III
FƏSİL. MALİYYƏ
SİSTEMİ 3.1. Maliyyə sisteminin
mahiyyəti
Maliyyə sistemi - pul vəsaitləri fondlarının yaradılması
və istifadəsində öz xüsusiyyətləri ilə xarakterizə olunan müxtəlif
maliyyə münasibətlərinin məcmusudur. Maliyyə münasibətləri
pul münasibətlərinin tərkib hissəsidir.
Pul münasibətlərinə aiddir:
-
müəssisə ilə işçilər arasında
pul münasibətləri;
-
müəssisələr arasında
pul münasibətləri;
-
müəssisələrlə dövlətlər arasında pul münasibətləri;
-
dövlətlərarası pul münasibətləri;
-
fiziki şəxslər arasında yaranan pul münasibətləri.
Maliyyə münasibətləri dövlətlə əlaqədar olan pul
münasibətləridir, yəni o, imperativ xarakter daşıyır.
Maliyyə
münasibətlərinə
dövlətlərarası
maliyyə
münasibətləri,
dövlətlə
müəssisələr
arasında
maliyyə
münasibətləri, dövlətlə fiziki şəxslər arasında yaranan maliyyə
münasibətləri aiddir.
Azərbaycan Respublikası maliyyə sisteminin tərkibinə
daxildir: dövlət büdcəsi, büdcədəıiənar fondlar, dövlət krediti,
sığorta fondları və müxtəlif mülkiyyət formalarında olan
müəssisələrin maliyyəsi.
Dövlət büdcəsi - ümumi daxili məhsulun
və milli gəlirin
bölgüsündə iştirak etməklə dövlətin mərkəzləşdirilmiş pul vəsaiti
fondu və əsas maliyyə planı kimi çıxış edir.
Büdcədənkənar fondlar - dövlətin məqsədli pul vəsaiti
fondlannın yaradılması və istifadəsi ilə əlaqədar olan maliyyə
münasibətlərini həyata keçirir.
Dövlət krediti - dövlətlə hüquqi və fiziki şəxslər arasında
yaranan kredit münasibətlərinin xüsusi formasıdır. Burada
əsasən dövlət borc alan (debitor), əhali yaxud hüquqi şəxslər isə
borc verən (kreditor) kimi çıxış edir.
Sığorta - əsasən ictimai istehsal prosesində yaranan
maddi itkilərin və fövqəladə hadisələrdən şəxslərə dəyən
zərərlərin əvəzinin ödənilməsi ilə əlaqədar maliyyə
münasibətləridir.
Təsərrüfat subyektlərinin maliyyəsi - müxtəlif mülkiyyət
formalı müəssisələrin maliyyə münasibətlərini təşkil etməklə
ÜDM və MG-in yaradılması və bölgüsü prosesini əhatə edir.
20
IV
FƏSİL. MALİYYƏNİN İDARƏ EDİLMƏSİ
4.1.
Maliyyənin idarə edilməsinin mahiyyəti
İdarəetmə - müəyyən nəticələr əldə etmək üçün hər
hansı bir obyektə şüurlu surətdə təsir etmə vasitəsi olmaqla
çoxcəhətli bir prosesdir. Bu proses siyasi, iqtisadi və sosial
idarəetmə sistemindən ibarətdir. İqtisadi idarəetmənin tərkib
hissəsi olmaqla maliyyənin idarə edilməsi maliyyə metodları
tətbiq etməklə müəyyən nəticələr əldə edilməsi prosesidir.
Maliyyənin idarə edilməsi bir-biri ilə qarşlılıqlı əlaqədə
olan iki mərhələdən - hazırlıq və birbaşa fəaliyyət
mərhələsindən
ibarətdir.
Hazırlıq mərhələsi özü də maliyyə informasiyalarının
əldə edilməsindən və planlaşdırmadan ibarətdir. Maliyyə
informasiyalarının dəqiqliyi və vaxtında alınması hər hansı bir
prosesin gedişini araşdırmağa və son nəticəni təhlil etməyə
imkan yaradır. Maliyyə planlaşdırması dəyər formasında tərtib
olunur. Pul gəlirlərinin səfərbərliyə alınması və bölgüsü, milli
gəlirin bölgüsü və yenidən bölgüsü, pul fondlarının yaradılması
və istifadə edilməsi maliyyə planlaşdınimasımın obyekti kimi
çıxış edir.
Maliyyə planlaşdırılması vasitəsilə aşağıdakı vəzifələr
həyata keçirilir:
•
Pul fondlarının yaradılması mənbələrinin
müəyyənləşdirilməsi;
•
Maliyyə ehtiyatlarının
istifadə olunma istiqamətləri;
•
Maliyyə nəzarətinin həyata keçirilməsi;
•
Gəlir və xərclərin balanslaşdıniması.
İdarəetmənin birbaşa fəaliyyət mərhələsi operativ
idarəetmə, tənzimləmə və nəzarətdən ibarətdir.
Azərbaycan
Respublikasında
maliyyənin
idarə
edilməsini ali qanunverici hakimiyyət orqanı olan Milli Məclis,
Azərbaycan Respublikası Maliyyə Nazirliyi, Azərbaycan
Respublikası Vergilər Nazirliyi, Azərbaycan Respublikası
Dövlət Gömrük Komitəsi, Azərbaycan Respublikası Milli Bankı
və müvafiq orqanların yerli təşkilatlan həyata keçirir.
28