Elvin Luku Talk show në peizazhin televiziv shqiptar
Yüklə 4,83 Kb. Pdf görüntüsü
|
- Bu səhifədəki naviqasiya:
- Foto nr.12 Johnny Carson në The Tonight show 224
- 1.2.2.2 Rivaliteti për shikueshmëri në talk show-n argëtues të mbrëmjes
Elvin Luku Talk show në peizazhin televiziv shqiptar 67 Një vit më vonë Carson nis bashkëpunimin me televizionin KNXT, të rrjetit CBS. Ai spikat me monologun dhe skeçet satirike në seritë Carson’s Cellar, fama e të cilit bëri që komediani të ketë një spektakël-variete 30 minutësh në CBS, The Johnny Carson Show. 220 Por kjo eksperiencë nuk rezultoi e suksesshme për Carson, dhe programi u mbyll pas 39 javësh, për shkak shikueshmërisë së ulët. 221 Pas largimit nga CBS, dhe një eksperience si tekst shkrues për programin Red Skeleton Show, është rrjeti tjetër prestigjioz, ABC që i ofron Carsonit game show-n, Who do you trust?, të cilin e drejtoi që nga viti 1957 deri në 1962, para kalimit në Tonight show në NBC. 222 Ish shefi ekzekutiv i NBC-së, David Tebet dhe kreu i programacionit Mort Werner, tregojnë se vendosën ta marrin Carson pasi panë me sytë e tyre sesi ai arrinte të ekzaltonte publikun në studio. “Publiku në sallë shpërtheu nga të qeshurat, ata ulërisnin e bërtisnin si të ishin në një stallë kafshësh”, - deklaron Tebet. Pas kësaj, NBC i ofroi Carsonit një kontratë prej 100 mijë $ në vit. 223 Foto nr.12 Johnny Carson në The Tonight show 224 Tonight show me Johnny Carson nis transmetimin më 1 tetor 1962. 225 Nën drejtimin e Carson programi kishte më shumë elemente të spektaklit në raport me paraardhësin e tij Jack Paar. Sipas studiuesit Paul Corkery, Tonight show me Johnny Carson ndërthuri monologun tradicional 15 minutash me një intensitet prej 16-22 barsoletash, me skeçet e huazuara nga Steve Allen, lojërat prej prestigjatori të cilat i realizonte vetë në Who do you trust?, të ftuar që promovonin libra e ide si në formatin Today show, batuta me audiencën dhe pjesë muzikore si rubrika tradicionale të Tonight show. 226 220 Joel Sternberg, “Johnny Carson: U.S. Comedian/talk show host”, Museum of Broadcast Communication, Chicago, http://www.museum.tv/eotv/carsonjohnn.htm (15.02.2015) 221 B. M. Timberg & R. J. Erler, op.cit., f. 58 222 Joel Sternberg, “Johnny Carson: U.S. Comedian/talk show host”, Museum of Broadcast Communication, Chicago, http://www.museum.tv/eotv/carsonjohnn.htm (15.02.2015) 223 B. M. Timberg & R. J. Erler, op.cit., f. 59 224 Foto nr.12 e shkëputur nga "Here's Johnny! The Making of The Tonight Show: The Definitive Collection 12 DVD set", October 2016 225 Vincent Terrace, Encyclopedia of Television Shows, 1925 throught 2007, Volume 4, McFarland, 2008, f. 1548 226 B. M. Timberg & R. J. Erler, op.cit., f. 59-60 Elvin Luku Talk show në peizazhin televiziv shqiptar 68 Në një analizë të saj në maj të vitit 1965 revista Time shkruante se “emocioni i Paar e bënte talk show-n ndjellësin më të madh të pagjumësisë, pas kafeinës. Por humori i këndshëm i Carson ishte ai që krijonte varësi. Paar gjeneron interes, por Carson shihet më shumë”. 227 Në fakt impakti i Carson në të dhënat e shikueshmërisë ishte i menjëhershëm. Në gjashtë muajt e parë të transmetimit ai kalon 7.5 milion shikues, që ndiqnin Paar. Në vitin 1971-72 audienca u ngrit në 11.4 milion shikues, për të kaluar në 17.3 milion shikues në sezonin 1977- 78. 228 Arsyet kryesore të këtij suksesi janë aftësia komunikuese e Carson me publikun në studio dhe jashtë saj, loja aktoriale me kamerën dhe distancimi i tij për të mbajtur qëndrime politike. Carson hyn në Tonight show si ylli i mbrëmjes pas prezantimit të bandës e të ftuarve nga anonçuesi Ed McMahon, i cili thërret: “Heeeeere’s Johnny!”. Carson futet në skenë me një kantilenë falenderuese për këtë pritje dhe bëhet menjëherë njësh me audiencën, duke e konsideruar veten si një prej tyre. 229 Sikurse evidenton studiuesi Bernard Timberg se në rastin e Carson, ndryshe nga Letterman, kamera xhiron lojën aktoriale të tij, por nuk bëhet pjesë e saj. Ajo qëndron e fiksuar përballë Carson, ndërsa ky i fundit komunikon vetëm me audiencën duke shmangur shikimin nga kamera. Komunikimi vertikal i kamerës kompensohet nga intimiteti që Carson krijon me publikun në studio. Elementi i tretë është kontrolli që Carson kishte në pjesët humoristike, çështjet sociale dhe politike që trajtoheshin në studio. Në një intervistë për gazetarin Alex Haley, Carson ka thënë se ka mësuar që të mbajë për vete opinionin e tij për çështje politike dhe bindjet e tij të mos ndikojnë në program. 230 1.2.2.2 Rivaliteti për shikueshmëri në talk show-n argëtues të mbrëmjes Thuajse të gjithë rivalët e Johnny Carson në spektaklin e mbrëmjes kishin patur më parë një bashkëpunim me Tonight show, si të ftuar apo tekstshkrues. Rrjeti “ABC” vendosi përballë Carson komedianin Joey Bishop. Ky i fundit ishte mjaft aktiv në klubet e humorit dhe kishte spikatur si i ftuar në programin Tonight show, si në kohën kur këtë talk show e drejtonte Jack Paar, ashtu dhe me Johnny Carson. 231 Por ky program ishte jetëshkurtër (1967-1969) për shkak të nivelit të ulët të audiencës. 232 Në Dhjetor të 1969, ABC zëvendëson Bishop me David Cavett. 233 I diplomuar për dramë në Universitetin e Yale, Dick Cavett spikati në radhët e tekstshkruesve për programet The Jerry Lewis Show dhe The Tonight Show me Jack Paar. Ai nis karrierën e tij si moderator në talk show-n This Morning në ABC. Të dhënat e shikueshmërisë dhe kritikët e vlerësuan emisionin si tepër të rëndë për fashën orare të mëngjesit duke e zhvendosur atë në prime time, përballë Johnny Carson. 234 227 Joel Sternberg, “Johnny Carson: U.S. Comedian/talk show host”, Museum of Broadcast Communication, Chicago, http://www.museum.tv/eotv/carsonjohnn.htm (15.02.2015) 228 Kenneth Tynan, “Fifteen years of the salto mortale”, The New Yorker, February 20, 1978, http://www.newyorker.com/magazine/1978/02/20/fifteen-years-salto-mortale?printable=true (15.02.2015) 229 B. M. Timberg & R. J. Erler, op.cit., f. 60-61 230 Ibid., f. 61-62 231 Ibid., f. 73-75 232 Vincent Terrace, Encyclopedia of Television Shows, 1925 throught 2007, Volume 2, McFarland, 2008, f. 785 233 Ibid., f. 382 234 Dick Cavett, The Biography.com , 2015, http://www.biography.com/people/dick-cavett-9242278 (15.02.2015) Yüklə 4,83 Kb. Dostları ilə paylaş:
|