Ağarəhim Əsərlər
90
Şagirdlərin əsər haqqındakı şəxsi fıkri, mülahizələri üzə çıxarılır,
obrazların hərəkəti, fəaliyyəti qiymətləndirilir. Bu zaman müəllifin
məqsədi, mətnin bədii dəyəri, onun əsas ideyası müəyyənləşir.
III. Müəllimin tapşırığı əsasında mətnin sərbəst oxunması.
Elmi-kütləvi mətnlərə nisbətən bədii mətnlərdə müxtəlif iş va-
riantlarından istifadə etmək imkanları daha genişdir. Belə ki, elmi-
kütləvi mətnlərin sərbəst oxusu ilə əlaqədar göstərilən variantların
hər birini yeri gəldikcə tətbiq etməklə aşağıdakılardan da istifadə
olunmalıdır:
1) konkret obrazların hərəkətinin, xarakterinin müəyyənliyini
ifadə edən söz, ifadə və cümlələrin seçilməsi;
2) bir-birilə ziddiyyət təşkil edən obrazlara aid müqayisəli xa-
rakteristikanın tərtibi ilə bağlı söz və ifadələrin seçilməsi;
3) yazıçının istifadə etdiyi təsvir vasitələrinin seçilməsi;
4) əsərin əsas ideyasını müəyyənləşdirən cümlələrin seçilməsi
və s.
Sərbəst oxu oxunun sürətini artırır, şagirdlərin müstəqillik, mü-
şahidəçilik qabiliyyətini yüksəldir, obrazların hərəkətini düzgün
qiymətləndirmək, mətnin bədii dəyərini müəyyənləşdirmək, başa
düşmək imkanı verir, müəllifin məqsədini, hadisəyə münasibətini
şüurlu öyrənməyə kömək göstərir, mətnin məzmununun və ideyası-
nın şüurlu mənimsənilməsini təmin edir.
IV. Mətnin səhnələşdirilib oxunması. Bu, I-IV sinif şagirdləri
üçün bir növ yaradıcılıqdır. Təcrübə göstərir ki, bu məqsədlə II si-
nifdə şagirdlərə uşaqların həyatından bəhs edən bir neçə dialoqlu
sadə hekayələri, nağılları və təmsilləri oxutdurmaq faydalıdır. Şa-
girdlər sinıfdən-sinfə keçdikcə, müəyyən bilik, bacarıq və təcrübə
qazandıqca bu sahədəki işləri tədricən mürəkkəbləşdirmək olar.
Bunun üçün müəllim rollar üzrə oxuya imkan verən materialları
əvvəlcədən seçməli, rollarda çıxış edəcək şagirdləri səsinin incə və
qalınlığına, xarakterinə, hərəkətinə və s. görə əvvəlcədən müəyyən-
ləşdirməlidir. Sonra şagirdlərə oxu nümunəsi verməli, bu zaman
onların səsinin dəyişməsinə, mimika və jestlərinə, fasiləyə, məntiqi
vurğuya, hər tipin özünə xas olan bir dillə danışmasına və s. xüsusi
Ağarəhim Əsərlər
91
diqqət yetirilməlidir. Oxu prosesində şagirdlərdən birinin replikası-
na digərinin reaksiya verməsi onların məsuliyyətini daha da artırır,
oxuduqlarına yaradıcı nöqteyi-nəzərdən yanaşırlar.
Rollar üzrə oxu prosesində müəllimin əsas vəzifələrindən biri
şagirdlərə düzgün improvizə variantı seçməyi öyrətməkdən ibarət-
dir. Bu zaman oxunan mətnin məzmununun şüurlu qavranması və
uzun müddət şagirdlərin hafızəsində yaşaması təmin olunur.
V. Mətnin təkrar oxunması. Əgər mətn həcmcə kiçikdirsə və
məcazlarla, obrazlı ifadələrlə o qədər zəngin deyildirsə, onu bütöv
oxumaq məsləhətdir. Yaxud əksinə, material böyükdürsə, emosio-
nal xarakter daşıyırsa, iki-üç, bəzən də dörd şagird tərəfindən hissə-
hissə oxunmalıdır. Sadə, kiçik həcmli hekayələr, xüsusilə təmsillər
və nağıllar təkrar oxunmaya da bilər.
Mətnin təkrar oxunması oxu vərdişlərinin inkişafı, bədii obraz-
ların, məzmunun şagirdlərin təsəvvüründə möhkəmləndirilməsi, lü-
ğət ehtiyatının zənginləşdirilməsi, oxunun canlı danışıq nitqinə ya-
xınlaşması baxımından əhəmiyyətlidir.
VI. Mətnin sonuncu dəfə oxunması. Burada təbii sual meyda-
na çıxır: mətnin təkrar oxusu ilə sonuncu oxusu arasında fərq nədən
ibarətdir? Təlim prosesində onların hər ikisini tətbiq etməyə ehtiyac
varmı?
Təkrar oxuda əsas məqsəd bədii obrazları şagirdlərin təsəvvü-
ründə canlandırmaqdırsa, sonuncu oxuda məzmunu onların şüurun-
da möhkəmləndirmək və emosional təsir qüvvəsini artırmaqdır.
Məqsəddən aydın olur ki, bunlar təlim əhəmiyyətinə görə bir-birin-
dən əsaslı şəkildə fərqlənən, lakin biri digərinə xidmət edən iş for-
masıdır. Ona görə də təlim prosesində onlardan istifadə olunmalı-
dır.
VII. Oxunun ifadəliliyi. Oxunun ifadəliliyi mətnin məzmun və
ideyasının şüurlu mənimsənilməsini təmin edən mühüm amillərdən
biridir. İfadəli oxu prosesində mətnin bitkin məzmunu, ayrı-ayrı
obrazların hərəkəti, baş verən hadisələr məntiqi ardıcıllıqla verilir.
İfadəli oxu prosesində canlı ifadə vasitələrinin köməyi ilə obrazla-
rın xarakteri, onların məqsədi açılır. Başqa sözlə, hadisənin, orada
Ağarəhim Əsərlər
92
iştirak edən adamların haqqında dinləyicidə bitkin təəssürat yaradı-
lır. Bu zaman şagirdlərin hissləri, fantaziyası hərəkətə gəlir, oxunan
mətnin müxtəlif duyğularla qavranılması, şüurlu mənimsənilməsi
təmin olunur.
Biz yuxarıda qeyd etdik ki, oxunun şüurluluğu ilə ifadəliliyi
arasında qarşılıqlı əlaqə mövcuddur və bu əlaqələr hər ikisinin inki-
şafı üçün əsasdır. Yəni şüurlu oxunmayan mətni ifadəli şərh etmək,
ifadəli oxunmayan mətni də şüurlu mənimsəmək mümkün deyildir.
Buradan belə bir konkret nəticə hasil olur ki, oxunun şüurluluğun-
dan ifadəliliyə, yaxud əksinə, ifadəlilikdən də şüurluluğa keçid əla-
qələri vardır. Biz bunlardan birinin inkişafı üzərində iş apararkən,
digərinin də inkişafına əsaslı təsir etmiş oluruq. İfadəli oxu mətnin
şifahi nitqdə ahəngdar, bədii şəkildə meydana çıxmasıdır. O, məz-
munun şüurlu mənimsənilməsi üzrə aparılan işlərin nəticəsidir. O,
əsərin çox cəhətli, emosional məzmununun həllidir, duyaraq oxu-
maqdır. Bu, oxunan əsərin mahiyyətinə nüfuz etməyə əsaslanan səs
vasitəsilə lövhə yaratmaqdır. Mətndəki kədər, kinayə, istehza, za-
rafat, təəccüb, qorxu, sevinc, səmimiyyət və s. kimi həyəcanlı
hisslər özünü ifadəli oxu prosesində əks etdirir.
I-II siniflərdə şagirdlər ifadəli oxu vərdişlərinə kifayət dərəcədə
yiyələnmədiklərindən onlar mətndəki ruhi halları verməyi və məz-
munun açılmasında ifadəli oxunun tələblərindən istifadə etməyi ba-
carmırlar. Maraqlı burasıdır ki, şagirdlər oxu prosesindən fərqli
(yəni onun əksinə) olaraq öz adi danışıqlarında (müəllimlə, özün-
dən yaşlılarla, yaşıdları ilə, yaxud özündən kiçiklərlə) səmimiyyət,
kobud cavab vermək, zarafat, şıltaqlıq etmək və sairədən bacarıqla
istifadə edirlər. Bəs buna səbəb nədir? Bu onunla izah olunmalıdır
ki, şagird adi danışıq prosesində nədən danışacağını aydın və mən-
tiqi şəkildə bilir. Onu düşüncəli, şüurlu ifadə etməyə çalışır. Ona
şəxsi münasibətini, arzu və istəklərini bildirir. Ona görə də daxildə
baş qaldırmış hisslər, duyğular özünü canlı ifadə vasitələrinin (ton,
məntiqi vurğu, fasilə, sürət, jest, mimika və s.) köməyi ilə büruzə
verir. I-IV siniflərdə ana dili dərslərinin qarşısında duran əsas vəzi-
fələrdən biri məhz şagirdlərə belə şüurlu oxu vərdişləri aşılamaq-
Dostları ilə paylaş: |