273
TÜRKİYƏ RESPUBLİKASININ PREZİDENTİ
ZATİ-ALİLƏRİ
CƏNAB ABDULLAH GÜLƏ
Hörmətli cənab Prezident!
Əziz qardaşım!
Qardaş Türkiyənin milli bayramı – Respublika Günü
münasibətilə Sizi və Sizin simanızda bütün Türk xalqını şəxsən
öz adımdan və Azərbaycan xalqı adından səmimi- qəlbdən
təbrik edirəm.
Bu gün Türkiyə özünün siyasi nüfuzu, iqtisadi qüdrəti ilə
regionun aparıcı dövlətlərindən birinə çevrilmişdir. Biz
Türkiyənin beynəlxalq miqyasda bütün uğurlarına hədsiz
dərəcədə sevinir və bundan fərəh hissi keçiririk.
Xalqlarımızın yekdil iradəsindən qaynaqlanan Azərbaycan–
Türkiyə birliyi, müttəfiqliyi və tərəfdaşlığı qardaşlıq
duyğularımızı bariz şəkildə təcəssüm etdirir.
İkitərəfli əməkdaşlıq zəminində əldə etdiyimiz misilsiz
nailiyyətlər ölkələrimizin tərəqqisinə, qardaş xalqlarımızın
rifahına, regionumuzda əmin-amanlığın bərqərar olmasına dair
niyyətlərimizin gerçəkləşən ifadəsidir.
Əminəm ki, xalqlarımız arasında dərin tarixi kökləri olan
möhkəm tərəfdaşlıq münasibətləri bundan sonra da bütün birgə
işlərimizdə yeni uğurlara yol açacaqdır.
Hörmətli cənab Prezident, belə bir əlamətdar gündə Sizə
möhkəm cansağlığı, işlərinizdə uğurlar, qardaş Türkiyəyə daim
sülh və çiçəklənmə diləyirəm.
Dərin hörmətlə,
İLHAM ƏLİYEV
Azərbaycan Respublikasının Prezidenti
Bakı, 18 oktyabr 2012-ci il
274
TÜRKİYƏ RESPUBLİKASININ BAŞ NAZİRİ
ZATİ-ALİLƏRİ
CƏNAB RƏCƏB TAYYİB ƏRDOĞANA
Hörmətli cənab Baş nazir!
Əziz qardaşım!
Türkiyənin milli bayramı – Respublika Günü münasibə-
tilə Sizə və qardaş Türk xalqına öz adımdan və Azərbaycan
xalqı adından ən səmimi təbriklərimizi və xoş arzularımızı
yetirirəm.
Bu gün Türkiyə özünün siyasi nüfuzu, iqtisadi qüdrəti ilə
regionun aparıcı dövlətlərindən birinə çevrilmişdir. Biz
Türkiyənin beynəlxalq miqyasda bütün uğurlarına hədsiz
dərəcədə sevinir və bundan fərəh hissi keçiririk.
Dərin tarixi kökləri ilə bir-birinə bağlı olan, ortaq mənəvi
dəyərlərdən güc alan xalqlarımızın qardaşlıq ideallarının
təcəssümünə çevrilən Azərbaycan–Türkiyə birliyi nümunəvi
tərəfdaşlıq modelidir.
Heç şübhəsiz ki, bu yaxınlarda Yüksək Səviyyəli Strateji
Əməkdaşlıq Şurasının birgə keçirdiyimiz ikinci iclası qarşıya
qoyduğumuz vəzifələr, imzalanan sənədlər istər ikitərəfli
qaydada, istərsə də regional əməkdaşlıq zəminində irəli sür-
düyümüz məqsədlərə çatmaq yolundakı səylərimizə yeni
təkandır. Əminəm ki, daim dərinləşən işbirliyimiz bundan sonra
da qardaş xalqlarımızın iradəsini əks etdirərək ölkələrimizin
rifahına və çiçəklənməsinə xidmət edəcəkdir.
Hörmətli cənab Baş nazir, bayram sevincinizə qoşulur, Sizə
möhkəm cansağlığı, işlərinizdə uğurlar, qardaş Türk xalqına
daim əmin-amanlıq və firavanlıq diləyirəm.
Dərin hörmətlə,
İLHAM ƏLİYEV
Azərbaycan Respublikasının Prezidenti
Bakı, 18 oktyabr 2012-ci il
275
TÜRKMƏNİSTAN RESPUBLİKASININ
PREZİDENTİ ZATİ-ALİLƏRİ
CƏNAB QURBANQULU
BERDIMƏHƏMMƏDOVA
Hörmətli Qurbanqulu Məlikquliyeviç!
Türkmənistanın milli bayramı – Müstəqillik Günü
münasibətilə Sizə və Sizin simanızda bütün xalqınıza öz
adımdan və Azərbaycan xalqı adından ən səmimi təbriklərimizi
yetirirəm.
Əminəm ki, Azərbaycan ilə Türkmənistan arasındakı
ənənəvi dostluq münasibətləri, qarşılıqlı faydalı əməkdaşlığımız
bundan sonra da öz inkişafını müvəffəqiyyətlə davam etdirərək,
xalqlarımızın rifahına töhfələr verəcəkdir.
Belə bir xoş gündə Sizə möhkəm cansağlığı, işlərinizdə
uğurlar, dost Türkmənistan xalqına sülh və tərəqqi arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 18 oktyabr 2012-ci il
276
ÇEX RESPUBLİKASININ PREZİDENTİ
ZATİ-ALİLƏRİ
CƏNAB VATSLAV KLAUSA
Hörmətli cənab Prezident!
Çex Respublikasının milli bayramı münasibətilə Sizə və
bütün xalqınıza ən səmimi təbriklərimizi yetirməkdən
məmnunluq duyuram.
Bu gün Azərbaycan–Çexiya münasibətləri yüksələn xətt
üzrə inkişaf etməkdədir. Qarşılıqlı səfərlərimiz, dövlətlərarası
münasibətlərimizin müxtəlif sahələrinə dair imzalanan sənədlər
əməkdaşlığımızın
genişlənməsi
üçün
əlverişli
zəmin
yaratmışdır.
Əminəm ki, dostluq münasibətlərimizin daim möhkəm-
ləndirilməsi, ikitərəfli və çoxtərəfli qaydada fəaliyyətimizin
dərinləşdirilməsi istiqamətində birgə səylərimizi bundan sonra
da davam etdirəcəyik.
Bu əlamətdar gündə Sizə möhkəm cansağlığı, işlərinizdə
uğurlar, dost Çexiya xalqına sülh və rifah diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 18 oktyabr 2012-ci il
Dostları ilə paylaş: |