Elvin Luku Talk show në peizazhin televiziv shqiptar
Yüklə 4,83 Kb. Pdf görüntüsü
|
Elvin Luku Talk show në peizazhin televiziv shqiptar xii edhe për televizionet në treg. Ne kemi mundur të marrim nga "Abacus Research" vetëm një periudhë të shkurtër kohore me të dhënat e audiencës mbi emisionet talk show në Shqipëri. Studimi mbi talk show-n si gjini televizive ka patur një ndikim të jashtëzakonshëm në formimin tim. Kërkimi ka bërë të mundur të njihem në hollësi me historikun e televizionit dhe këtij zhanri televiziv në SHBA dhe në Shqipëri që nga fillesat, konsolidimi e deri te evoluimi i këtyre programeve. Gjithashtu kam patur mundësinë të shfletoj një literaturë të pasur me autorë vendas e të huaj nga fusha e medias vizive e asaj të shkruar, studiues të filozofisë dhe sociologjisë së komunikimit, të cilët e analizonin talk show-n si gjini nga këndvështrime të ndryshme. Natyra e këtij studimi ka sjellë nevojën e realizimit dhe ndërthurjes së disa lloje përqasjesh, si ato historike, krahasuese, cilësore e sasiore duke më shtyrë në hulumtime të dokumenteve arkivore, intervistave, anketimeve e monitorimit të programeve talk show. Nga ana tjetër ky studim jo shterues mbi gjininë talk show më ka orientuar drejt kërkimit të tipologjive të reja të këtij zhanri në Itali, Francë, Spanjë, Britani, Gjermani apo vendet e Amerikës Latine të cilat ofrojnë elemente specifike që lidhen edhe me kontekstet sociale e politike. Këto modele mund të jenë shtysa e një botimi të ri në të ardhmen. Elvin Luku Talk show në peizazhin televiziv shqiptar xiii Hyrje Talk show është një nga gjinitë më të suksesshme televizive në Shqipëri. Ato zënë kohën më të madhe në programacionet e televizioneve në vend, krahasuar me emisionet e tjera, madje dhe transmetimet në prime time. Këto formate trajtojnë në formë bisedash, monologësh, intervistash apo debati, shpesh herë edhe me nota humori, temat sociale, politike, ekonomike e sportive që prekin interesin e gjerë të opinionit publik. Nga ana tjetër, publiku i kërkon dhe i "konsumon" këto programe. Ai mund të bëhet pjesë e diskutimeve të emisioneve talk show si audiencë aktive në studio ose jashtë tij, përmes mesazheve në aparatet celularë dhe rrjeteve sociale. Duke parë rëndësinë e këtij zhanri dhe ndikimin e madh në shoqëri, qëllimi i këtij punimi me temë "Talk show në peizazhin televiziv shqiptar" është të evidentojë nivelin e zhvillimit të këtyre formateve në median televizive shqiptare, ndikimin e tyre në tregun mediatik, interaktivitetin me publikun, marrëdhënien me mediat e reja, ndikimin e programeve talk show në shoqëri dhe zhvillimin e demokracisë. Në këtë pikëpamje kërkimi është një përpjekje për të sjellë një qasje të re në lëmin e analizave mbi televizionin si media e komunikimit masiv në vend, duke e parë atë përmes gjinisë talk show. Deri më tani, autorë e kërkues në Shqipëri kanë kryer analiza për programe të veçantë variety, talk apo reality show, por asnjëherë një kërkim mbi talk show-n si gjini televizive. Këtu qëndron një tjetër risi e këtij punimi. Nisur nga qëllimi i studimit janë ngritur disa pyetje kërkimore, të cilat synojnë të zbulojnë më shumë rreth gjinisë, historikut të formatit, nivelit në të cilin janë programet talk show në vend dhe ndikimit të tyre në shoqëri, si: 1. Çfarë janë programet talk show? 2. Cilat janë tipologjitë dhe karakteristikat universale të kësaj gjinie? 3. A ka specifika talk show në Shqipëri dhe cilat janë ato? 4. Kush janë emisionet e para talk show në Shqipëri, si nisën ato? 5. Pse programet talk show janë kaq të përhapura në televizionet shqiptare? 6. Cilat janë arsyet që programet talk show mbulojnë prime time-in, që është dhe fasha më e shtrenjtë në programacionin e televizionit? 7. Sa fitimprurëse janë këto emisione? 8. Si qëndron raporti mes gjinisë talk show dhe kanalit televizion? 9. Çfarë hapësire u krijohet publikut në studio dhe jashtë tij në këto emisione? 10. Cili është ndikimi i këtyre emisioneve në shoqëri dhe nivelin e demokracisë në vend? A mund të flasim për teledemokraci? Këto pyetje kërkimore sollën në formësimin e hipotezës së kësaj teze doktorate sipas të cilës, së pari, programet talk show sjellin një demokratizim të tematikave dhe të kodeve televizive të komunikimit duke ndërtuar në mënyrë specifike një hapësirë televizive debati dhe diskutimi, dialogu dhe bashkëveprimi brenda dhe jashtë studios, mes producentëve dhe të ftuarve, mes studios dhe publikut të gjerë. Këto teknika të prodhimit televiziv, nga njëra anë, ndërtojnë emisione të këndshme dhe me shumë interes për publikun dhe, nga ana tjetër, kontribuojnë ndjeshëm në kulturën e debatit në shoqëri, afrojnë audiencën në forma transparence dhe provokative, personazhe publike dhe politike, ku moderatori simbolikisht zë vendin dhe përfaqëson shikuesin, duke e vendosur këtë të fundit përballë përfaqësuesve të elitave. Në këtë Yüklə 4,83 Kb. Dostları ilə paylaş:
|