281
Kommunizmin diqqət və qayğısı barədə
Bu, bir faktdır ki, kommunizm insanların ruhunu bir-birinə
köməyə, yardıma səsləyib. Əməyin bölgüsü sayəsində
insanlarda kollektiv məşğuliyyəti yaradıb. Kommunizmdə
dövlət və cəmiyyət fərdin diqqət və qayğısını çəkib. Fərdə və
onun keyfiyyətlərinə önəm verib. Fərdin keyfiyyətlərindən həm
fərdin özü, həm də cəmiyyət üçün istifadə edib. Fərdin
keyfiyyətlərini
paylayıb, mübadilə edib. Kommunizm
cəmiyyətlərdə fərdləri qoruyub. İnsanlara dəyərli elementlər
kimi baxıb. Kommunizm fərdi tək buraxmayıb, onu əhatə edib.
Fərdin şəxsiyyət kimi yetişməsi üçün qapılar açıb.
Kommunizm cəmiyyətlərində şəxsiyyətin düşüncələrində
insan amili əsas obyekt olub. İnsanın cəmiyyətdə rolu, insanın
cəmiyyətdə mövqeyi kommunist ziyalının, elm adamının,
filosofun, ədəbiyyatçının analiz predmeti olub. Kapital
cəmiyyətlərində isə dövlət hakimiyyətini, ziyalını, elm
adamlarını, hətta sadə vətəndaşı belə daha çox kapital
düşündürür. Kapital üzərində həddən ziyadə yüklənmə isə
həyatın tarazlığını pozur.
Kommunizmdə
insanlıq
sadəlik,
təvazökarlıq,
mənəviyyatın digər tərkib elementləri daha çox qorunub. İnsan
daima əxlaqlı yaşamağı üstün tutub. İnsan öz şəxsiyyətinə
önəm verib, mənəvi aləmini zəngin edib.
Kommunizmdə insan yaradıcılığı insanlığı tərənnüm edib.
Yaradıcılıq haqqı, ədaləti, estetik duyumu və mənanı öndə
görüb. İnsan və onun qabiliyyəti kommunizmin ön xəttini
təşkil edib. Bu ideya cəmiyyətdə ümumi ideallar, bəşəri
ideallar
və amallar uğrunda mübarizəni, fəaliyyəti təmin edib.
Kommunizmdə vicdan insan mərhəmətinin ana xəttini
təşkil edib. Bununla da kommunizm dini əxlaqi keyfiyyətləri
özündə daşıyan ideyalar konsepsiyası olub. Kommunizmdə
insanlığa inanc hissləri güclü olub. Bəşəriyyətin öz daxilinə
inam xüsusi hisslərin əsasında qərarlaşıb.
Yazılma tarixi-29 avqust 2017-ci
il