252
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2016, № 5(79)
NAKHCHIVAN STATE UNIVERSITY.
SCIENTIFIC WORKS, 2016, № 5 (79)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2016, № 5 (79)
İLHAM HÜSEYNOV
Naxçıvan Dövlət Universiteti
UOT :332.1
NAXÇIVAN MUXTAR RESPUBLİKASINDA
HƏYATA KEÇİRİLƏN İNVESTİSİYA SİYASƏTİ VƏ
AQRAR SAHƏNİN İNKİŞAFI
Açar sözlər: investisiya fəaliyyəti, aqrar sahəyə investisiyala, investisiya formaları, investor,
muxtar respublika, proqnozlaşdırma və tənzimləmə istiqamətləri
Keywoods: investment, investment firms, investment in agrarian sfere, investor, autonomous
republic, prognostication and regulation directions.
Ключевые слова: инвестиционная деятельность, инвестиции в аграрную отрасль,
формы инвестирования, инвестор, автономная республика, направления прогнозирования и
регулирования.
Müasir iqtisadi şərait Naxçıvan Muxtar Respublikası iqtisadiyyatının məqsədyönlü və dinamik
inkişafı ilə müşayət olunur. Həyata keçirilən sistemli işlər, özünün kompleks yanaşması ilə fərqlənən
hüquqi-normativ bazanın təkmilləşdirilməsi, mütərəqqi təsərrüfatçılıq üsul, alət və mexanizmlərindən
istifadə bu regionun sosial və iqtisadi simasını günü-gündən dəyişir. Bununla yanaşı perspektiv dövrün
məqsədlərinin həyata keçirilməsi, əhali və iqtisadi sahələr üzrə artan tələbatların daha dolğun qarşılan-
ması konkret inkişaf proqramları işlənib hazırlanması, onların yüksək tələbkarlıq əsasında icrası
zərurətini şərtləndirir. Bu istiqamətdə investisiya fəalittərinin düzgün təşkili, müvafiq vəsaitlərin
səmərəli bölüşdürülməsi və istifadəsi öz aktullığı ilə seçilən məsələlərdəndir.
Özünün kifayət qədər möhkəm nəzəri metodoloji aspektlərinə, beynəlxalq təcrübənin mütə-
rəqqi üsul və vasitəlrinin mənimsənilərək iqtisadiyyata tətbiqi ilə seçilən investisiyalaşma fəaliyyəti
kifayət qədər qədim köklərə malik olması ilə yanaşı geniş tətbiq arealına, müxtəlif varianlarda
həyata keçirilmə imkanlarına malikdir. Mövzunun vahid sistem şəkildə araşdırılması onun ikinci
“tədqiqat tərəfi” olan aqrar sahənin qarşılıqlı əlaqə və təsir şəraitində öyrənilməsini də şərtləndirir.
İlk növbədə investisiya məvhumunun mahiyyətinə sahənin inkişafını təmin etmək baxımından
nəzər yetirdikdə onun gəlir və ya müəyyən sosial səmərə əldə olunması məqsədilə sahibkarlıq və
yaxud digər fəaliyyət növləri obyektlərinə uzun müddətə qoyulan maliyyə vəsaitindən, habelə
maddi və intellektual sərvətlərdən ibarət olduğunu görmək mümkündür. Belə vəsait və sərvətlərin
tərkibində xüsusi qruplar kimi pul, məqsədli bank əmanətləri, kreditlər, paylar, səhmlər və d.
qiymətli kağızlar; daşınan və daşınmaz əmlak (tikililər, qurğular, avadanlıq və s.maddi sərvətlər);
müvafiq qaydada rəsmiləşdirilmiş elmi-təcrübi və digər intellektual sərvətlər; bu
və ya digər istehsal
növünün təşkili üçün zəruri olan, ancaq patentləşdirilməmiş, texniki sənədləşdirmə, vərdiş və
istehsalat təcrübəsi kimi tərtib edilmiş texniki, texnoloji, kommersiya və d. biliklərin məcmusu
(“nou-hau”); torpaqdan, sudan və digər təbii ehtiyatlardan, binalardan,
qurğulardan, avadanlıqlardan
istifadə hüquqları, habelə müəlliflik hüququndan irəli gələn başqa əmlak hüquqları və s. qruplar
fərqləndirilir. Təcrübədə istifadəsi mümkün olan maliyyə nəzəriyyələrinə əsaslanaraq qeyd etmək
olar ki, investisiya anlayışı real və maddi aktivlərin əldə edilməsi kimi xarakterizə olunmalıdır.
Digər tərəfdən, aqrar sahəyə edilən investisiya - əsas və dövriyyə fondlarının yaradılmasına,
genişləndirilməsi və yenidən qurulmasına sərf olunan birbaşa və dolayı xərclərin məcmusundan iba-
rətdir, onun makro və mikroiqtisadi anlamlarda ifadə edilən təməlləri mövcuddur.
“Aqrar sahə - investisiyalaşma” müstəvisində məsələnin öyrənilməsi onun daha konkret
“ünvanlar” əsasında araşdırılmasına şərait yaradır. Bu kontekstdə aparılan tədqiqatın obyektinin
Naxçıvan Muxtar Respublikası olaraq seçilməsi bir tərəfdən öyrənilən məcmu çərçivəsini daraltdığı
halda, digər tərəfdən isə ölkənin başqa regionları üzrə analoji tədqiqatların təşkili və həyata keçiril-
253
məsində nümunə rolunu oynamaq iqtidarındadır.
Düşünürük ki, muxtar respublikanın aqrar sferasında investisiyaların nə kimi rol oynamasını
dəqiqləşdirmək üçün onların istifadə istiqamətlərinə ehtiyac vardır. Bu baxımdan ilk növbədə aşa-
ğıdakı qrupların fəarləndirilməsi zəruridir:
1.
Aqrar sahədə istehsal proseslərinin geniş diapozona malik maddi-texniki bazasının
formalaşdırılmasına, kənd təsərrüfatı istehsalının genişlənməsinə və müasirləşməsinə yönəldilən
investisiyalar;
2.
Sahənin birbaşa və dolayı yolla fəaliyyətinə təsir edəcək infrastrukturun (nəqliyyat, sosial
və s.) yaradılmasına istiqamətləndirilmiş investisiyalar;
3.
Birinci dərəcəli material ehtiyatları və ümumiyyətlə dövriyyə vəsaitləri üzrə bazanın
formalaşdırılmasına yönəldilən investisiyalar;
4.
Sahə məhsullarının reallaşdırılmasına köməklik edəcək obyekt (bazar, firma mağazar və s.)
və fəaliyyətlərin (satış-sərgilərin, yarmarkaların təşkili və s.) bərqərar olması məqsədini güdən
investisiyalar;
5.
Aqrar sahəyə birbaşa və dolayı əlaqəsi ilə seçilən işçi heyətinin əmək vərdişlərinin yüksəl-
dilməsinə yönəldilən investisiyalar;
6.
Aqrar sahənin regional xüsusiyyətləri, mövsümilik və s. bu kimi amillərin tarazlanmasına
yönəldilmə məqsədini güdən investisiyalar və s.
Məzmunca, iqtisadiyyatın müxtəlif sahələrinin inkişafına yönəldilən investisiyalar özü ilə
əsaslı vəsait qoyuluşunu ehtiva edir ki, burada da başlıca məqsəd “sahibkar – dövlət (region) –
əmtəə istifadəçisi” əlaqələrində qarşılıqlı və çoxtərəfli faydanın əldə olunmasıdır. Belə ki, real
sahədə tətbiqi mümkün olmuş investisiyalar bir tərəfdən sahibkarln istehsal imkanını artırır, onun
məhsul-darlıq və digər göstəricilərinə təsir edir, dövlətin ərzaq təhlükəsizliyi və digər istiqamətlərdə
həyata keçirdiyi siyasətə müsbət təsir göstərir, digər tərəfdən isə əhali və emal sənayesi daha ucuz
və keyfiyyətli məhsullarla təmin olunur ki, bu da istehsalın genişləndirilməsi, insanların maddi rifah
halının yaxşılaşdırılması, sosial təminatının yüksəldilməsi kimi məsələlərdə tərəqqiyə yol açır.
Eyni zamanda qeyd olunmalıdır ki, innovasiya fəaliyyəti ölkə iqtisadiyyatında struktur dəyi-
şiklikləri aparmaq məqsədilə reallaşdırılacaq uzunmüddətli elmi-texniki tədqiqat və fundamental
araşdırma işlərinin maliyyələşdirilməsi kimi də çıxış edir. Ölkə və ya region miqyasında investisiya
gəaliyyətinin səmərəliliyini şərtləndirən cəhətlərdən biri kimi investisiya bazarının dinamikliyi də
qiymətləndirilir.
Beynəlxalq təcrübədə investisiyanın iki əsas forması fərqləndirilir: birbaşa və portfel inves-
tisiyalar. Real investisiyalar da adlanan birbaşa investisiyalar kapitalın kənd təsərrüfatı və digər
sahələrin müəssisələrinə bilavasitə yerləşdirilməsini nəzərdə tutur. Məzmun etibarı ilə bu forma
aqrar sahənin tələblərinə daha uyğundur Portfel (və ya maliyyə) investisiyaları isə səhmlərə,
istiqrazlara və digər qiymətli kağızlara investisiyalardır.
ÜDM-də investisiyaların xüsusi çəkisi, iqtisadi inkişafın vacib şərtidir. Azərbaycan Respubli-
kasının “İnvestisiya fəaliyyəti haqqında” Qanununda əks olunduğu kimi, hüquqi bazanın təkmilləş-
dirilməsində məqsədlərindən biri ölkə iqtisadiyyatına investisiyaların cəlb olunması prosesinin in-
tensivləşdirilməsidir. Nəzəri materiallara əsaslanaraq göstərə bilərik ki, muxtar respublikada bu
sahədə aparılan mütəşəkkil işlər onun ardıcıl artımı ilə nəticələnmişdir. Deyilənləri aşağıdakı
cədvəllər əsasında müqayisəli şəkildə nəzərdən keçirək.
Cədvəl 1. Muxtar respulibkanın 2015-ci il və 2016-cı ilin I yarısını əhatə edən əlaqəli
makroiqtisadi göstəricilər
Müqayisə
predmeti
2015-ci il
2016-cı ilin
yanvar-iyul
ayları
Faktiki,
min man.
2014-cü
ilə
nisbətən,
%-lə
Faktiki,
min man.
2015-ci ilin
müvafiq döv-
rünə nisbətən,
%-lə
1 Əsas kapitala yönəldilən investisiyalar
951196,5
102,9
562200,3
100,6