70
və sadəcə olaraq oyunların tərkibi olaraq qalmaqdadır. Ukrayna hadisələri
timsalında hərb və diplomatiya özü üçün predmet əldə edib.
Ukrayna-Rusiya hadisələri daha çox makro geosiyasətin, makro
maraqların tərkibidir. Rusiyanın regional taleyi bu məsələdə həll olunur.
Rusiya-Ukrayna
geosiyasəti.
Dünya
dövlətlərini
güclərinə
və
potensaillarına görə təsnif edərkən, onları şərti olaraq “mərkəzi” və “periferik”
statuslulara ayırmaq olar. Bu, geosiyasi reallıqlar prizmasından formalaşan bir
baxışdır. Mərkəzi dövlətlər periferik dövlətlərin üzərlərində daima nəzarət
etməkdə maraqlı olurlar ki, bu da özlüyündə dünyanın ərazilər üzrə nüfuz
dairələrinə bölüşdürülməsi siyasətinin təbii olaraq formalaşmasına gətirib
çıxarır. Formalaşma da sistemli və mərhələli xarakter kəsb edir.
Bu gün dünyada mərkəzi dövlətlər arasında periferik dövlətlərin
bölüşdürülməsi siyasəti, rəqabəti davam etməkdədir. Ola bilir ki, bu siyasət
açıq və aydın şəkildə aparılır, ola da bilir ki, lal formada (periferik dövlətlərin
başa düşəcəyi dildə yox) həyata keçirilir. Periferik dövlətlər isə seçim yolları
arasında qalırlar.
Geosiyasət və onun tərkib hissələri olan geostrategiya, geoiqtisadiyyat
və geomədəniyyət dünyanın böyük dövlətlərinin fəaliyyətlərinin əsas hissəsini
təşkil edir. Geosiyasət böyük dövlətlərin fəaliyyətini üfiqi və şaquli əsaslarla
genişləndirməni özündə əks etdirən bir canlı orqanizm aktlarından ibarət olur.
Geosiyasətin əsas obyekti sərhədlərdən, yəni dövlətin öz ərazisindən kənarda
formalaşır. Bu baxımdan da kənar dövlətlərin ərazi, əhali, iqtisadi, siyasi və
mədəni resursları və bu elementlərin qarşılıqlı əlaqələr formasını yaradan
sistemləri böyük mərkəzi dövlətlərin diqqət marağında olur. Böyük dövlətlər
çalışırlar ki, ətraf dövlətlərin geosiyasi elementləri üzərində təsirlər əldə
etsinlər və bununla da öz geosiyasi maraq məklanlarını böyütsünlər. Böyük
dövlətlər geosiyasi və geoiqtisadi maraqların genişlənməsi fonunda ətraf
dövlətlərin iqtisadi və siyasi sistemlərinə nüfuzlar etməkdə israrlı olurlar. Bu
baxımdan da dünyada “siyasi heliosentrizm” formalaşır.
Mərkəzi dövləti periferik dövlətə bağlayan bir çox amil mövcud olur:
coğrafi və siyasi məkan amili; sərhədlərin coğrafi istiqamətləri və əhatəliliyi;
periferik dövlətin o yan sərhədlərində hansı dövlətlərin yerləşməsi və mərkəzi
dövlətə qarşı o yan dövlətin münasibəti; periferik dövlətdə milli və etno-
mədəni amillərin həmahəngliyi; əhali potensialının mövcudluğu; iqtisadi
sistemlərin simmetirk xarakteri; dini amillər və dini inancların həmahəngliyi;
periferik dövlətin beynəlxalq münasibətlərinin əsas xarakteri; regionda və
regiondan kənarda beynəlxalq əlaqələrinin əsas xassələri; strateji məkan kimi
əhəmiyyəti və s. Bunlar iqtisadi, siyasi və təhlükəsizliyin təmin olunması
istiqamətləri üçün faydalıdır.
Periferik dövləti mərkəzi dövlətə bağlayan amillər də mövcuddur,
bağlayan tellər qarşılıqlıdır. Bura aiddir: zəngin iqtisadi potensial
(sərvətlərindən və iqtisadi sistemlərindən faydalanmaq); etno-milli və mədəni
71
amillər; dini amillər; coğrafi-strateji amillər; təhlükəsizliyin tərkibi olaraq
rəqabət fonunda sığınacaq subyekti amili və s.
Hər iki tərəf bu kimi aspektlərdən faydalanır və asılılıqdan qarşılılqlı
nəzarət meydana gəlir, qarışıq, uyğunlaşmış sistemlər üzərə çıxır.
Onu da etiraf etmək lazımdır ki, beynəlxalq münasibətlərin vasitələri elə
tellər yaradan zərurətdən formalaşır.
Vərdiş olunmuş əlaqələrdən tarazlıqlar (sabit sülh sistemləri) meydana
gəlir. Tarazlıqların pozulması isə əsasən periferik dövlətin öz “məkanını”
dəyişmək istəklərindən və hərəkətlərdən meydana gəlir. Bu həm də
“şıltaqlığın”, doğmalıqdan uzaqlaşmaq istəyinin nəticəsi olaraq meydana gələn
müvəqqəti halları özündə cəmləşdirir. Mərkəz-periferiya arasındakı çatlardan
istifadə edən digər mərkəzlər də rəqabət siyasətinin tərkibi olaraq
periferiyalardan istifadə etməyə çalışırlar və mərkəzin müstəvisini dağıtmaq
üçün siyasi manipulyasiyalara əl atırlar.
Rusiya və Ukrayna arasında olan tarixi və mövcud əlaqələr də məhz
mərkəz-periferiya əlaqələrinə xarakterik olan xüsusiyyətlər üzərində qurulur.
Rusiya böyük dövlət olaraq Ukraynanın bütün geosiyasi elementləri
üzərində əhatəli nəzarətə sahib olmaqda israrlıdır.
Ukraynanın Rusiya üçün əsas əhəmiyyəti:
-dövləti təşkil edən elementlərin eynikökənli, eyni mədəniyyətli və eyni
dinli olması və bu amilin Rusiyanı Şərqi Avropaya doğru genişləndirməsi
faktoru. Arta bilən müstəvi bütövlüyünün Rusiya üçün geosiyasi faydası.
Ukrayna Rusiyanı bütövləşdirir;
-Ukraynanın əhali potensialı –bu amil də ölkəni Rusiya üçün əlavə resurs
və arxa dayaq elementinə çevirir;
-Ukraynanın Rusiya üçün Avropaya və Avropada dislokasiya olunan
ABŞ-a qarşı münasibətdə və əlaqədə “sanitar kordon” rolunu oynamaq
potensialı-bu, həm də sərhəd təhlükəsizliyinin ən böyük faktorudur;
-Ukrayna Rusiyanı Avropaya dartan ən böyük potensialdır-tranzit
baxımından;
-Qara dəniz akvatoriyasına çıxş imkanlarının genişlənməsi və dənizətrafı
ərazilər üzərində nəzarət punktlarının artması və s.
Mövcud böhranın həlli yolları:
Böhranın həlli tarazlaşdırılmış yeni siyasi sistemlərin formalaşmasına
hesablanmalıdır. Bu da özlüyündə sülhün bərqərar olmasına xidmət etməlidir.
-Ukraynanın təkrar olaraq beynəlxalq bitərəf statusunun formalaşması,
ümumiyyətlə, pozulmaması-Rusiya Ukraynanın NATO-ya üzvlüyündən
arxayın olur, təzyiqlər azalır;