61
siyasətini gücləndirməli, inkişaf etməli, təkmilləşməli və bu baxımdan da
regiondakı güc mərkəzlərinin “məngənəsində” sıxılmamalıdır.
Suriya üzərində yaranmış mövcud vəziyyət dünya siyasətinin qlobal
formada gələcək gedişatında hansı dəyişiklikləri yaradacaq
İlk növbədə qeyd etmək lazımdır ki, ABŞ-ın Suriyaya hərbi
müdaxiləsinin Rusiya tərəfindən qarşısının alınması, Suriyanın kimyəvi
silahları üzərində beynəlxalq nəzarətin yaradılmasına dair ABŞ-Rusiya
razılaşması, kimyəvi silahların ləğv edilməsi layihələri geniş spektlər
baxımından Rusiyanın postsovet məkanına, ilk növbədə Azərbaycana
gələcək aqressiv münasibətlərinin qarşısını almış oldu. Əks təqdirdə, belə
qəbul etmək olar ki, Suriyada öz mövqeyini itirəcək Rusiya üçün Azərbaycan
(postsovet məkanının tərkib ünsürü olaraq) təzyiq obyektinə çevriləcəkdi.
Ümumiyyətlə, yaxın və orta müddət üçün hansı hadisələr gözlənilir
İlk olaraq belə qənatə gəlmək olar ki, Suriya hadisələri ilə dünya
siyasətinin qlobal məzmununda da yeni başlanğıc meydana gəlmiş oldu. Bu
başlanğıc çəki hesabı ilə ən çox Rusiya tərəfə sərf edir və regionda (Aralıq
dənizi regionunda) Rusiyanın strateji maraqlarının böyüməsinə xidmət
göstərmiş olacaqdır. Bu dəyişə biləcək geosiyasi nəticələri yaxın və orta
müddətli gələcək üçün, regional və qlobal məzmun etibarilə konkret şəkildə
aşağıdakı şəkildə izah etmək olar:
-Suriya hadisələri dünya siyasətində (həm də güclərin beynəlxalq
münasibətlərində) bipolyarlığın (geostrateji aspektlərdə), yəni iki hərbi-
siyasi
qütblülüyün
təkrar
olaraq
meydana
gəlməsinin
əsaslarını
möhkəmlədəcək, Rusiya-ABŞ siyasi (hərbi-iqtisadi gərginliklə müşahidə
olunan) qarşıdurması və rəqabət mübarizəsi güclənəcək;
-Türkiyənin orta müddətli gələcək üçün NATO-dan çıxmasının geniş
əsaslarını yaradacaq;
-Türkiyənin Rusiyanın dəstəyi ilə regional hərbi-siyasi gücə
çevrilməsinin əsasları daha da möhkəmlənmiş olacaq;
-Türkiyənin Rusiya ilə ikitərəfli əsaslarla, eləcə də məkan baxımından,
regionda siyasi yaxınlaşmasının geniş əsasları formalaşacaq;
-Suriyadan istifadə etməklə Rusiya Türkiyəni öz tərəfinə çəkəcək və bu
dövləti islam-türk dünyasının orta mərkəzi dövlətinə çevirməyə çalışacaq;
-Rus-slavyan dünyası ilə türk-müsəlman dünyası arasında bağlılığı
meydana gətirəcək;
-Suriyaya dəstək Rusiyanın islam dünyasında nüfuzunu daha da
gücləndirəcək və Rusiyanın mərkəzində islam amilinin rolu artacaq.
Slavyanları müsəlmanlarla daha da yaxınlaşdıran amilə çevriləcək;
-Rusiyanın aralıq dənizində rolu güclənəcək;
62
-Aralıq dənizində (Suriya hissəsində) Rusiyanın hərbi-dəniz gücü
artacaq;
-Rusiyanın “dünya gücü” statusu artacaq və bu da postsovet məkanını
daha da Rusiyaya yaxınlaşdıracaq və bu məkanda orta müddətli gələcək üçün
Rusiya Avropa İttifaqına bənzər bir qurumu yarada biləcək;
-Rusiyanın dünyada gücünün artması Avropa İttifaqının özündə belə
çatları əmələ gətirə biləcək və slavyanların bu qurumdan gələcəkdə Rusiya
ətrafında birləşməsinə gətirib çıxara biləcək;
-Rusiyanın dünyanın digər məkanlarında da ABŞ-la rəqabət (geostrateji
aspektlərdə) mübarizəsinə qoşulmasına səbəb verə biləcək və s.
Beynəlxalq təhlükəsizliyə yeni təhdidlər fonunda NATO-nun rolunun
müəyyən olunması
(Qüvvələr balansının dəyişməsi şəraitində və yeni çağırışlar
kontekstində)
İnsan hüquqlarının şəraitin və zamanın tələblərinə uyğun şəkildə təmin
olunması, qorunması və müdafiəsi dövlətlərin üzərinə düşən milli və bəşəri bir
öhdəlikdir. İnsan hüquqlarının təmin olunması, maddi resurslarla və onların
ədalətli bölünməsi ilə yanaşı, dövlətlərin və cəmiyyətlərin təhlükəsizliyindən,
milli və beynəlxalq sabitlikdən çox asılıdır. Dövlətlər öz vətəndaşlarının
təhlükəsizliklərini həm daxili, həm də xarici siyasətlərində təmin etmiş olurlar
və bu siyasətin yüksək səviyyədə icrasını əsas məqsədlər və vəzifələr kimi
qarşıya qoyurlar. İnsan hüquqlarının təminatı beynəlxalq münasibətlərin əsas
obyektinə çevrilir, beynəlxalq münasibətlərin vəzifələri, məqsədləri və
öhdəlikləri məhz insan hüquqlarını obyekt kimi müəyyən edir. İnsan
hüquqlarının qorunması zərurəti milli və beynəlxalq siyasətin vəhdətini zəruri
edir. Siyasətin pozitiv mahiyyəti də onun məqsədinin pozitivliyindən doğur.
Qlobal inkişafın meydana gətirdiyi zəruri hallardan irəli gələrək, eləcə də
geosiyasi maraqlar uğrunda aparılan radikal və sərt mübarizələrdən ortaya
çıxaraq, dünya siyasətində tez-tez elə məqamlara rast gəlinir ki, dövlətlər
maraqlarını təmin etmək siyasətlərini həyata keçirərkən, ortaya çıxan
təhdidlərə görə ayrı-ayrı regionlarda təhlükəsizliyin pozulması şəraiti ilə
üzləşirlər. Böyük dövlətlərin geosiyasi baxımdan böyümə siyasəti, eləcə də
kiçik dövlətlərin zəifliyi, müqavimət potensiallarının aşağı olması hər iki tərəf
üçün təhülkəsizlik təhdidlərini meydana gətirir. Böyük dövlətlərin böyümək
istəkləri və radikal addımları kiçik dövlətlərin əks müqavimətləri ilə üzləşir və
nəticədə təhülkəsizlik fonunda dəyişikliklər meydana gəlir.
İnsan hüquqlarının qorunması, hüquqların müdafiəsi vəzifələri dövlətlərin
təminat və təhlükəsizliyi təmin etmək fəaliyyətləri ilə paralellik təşkil edir və
sistemdaxili vəhdət məzmununu özündə əks etdirir. Bu gün dünya dövlətləri
öz vətəndaşlarının müdafiəsini, onların hüquqlarının təmin olunmasını həm