88
-biznes üzərində siyasi təzyiqlərin formalaşdırılması və biznesdə hakim
payların əldə olunması;
-klan biznesinin formalaşdırılması;
-ictimai-asayişin güclə qorunub saxlanılması;
-siyasi sabitliyin kövrək xarakteri;
-güc strukturlarına (hüquq-mühafizə orqanlarına) olmazın səlahiyyətlərin
verilməsi, polis hakimiyyətinin gücləndirilməsi və s.
Ümumiyətlə, diktatura və avtoritar rejimlərə də iki bucaqdan yanaşmaq
lazımdır. Birincisi, postsabitliyin meydana gətirdiyi bərk rejimlər mövcud olur.
Burada xaosun sistemli vəziyyətə gətirilməsi üçün müəyyən sərt addımların
atılması lazım gəlir. Belə formanı zəruri bərk rejim kimi adlandırmaq
düzgün olar. Bu forma və vəziyyət zahirən diktaturanı və avtoritar rejimləri
yaratsa da, son məqsəd xalqın sosial-rifah halının yaxşılaşdırılmasından ibarət
olur. Zəruri bərk rejim dövləti və dövlətçiliyi qoruyur. İkincisi isə şəxsin
xarakterinə bağlı olur. Şəxsin psixi portreti diktatura və avtoritarlıq üçün şərait
yaradır. Cəmiyyət və xalq üzərində qatı idarəçilik hərisliyi, hakimiyyətbazlıq
xüsusiyyətləri məhz sərt rejimləri meydana gətirir. Birinci məsələdə dövlət və
cəmiyyət inkişaf məruz qalırsa, ikinci məsələdə bu, daha çox cəmiyyətin
dağılması və xəstələnməsi ilə nəticələnir. Zəruri bərk rejimlərdə şəxs öz
xislətini ümumi mənafe səviyyəsinə endirir. Digər formada isə şəxs ümumi
mənafeni şəxsi mənafe bucağından axtarır.
Sərt rejimlər nə üçün uzun müddətə yaşaya bilmirlər
Postsistemlilikdən yaranan bərk rejimlər (buna bəzən zəruri forma kimi
demək olar) bir müddətdən sonra sistemliliyi yaradırlar. Bu zaman dövlət öz
inkişaf axarına düşür. Cəmiyyət stabilləşir, tərəqqi əldə olunur. Sistem fayda
verir, inkişaf və zaman bir-birini tamamlayır. Yəni, zaman uyğun bəzi
nailiyyətlər əldə edilir. Bərk rejimləri lazmi resurslar (artan resurslar) artıq
yumşaq rejimlərə çevirə bilirlər. Burada təbii və liberal əvəzlənmə yaşanır.
Demokratiyanın liberal üsül idarəsi meydana gəlir. Buna görə də bərk rejimlər
liberal rejimlərlə əvəzlənən
və dağılan xarakterli olurlar. Dağılan rejimlər
isə birbaşa şəxsin və ya da qrupun şəxsi maraqlarına cavab verəcək əsasda
olur. Dağılan rejimlər sabitliyi əsas məqsəd kimi götürüb, lakin sonda liberal
ə
saslarla əvəzlənməyən məzmunlu olurlar. Belə rejimlər eləcə də şəxsi
maraqlara cavab verib sonda resurs çatışmazlığından, təzyiqlərin mövcud
hərəkət məkanını üstələməsindən meydana gəlir. Hakimiyyət cəmiyyəti və
xalqı o qədər sıxır ki, sərbəst hərəkət məkanı ilə mövcud məkan arasında
disbalans meydana gəlir.
Bu anda rejimlər bərkləşir. Bərk rejimlər uzun
müddətə kök salanda etirazçı qüvvələr ortaya çıxır. Bu, əsasən resursların
qeyri-bərabər paylanmasından meydana gəlir. Etirazçı qüvvələr nümayişlər,
mitinqlər, yürüş və piketlər təşkil edirlər. Eyni zamanda müxtəlif tədbirlərə əl
89
atırlar və yığıncaqlar təşkil edirlər. Etirazçı qüvvələr inqilaba da əl atırlar.
Rejimlərin devrilməsi məsələsi gündəliyə gəlir. Bir çox hallarda vətəndaş
müharibələri ilə nəticələnmələr meydana gəlir.
Sərt rejimlər xalqla və əks qüvvələrlə dialoqu yarada bilmirlər. Onların
birtərəfli hakimiyyəti inkişafın birtərəfliliyini özündə əks etdirir. Bərk
rejimlərdə xalqın maddi və fiziki vəziyyətləri bir-birilərini tamamlaya bilmir.
Daha doğrusu, bu iki tərəfi vəhdətləşdirmək və cəmiyyəti sabit saxlamaq üçün
lazımi vəsaitlər çatışmır.
Parlament fəlsəfəsi və parlamentdə təmsilçiliyin əsasları
Dövlət özü dərin və pozitiv, yəni müsbət məzmunlu bir qurum
olduğundan, onun tərkib elementlərindən, hakimiyyətinin əsaslarından biri
olan parlament də öz fəlsəfi məzmununa və xidmətlərinə görə dərindir,
pozitivdir. Parlamentin yüksək səviyyəsi, pozitiv fəlsəfi mənası bu qurumun
fəaliyyətinin xalqın iradəsi ilə yüksək vəhdətində əks olunur. Xalqa yüksək
səviyyədə xidmət edən parlament özündə ideal-praktik dövlətin məzmununu
cəmləşdirir. Parlament cəmiyyətin, dövlətin və xalqın nəbzini müəyyən edir və
tələblərə və şəraitə müvafiq qanunlar və qərarlar qəbul edir. Bu istiqamətdə
parlamentdə qanunçuluq, hüquqçuluq prinsipləri ilə zamanın tələblərinə cavab
verən siyasət formalaşır. Parlament özünü cəmiyyətin dövlətlə bağlılığı
rolunda ifadə edir və cəmiyyətin, xalqın vəziyyətini dövlətə çatdırır. Parlament
dövlətin icra və məhkəmə hakimiyyəti üçün tələblərə müvafiq qanunlar qəbul
edir. Bu hüquqi-normativ aktlar bütün hakimiyyətin fəaliyyət və bundan irəli
gələrək tənzimləmə funksiyasını təmin edir. Parlament dövlətin siysət və onun
mexanizm yolu olan hüquq sisteminin formalaşmasında əvəzsiz rol oynayır.
Güclü dövlət öz resurslarını qanuni əsaslarla tənzim edən dövlət olur. Bu
aspektdə zamanın tələblərinə uyğun standartlarda hazırlanan qanunların
zəruriliyi amili ortaya çıxır. Artan və yeni təsirlərə məruz qalan resurslar yeni
qanunların qəbulu məsələsini zəruri edir. Yeni qanunlar da resurslardan yeni
istifadəni şərtləndirir. Bu istiqamətdə parlamentin yüksək qanunçuluq
səviyyəsi mühüm şərtidr. Parlament həm də dövlətin ictimai-siyasi
strukturunun vəhdətləşməsini təmin edir. Belə ki, ictimaiyyət nümayəndələri
parlamentdə artıq siyasi fiqurlar rolunu oynayırlar. Onlar dövlət-cəmiyyət;
xalq-cəmiyyət;xalq-dövlət birliyini yaradırlar.
Yüksək dövlət, ali hüquqi dövlət xalqın ali mədəniyyətinin tərkib
hissəsidir, həm də nəticəsidir. Parlament də ali mədəniyyətin formalaşdığı
məkanlardan biridir. Parlament xalqın siyasi və ictimai şüur səviyyəsinin
təşəkkül tapdığı məkanlardan biridir. Hər bir xalq öz ictimai və siyasi
mədəniyyətinə görə hakimiyyətini, bu baxımdan da parlamentini formalaşdırır.
Parlament digər hakimiyyət qolları ilə yanaşı, xalqın dövlətçilik dəyərlərini
özündə ehtiva edir. Xalqın ictimai və siyasi təşkilatçılıq qabiliyyəti həm də
Dostları ilə paylaş: |