARISTAN RESPUBLİKASININ SABİQ
PREZİDENTİ GEORGİ PIRVANOV İLƏ GÖRÜŞ
Prezident sarayı
3 oktyabr 2012-ci il
Azərbaycan Respublikasının Prezidenti İlham Əliyev
oktyabrın 3-də Bolqarıstanın sabiq prezidenti Georgi Pır-
vanovu qəbul etmişdir.
Bolqarıstanın keçmiş prezidenti Georgi Pırvanovun Bakı
Beynəlxalq Humanitar Forumunda iştirakının əhəmiyyətini
qeyd edən dövlətimizin başçısı tədbirə dünyada və regionda
böyük marağın olduğunu bildirdi. Forumda 70-dən çox ölkədən
600-dən artıq nümayəndənin iştirak etdiyini vurğulayan
prezident İlham Əliyev tədbiri humanitar əməkdaşlıq sahəsində
mühüm beynəlxalq layihə kimi dəyərləndirdi.
Georgi Pırvanov Bolqarıstanın dövlət başçısı vəzifəsində
çalışarkən Azərbaycan prezidenti İlham Əliyevlə həyata keçir-
dikləri birgə səylər nəticəsində ölkələrimiz arasında əməkdaşlıq
münasibətlərinin yüksək səviyyəyə qalxdığını məmnunluqla
qeyd etdi. Georgi Pırvanov dostluq əlaqələrinin gələcəkdə də
davam etdiriləcəyinə ümidvar olduğunu bildirdi.