- 136 -
Heyran xanım uzun ömür sürərək, 80 il yaşamışdır. O, öz əsərlərində qocalmasına,
saçlarının ağarmasına işarə edərək “başıma qocalıq qarı yağır” deyir.
Heyran xanımın səxsiyyəti ilə maraqlanan rəssamlardan Oktay Sadıqzadə yağlı boya ilə
çəkdiyi “Heyran xanım”ın oturmuş vəziyyətdə portreti və xalq rəssamı Maral Rəhmanzadə
tərəfindən şairənin rübailərinə, qəzəllərinə çəkilmiş illüstrasiyalar muzey ekspozisiyasında şairənin
həyat və yaradıcılığına həsr edilmiş guşədə öz əksini tapıbdır.
Azərbaycanın ədəbiyyat və incəsənətinin oylağı olan Qarabağ, Şuşa bir çox şair, bəstəkar,
rəssam, xanəndə və s. sənətkarlar yetirmişdir.
Bu sənətkarlardan biri təkcə Azərbaycanda deyil, bütün Zaqafqaziyada tanınan, ədəbiyyat və
mədəniyyət tarixində xüsusi yer tutan Xurşudbanu Natəvandır.
Natəvan 15 avqust 1832-ci ildə Şuşada anadan olmuşdur. Mehdiqulu xan qızına öz anası
Xurşudbanunun adını vermişdir. Xurşudbanu ailənin yeganə övladı, həm də Qarabağ xanlığının
sonuncu vərəsəsi olduğu üçün onu sarayda “Dürrü yekta (“Tək inci”)”, el arasında isə “Xan qızı”
çağırmışlar. (8. səh 3).
Xurşudbanu dövrünün şairlərini öz ətrafına toplayaraq “Məclisi üns” (“Dostluq məclisi”)
ədəbi-məclisini yaratmış, “Natəvan” (kimsəsiz, köməksiz) təxəllüsü də ona məhz bu məclisin qərarı
ilə verilmişdir. (1. 22)
“Məclisi üns”ün təşkli ilə Natəvanın yaradıcılığında yeni bir mərhələ başladı. Onun şeirləri
əsl sənət nümunəsi kimi qiymətlənidirildi. Hələ sağlığında bu şeirlər əlyazması şəklində yayılmağa
başladı.
Dövrü dönmüş dövr, dövran etmədi kamımca ah,
Düşmənimdir, bilməzəmki, getmişəm dövranə mən.
deyən Natəvan üsyankar motivli şeirlərində xalqının dərdini, iztirabını yanıqlı, fəryadedici
bir dillə ifadə etmişdir.
Akademik B.Nəbiyev Natəvan yaradıcılığına yüksək qiymət verərək yazır:
Natəvan az yazmışdır. Az yazması Natəvanın bir sənətkar kimi parlamasına mane olmamış,
bəlkə də əksinə, dağ çeşməsi kimi dərinliklərdən sızıb gələn sənətinin şəffaflığını artırmışdır. (8. səh.17)
Əgərçi xoşdu mənə ətri, həm səfası gülün,
Cəfası çoxdu, nə hasil ki, yox vəfası gülün.
deyə oxucusunu təbiəti sevməyə çağıran şairənin təbiətdən aldığı zövq və fərəh hissləri
məhəbbət motivləri ilə birləşir.
Şairənin “Qərənfil” şeirinə bəstəkar Ağabacı Rzayeva mahnı bəstələmişdir.
Muzey ekspozisiyasında nümayiş etdirilən eksponatlardan biri də rəssam Oktay
Sadıqzadənin çəkdiyi “Natəvan” portretidir. Bu rəsmdə zərif bir çiçək kimi Şuşa dağlarında boya-
başa çatmış Azərbaycan şairəsi Natəvanın gənirsiz gözəlliklərini yüksək zəka və fitri istedadını
görürük. Onu da qeyd edək ki, xalq yazıçısı İ.Əfəndiyevin “Xurşudbanu Natəvan” pyesi
M.Əzizbəyov adına Azərbaycan Dövlət Dram Teatrında tamaşaya qoyulmuşdur.
Azərbaycanda Xan qızı adı ilə tanınan X.Natəvan Şuşaya su kəməri çəkdirmişdir.
Ekspozisiyada Natəvanın əsərlərinə çəkilmiş illüstrasiyalar (rəssam N.Mahmudovun
“Xurşudbanu Natəvan” portreti), əl işlərinin fotosu və müxtəlif illərdə nəşr olunmuş şeir kitabları və
B.Məmmədovun “Xurşudbanu Natəvan” adlı kitabı, Xurşudbanu Natəvanın oğlu Mehdiqulu və qızı
Xanbikəyə yazdığı şeirlər kitabı nümayiş olunur.
Azərbaycanın bir sıra görkəmli sənətkarları Natəvanın poeziyasından ilham almış lirik
qəzəlləri xanəndələrimiz tərəfindən muğam üstündə sevilə-sevilə oxunmuşdur. Təsadüfi deyildir ki,
ölməz bəstəkarımız Ü.Hacıbəyovun “Leyli və Məcnun” operasında Leylinin ölüm səhnəsindəki
oxuduğu “Ölürəm” qəzəli Natəvanındır.
Ülvi məhəbbətdən doğan bu səmimi sözlər, unudulmaz xatirələr Natəvanın bir insan kimi
nəcibliyindən, humanizmindən və insanpərvərliyindən soraq verir.
Nizami, Nəsimi, Füzuli kimi dühalar yetirən Azərbaycan ədəbiyyatı dünyaya bir sıra
istedadlı şairələr vermişdir. Hələ XII əsrdə yaşamış Məhsəti xanım Gəncəvinin rübailəri dünya
ədəbiyyatı xəzinəsinə daxil olmuş
Xurşudbanu Natəvan, Heyran xanım, Aşıq
Pəri kimi şairlərimizin
- 137 -
şöhrəti vətənimizin sərhədlərindən çox-çox uzaqlara yayılmışdır. Naxçıvanda yaşayıb-yaratmış
şairə Qonçabəyim də Azərbaycan xalqının yetirdiyi belə şairlərdən biridir.
Qonçabəyim təxminən 1827-ci ildə Naxçıvanda Ehsan xanın ailəsində doğulub. Ehsan xan o
vaxt Naxçıvandakı rus zabitləri ilə yaxın və dost olmuşdur. A.Qriboyedov İrana gedərkən onlarda
qonaq qaldığı kimi gürcü şairi N.Barataşvili də dönə-dönə Ehsan xanın sarayına getmiş və burada
Qonçabəyimlə tanış omuşdur. N.Barataşvili altı ay idi ki, Naxçıvanda qəza rəisinin müavini
işləyirdi. O, yazmaq, yaratmaq vurğunu idi. N.Barataşvili hələ uşaqlıqdan Azərbaycan dili ilə tanış
idi və bu dili çox gözəl bilirdi.
“Bəyim” təxəllüsü ilə əsasən nakam məhəbbət, qadın hüquqşünaslığı mövzularında lirik
şeirlər yazmışdır. “Şahzadə İbrahim” dastanındakı Bəyimin dilindən söylənilən şeirlərin bir
qisminin Qonçabəyimə aidliyi ehtimal olunur. Fransız yazıçısı və tənqidçisi Sent-Böv Qonçabəyim
haqqında yazmışdır: “Bu qadın təkcə şairə deyildi, onun bütün varlığı poeziyadır (6. səh. 347).
Şeirlərindən nümunələr “Azərbaycanın aşıq və şair qadınları” kitabında (1974) verilmişdir.
Onu da qeyd edək ki, şair Müzəffər Nəsirlinin “Qonçabəyimin nəğməsi” iki hissəli faciəsi
C.Məmmədquluzadə adına Naxçıvan Dövlət Musiqili Dram Teatrının səhnəsində tamaşaya
qoyulmuşdur. Əsərin quruluşçu rejissoru xalq artisti Rövşən Hüseynovdur. (5, 2010-cu il)
Ekspozisiyada rəssam N.Əliyevin Qonçabəyimin portreti, şeirlərindən nümunələr, onun
haqqında deyilmiş sözlər Budaq Təhməzovun “Qonçabəyim” adlı poeması nümayiş etdirilir.
Beləliklə, deyə bilərik ki, Azərbaycan klassik poeziyamızın üfüqlərində parlayan qadın
şairlərimiz yandırdıqları nurlu sənət çırağını əsrlərdən-əsrlərə ləyaqətlə götürərək, onu sönməyə
qoymamışlar. Onların yandırdıqları sənət çırağı C.Məmmədquluzadə adına Naxçıvan MR
Ədəbiyyat muzeyinin zallarını da işıqlandırmış, muzeyə gələn minlərlə tamaşaçıların həyat yoluna
nur saçmışdır.
ƏDƏBİYYAT
1.
İbrahimov Z. “Azərbaycan qadınlarının qəhrəman keçmişindən” Bakı, Azərnəşr, 1949
2.
Hüseynov R. “Məhsəti necə varsa” Bakı, Yazıçı, 1989
3.
Nağıyeva C. “Heyran xanım (həyat və yaradıcılığı)” Bakı, 1989
4.
Naxçıvan Ensiklopediyası 2 cilddə, 1 cild Naxçıvan, 2005
5.
Şərq qapısı qəzeti 9 aprel. 2010
6.
Naxçıvan Ensiklopediyası 2 cilddə, 1 cild Naxçıvan, 2005
7.
“Rübailər aləmində” Bakı, Azərnəşr, 1989
8.
Məmmədov B. “Xurşudbanu Natəvan”, Bakı, Azərnəşr, 1983, səh, 3
NDU-nun Elmi Şurasının 27 fevral 2018-ci il tarixli qərarı ilə çapa
tövsiyyə
olunmuşdur. (protokol № 06).
Sənətşünaslıq
üzrə fəlsəfə doktoru, dosent İ.Məhərrəmova