Ağarəhim Əsərlər
81
lışmalardan da istifadə etmək olar. Məsələn, şagirdlər müəllimin tə-
ləbi ilə təşbeh yaradılmış cümlələri bədii materiallardan seçib köçü-
rürlər. Müəllim müsahibə vasitəsilə bənzəyəni, bənzədiləni və bən-
zətmə qoşmasını onlardan xəbər alır, yazı taxtasına bənzədilən söz-
lərin əvəzində nöqtələr qoyaraq Təyyarə... kimi şığıdı. Erməni za-
biti... kimi uladı. Tərlan... kimi oğlandı. Şaxtadan qızın yanaq-
ları... kimi qızdırmışdı və s. cümlələr və aşağıda istifadə olunacaq
lalə, ildırım, qızıl və canavar sözləri yazılır. Müəllimin tələbi ilə
cümlələr tamamlanıb köçürülür. Sinfə dağ kimi, quş kimi, buz
kimi, ayı kimi, bülbül kimi, dəniz kimi və s. bənzətmələr təqdim
olunur. Şagirdlər onları cümlə içərisində işlədərək köçürürlər və s.
Ümumiyyətlə, şagirdlərin bu sahədəki biliklərini möhkəmlən-
dirmək və təkmilləşdirmək məqsədilə aşağıdakı iş formalarmdan
istifadə olunmalıdır:
a) bənzəyənə əsasən bənzədiləni təsəvvürdə canlandırmaq və
onun nəyə necə oxşadılmasını izah etmək;
b) bənzədilənə əsasən bənzəyəni təsəvvürdə canlandırmaq və
onun nə dərəcədə oxşadıldığını müəyyənləşdirmək və söyləmək;
c) iki əşya, hadisə arasında müstəqil müqayisə aparmaq və onla-
rın ümumi əlamətlərindən ən qüvvətlilərini müəyyənləşdirmək.
Epitet məcazın ən sadə və tez anlaşılan növüdür. O, fıkri təxəy-
yülümüzdə canlandırmağa xidmət eden sözə bədiilik, əlvanlıq,
emosionallıq gətirir. Fikrin ifadəli və təsirli təzahürü üçün seçilmiş
epitet bəzən bədii təyinlər də adlanır. Deməli, başqalarından fərq-
ləndirmək və xüsusi çalarlıq yaratmaq baxımından sözə artırılan si-
fətlər (bədii təyinlər) epitetlərdir: məsələn, şeirdən alınmış:
Yeni həyat gətirdin sən
Yurdumuza əziz bayram
Gülər üzlü, şirin sözlü
Uşaqlardan sənə salam!
bəndində yeni, əziz, gülər üzlü, şirin sözləri, İ.Əfəndiyevin ―Ma-
raqlı hadisə‖ hekayəsində işlənən Ayı mehriban və qorxaq nəzər-
Ağarəhim Əsərlər
82
lərlə mənə baxırdı cümləsində mehriban və qorxaq, L.Voronko-
vanın ―Elin sərvəti‖ hekayəsində verilən Undan ətirli, dadlı, ağ
çörək bişirəcəklər cümləsində ətirli, dadlı, ağ sözləri epitetlərdir.
Epitetlər yalnız sifətlərlə deyil, cümlədə isim və zərflərlə də ifadə
olunurlar. Məsələn, Kamil mağazadan şəkilli kitab aldı. O, ma-
raqlı hekayə oxudu. Maşın sürətlə gedirdi cümlələrdə şəkilli sö-
zü isimdən, maraqlı sözü sifətdən, sürətlə sözü isə zərfdən əmələ
gəlmiş epitetlərdir. Epitetlərin gücü və onların yaratdığı təsirin
emosional çalarlığı özünü harada və necə işlənməsində tapır. Ye-
rində işlənməyən, hədəfə düzgün və sərrast tuşlanmayan epitet (bə-
dii təyin) çox zaman sönük olur. Onlarda müəllifin əşyalara olan
münasibətləri göstərilsə də, o qədər də hiss, həyəcan ifadə olunmur.
Lakin aşağıdakı cümlələrdə vəziyyət tamamilə dəyişir.
1. Parlaq günəş qızılı tellərini əlvan çiçəklərin üstünə sərmişdi.
2. Fırtınalı dəniz qəzəblə dalğalanırdı.
Bu cümlələrdə işlənən, parlaq, qızılı, əlvan, fırtınalı və qəzəb-
lə sözləri aid olduqları əşyaların xarakter əlamətlərini xüsusi çalar-
lıqla ifadə edir. Bu epitetlər vasitəsilə müəllifin nitqini irad edənin
şəxsi münasibəti yeni rəng, yeni boyalarla verilir.
Araşdırmalar göstərir ki, bədii mətnlərdən epitetlərin seçilməsi,
mənalarının düzgün müəyyənləşdirilməsi üzərində işin sifətin tədri-
si ilə əlaqələndirilməsi şagirdlərin yazılı və şifahi nitqinin ahəng-
darlığını, bədiiliyini artırmaqla onları şüurlu mənimsəmə, məzmu-
nu dərhal tutmaq, dərk etmək qabiliyyətinin inkişafına da əsaslı tə-
sir edir. Bu məqsədlə müxtəlif iş formalarindan istifadə olunmalı-
dır. Məsələn, tutaq ki, III sinifdə yazı taxtasına aşağıdakı kimi cüm-
lələr yazılır.
1. …….. uşaqlar ……. çəmənlikdə …….. kəpənəklərin ardın-
ca qaçırdılar. 2. ….…. alpinistlər ……. qayalara dırmaşırdılar.
3. …….. dənizin ……. və ……. ləpələri sahili döyəcləyirdi.
Sonra nöqtələrin yerinə buraxılmış sifətləri artırmaqla cümlələri
köçürmək tələb olunur. Bundan sonra yazı taxtası iki hissəyə ayrı-
lır. Birinciyə yırtıcı, vəfalı, qorxunc, körpə, narın, qəzəbli, quzu-
lar, parça, dost, insan sözləri yazılır. Şagirdlər birinci hissədəki
Ağarəhim Əsərlər
83
sözlərə ikinci hissədəkindən uyğun gələni tapıb obrazlı ifadələr dü-
zəldirlər: yırtıcı heyvan, ayna bulaqlar, vəfalı dost, qorxunc hadisə,
körpə quzular, narın qum, qəzəbli düşmən, mehriban insan.
IV sinifdэ cümlə üzvlərinin tədrisi zamanı şagirdlər təyinlə əla-
qədar çalışmalar üzərində işlədilərkən onların bu sahədəki bilikləri
daha da inkişaf etdirilməlidir.
Ümumiyyətlə, epitetlər üzərində işin səmərəli təşkili baxımın-
dan şagirdlər müxtəlif xarakterli çalışmalar üzərində işlədilməlidir-
lər:
— mətndən epitetlərin seçilməsi;
— epitetlərin müstəqil tərtibi və cümlə içərisində işlədilməsi;
— cümlələrin epitetlər əsasında genişləndirilməsi;
— eyni əşyaya bir neçə epitetin seçilməsi;
— əşyanı təsvir etmək üçün ən tutarlı epitetin seçilməsi;
— müxtəlif mətnlərdə eyni əşyaya aid olan epitetlərin müqayisə
edilməsi və işlənmə yerinə görə mənalarının izahı;
— emosional-ekspressiv çalarlı epitetlərin mənalarının izahı və
s.
Məcazın növlərindən biri olan perifraza hər hansı əşyanın təs-
viri, izahlı ifadəsidir. Bu, əşyanın əsl adını dəyişir.
Əvəzində onun xarakter cizgilərini (əlamətlərini) göstərən ifadə
işlənir. Beləliklə, ifadə olunan fikir daha parlaq, canlı və obrazlı
olur: məsələn, Ə.Cəmilin ―Vətən‖ şeirindən alınmış:
Ey vətən, ana vətən
Heyranam sənə, vətən
misralarında vətən və ana vətən sözləri müstəqil respublikamızın
əvəzində, Ə.Məmmədxanlının ―Ananın səsi‖ hekayəsində işlənən
Anan Odlar yurdu, elləri xoşbəxt görmək istəyir cümləsində
Odlar Yurdu ifadəsi Azərbaycanı, elləri sözü isə Azərbaycan xalqı-
nın söz və ifadələrini əvəz etdikləri üçün perifrazalardır. Perifraza-
lar nitqdə yeknəsəklik yaradan yersiz söz və ifadələrin işlənməsinin
qarşısını alır, fıkrin daha dəqiq, təbii və obrazlı təzahürünə müsbət
Dostları ilə paylaş: |