Elvin Luku Talk show në peizazhin televiziv shqiptar
22
1.1.1.1 Moralistët dhe postmodernistët
Në përqasjen teorike me titull "Talking about talk", Profesor Andrew Tolson sjell debatin
e studiuesve që i përkasin rrymave të ndryshme të mendimit filozofik. Debati i parë i
rëndësishëm është ai mes autorëve postmodernistë dhe moralistë. Këta të fundit, të përfaqësuar
nga
Abt dhe Seesholtz, në esenë e tyre "The shameless World of Phil, Sally and Oprah:
Television talk shows and the deconstructing of society", ngrenë dy shqetësime: E para, se talk
show shkatërron normat tradicionale shoqërore, kufirin
mes normales dhe deviantes, publikes
dhe privates, reales dhe trillimit. Sipas tyre duke rrëzuar këto kufij talk show televiziv krijon një
shoqëri problematike, të papërgjegjshme për detyrimet personale e sociale, të domosdoshme për
jetesën në komunitet.
1
Argumenti i dytë lidhet me faktin se komunikimi në këto programe është mediokër,
ndërsa rrëfimi publik i jetës personale mund t'i dëmtojë ata në të ardhmen.
2
Përballë mendimit të Abt dhe Seesholtz, profesor Tolson vë dy studiues të tjerë, Davis
dhe Mares. Këta të fundit, në punimin e tyre "Effects of talk show viewing on adolescents",
shtrojnë katër çështje në një anketim me një kampion prej 282 gjimnazistësh në Karolinën e
Veriut.
3
E para, lidhet shqetësimin se talk show mund të sjellë humbjen e sensit të realitetit te
audienca, kryesisht adoleshentët; e dyta, shikuesit mund të humbasin ndjeshmërinë ndaj
konflikteve dhe vuajtjeve njerëzore; çështja e tretë konsiston në atë se audienca mund të jetë më
e prirur të kenë gjykime sipërfaqësore rreth problemeve komplekse sociale, dhe, e katërta, ngrenë
supozimin se nëse shikuesit, që e kuptojnë trillimin dhe spektaklin në talk show, a janë më të
prirur që të mos kenë qasje kritike ndaj këtyre ngjarjeve?
Rezultatet e anketimit të tyre dëshmuan se vetëm hipoteza e parë, sipas të cilës "talk
show-t mund të shkaktojnë shpërqendrim dhe adoleshentët janë të prirur që të humbasin sensin e
realitetit", vlen në rastin e këtyre programeve. Ndërsa supozimit rreth nivelit të ndjeshmërisë,
sondazhi dëshmoi të kundërtën, se personat që ndiqnin rregullisht këto emisione ishin më të
prirur të trajtonin me seriozitet problemet e tyre. Pra, jo vetëm që normat shoqërore dhe gjykimi
moral nuk cenohen, sikundër pretendonin Abt dhe Seesholtz, por ato forcohen më shumë nga
programet talk show.
4
Por ky studim i Daves and Mares, shkruan profesor Tolson, pavarësisht se rrëzon efektet
negative të pretenduara nga autorët konservatorë, nuk i rrëzon tezat e autorëve të tjerë, përfshi
këtu
dhe ata postmodern, si Wayne Munson, për ndikimin kulturor që programe të tilla talk show
kanë në shoqëri. Duke cituar Munson në librin e tij "All talk: The talk show in media culture",
Tolson evidenton se argumentet e postmodernistëve janë të ngjashëm, deri diku, me ato
konservatorë, ndërsa evidenton se këto lloj programesh, për shkak të elementit jetësor të
spontanitetit, janë produkte që krijojnë destabilitet:
1
Andrew Tolson, “Talking about talk: The Academic Debates”,
Television Talk Show: Discourse, Performance,
Spectacle, New Jersey: LEA, 2001, f. 9
2
Ibid.
3
Stacy Davis and Marie-louise Mares, “Effects of Talk Show Viewing on Adolescents”,
Journal of
Communication, August 1998, f. 75 (Shënim. Autorët plotësuan 292 anketime në dy gjimnaze, një publik dhe një
privat në Karolinën e Veriut. 10 prej formularëve ishin të paplota, për këtë arsye në final studimi u bazua në
përgjigjet e 282 gjimnazistëve, prej të cilave 57% ishin femra. Nxënësit ishin të moshave 13-18 vjeç).
4
A. Tolson, “Talking about talk: The Academic Debates..., f. 10
Elvin Luku Talk show në peizazhin televiziv shqiptar
23
Paparashikueshmëria është thelbësore për një talk show të suksesshëm, i cili në të njëjtën
kohë krijon destabilitet për shkak të kaosit që krijon e folura spontane në raport me atë me
skenar. Talk show-t radiofonik, ashtu si ato televiziv, janë kthyer në një paradigmë për
spektatorin mediokër, që trajtohet si mall dhe ku ky i fundit i përgjigjet kushteve të reja
postmoderne ku kjo gjini luhatet. Ato riprodhojnë kulturën e konsumit...
5
Munson vijon argumentin e tij duke thënë se këto programe e kthejnë personalen në
spektakël, në një kohë që fokusi duhet të jetë e mira publike:
Talk show-t me telefonata shfrytëzojnë për spektakël publik historitë private të njerëzve,
ndonëse në njëfarë mënyrë telefonuesi është anonim, i fshehur pas aparatit të telefonit. Ato
kthejnë në të njëjtën kohë spektaklin privat në një pasion publik. Ndërkohë që sfera publike
moderne ka rënë në një hulli të tillë, nocioni i të mirës publike dhe ajo e diskutimit të kulturuar
duhet të prevalojë. Në gjykimin tim ky është sensi në të cilin hapësira publike duhet të
zhvillohet.
6
Këtu Munson duket se është pranë idesë së studiuesit gjerman Habermas. Ai shkruan se
sfera e re publike ka krijuar, së pari, një mënyrë të re rrëfimi publik
e komunikimi, dhe, së dyti
një spektator të ri.
1.1.1.2 Nga postmodernizmi te hapësira publike
Autorë të hapësirës publike, mes të cilëve evidentojmë Paulo Carpignano, duke thirrur në
vëmendje teorinë klasike të Habermasit për sferën publike, si një diskutim racional, ngre këtë
pyetje: A kemi të bëjmë me një hapësirë të re publike?
Carpignano, në punimin e tij "Talk Television and the "Public Mind" (1990) pohon se
evoluimi i talk show-t ka krijuar spektator dhe kategori të reja të publikut. Ai shton se
performanca ndryshon nga format tradicionale teatrale. Kufijtë mes moderatorit, të ftuarit dhe
audiencës në studio janë thuajse inegzistente, kamera është gjithnjë e më shumë e lëvizshme dhe
dinamika është më e madhe. Për pasojë, përfshirja e publikut gjatë programit veç krizës së
formave tradicionale të teatralitetit, ka sjellë një hapësirë të re forumi që mundëson diversitetin e
zërave. Përfshirja e njerëzve të thjeshtë në formate të tillë është një sprovë dhe për statusin e
ekspertit.
7
Duke patur parasysh se kemi të bëjmë me një shikues të ri, Carpignano ngre pyetjen: Cila
është struktura e re e të folurës televizive? A flasin personazhet në publik atë që mendojnë
realisht apo ato janë aktorë ose interpretues të skenarit, që siç analizon studiuesi Goffman,
shërben si pikëmbështetje e ligjërimit tyre.
Livingston
dhe Lunt, autorët e librit "Talk on television: Audience, Partecipation and
Public Debate", theksojnë se veçanërisht në hapësirat publike, folësit ndryshojnë
pikëmbështetjen. Ata flasin herë në mënyrë institucionale e herë me fjalët e tyre. Dy studiuesit
shkruajnë se programet talk show shpesh herë përdorin përplasjen mes personave me status të
ndryshëm. Nga njëra anë publiku, që flet në vetën e parë, dhe, nga ana tjetër, ekspertët që flasin
në mënyrë institucionale:
5
Wayne Munson.
All talk: The talk show in media culture. Philadelphia: Temple University Press 1993, f. 45
6
Ibid., f. 152
7
A. Tolson, “Talking about talk: The Academic Debates..., f.14