Ağarəhim Əsərlər
99
gecə-gündüz saman və palçıqla əlləşib kərpic kəsirsən. Kim səndən
bir qarın çörək əsirgəyər? Əlbəttə, heç kim. Axı nə vaxta qədər daş,
kəsək ilə əlləşəcəksən. Bu iş qoca işi deyil. Sən gəl bu ağır işdən əl
çək‖.
Müəllim sual verir:
— Uşaqlar, cavan oğlan qocanı nə üçün məzəmmət edir?
— Axı qoca saman və palçıqla əlləşir. Kərpic kəsir.
Başqa bir şagird:
— Qoca ağır iş görür. Oğlan ona deyir ki, ağır işdən əl çək.
— Kim düz hərəkət edir? Qoca, yoxsa cavan oğlan?
Şagirdlərin bu suala cavab verməkdə çətinlik çəkdiklərini görən
müəllim onlara növbəti tapşırıq verir:
— Uşaqlar, indi də qocanın cavan oğlana cavabını hekayədən
tapıb səssiz oxuyun.
Şagirdlər həmin hissəni də səssiz oxuyurlar.
Sonra müəllim soruşur:
— Uşaqlar, həmin suala indi cavab verin görək kim düzgün hə-
rəkət edir? Qoca, yoxsa cavan oğlan?
— Qoca düzgün hərəkət edir.
— Nə üçün belə qərara gəldiniz?
— Axı qoca çox şey bilir.
— Bəs sonra nədən bildiniz?
— Qoca heç kəsə əl açmaq istəmir. O, çörək pulunu özü qaza-
nır.
— Daha sonra?
— Qoca əməyi, zəhməti sevir. O, heç kimdən utanmaq istəmir.
— Bəs oğlanın səhvi nədədir?
— Oğlan cavandır. Oğlan lovğadır. Əməyi sevmir.
— Doğrudur. İndi cavan oğlanın sözlərini necə oxumaq lazım-
dır?
Bu suala müxtəlif cavablar alınır. Müəllim onların fıkrini ümu-
miləşdirərək deyir:
— Uşaqlar, oğlan cavandır, lovğadır, tənbəldir. O, əməyin qəd-
rini bilmir. Qocanın zəhmətini qiymətləndirmir. Ona görə də heka-
Ağarəhim Əsərlər
100
yədə cavan oğlanın sözləri bir qədər ucadan, hirsli, kobud, sürətlə
oxunmalıdır. Qoca isə dünyagörmüş, ağıllı, əməyə bağlı adamdır.
Onun sözləri alçaqdan, asta-asta, kinayə ilə, lakin şən halda, adi da-
nışıq qaydasına yaxın bir formada ifadə olunmalıdır.
Bu izahatdan sonra şagirdlər mətni intonasiyanı gözləməklə
oxuyurlar. Bu dəfə də onlar səhvə yol versələr, müəllim özü oxu
nümunəsi verir.
Bu məsələ şeirlərin oxusu prosesində daha qabarıq şəkildə mey-
dana çıxır: Məsələn III sinifdə C.Novruzun ―Ananın səsi‖ şeirinin
tədrisi müəllimin nümunəvi oxusu ilə başlanır. Şeirin ilk altı misra-
sı eyni ahənglə, lakin bir qədər qorxu hissilə oxunur:
Ana qəlbim odlanır
Söz düşəndə davadan.
Bəs deyilmi, ey insanlar,
Töküldü qan, axdı qan?
Bəs deyilmi ana torpaq,
Su içdi göz yaşından?
Bu misralarda davadan söz düşəndə ananın qəlbinin odlanması,
onun müharibə əleyhinə, nahaq yerə ana torpağın milyonların qanı-
na boyanmasına qarşı üsyankarlığı, ürək yanğısı, daxili təlatümləri
qəmgin əhvali-ruhiyyə ilə verilir. Sonrakı iki misrada isə tembr də-
yişir.
Silahları yandırın,
Ərşə qalxsın tüstüsü.
Bu iki misrada ananın dünyaya yayılan məğrur səsi, onun səsin-
dəki böyük qüdrəti, əzəməti, verdiyi qəti hökmü önündə elə bil bü-
tün dünya titrəyir. Bu titrəyiş xüsusi ifadə tərzi, tembr tələb edir.
Sonrakı misralarda ananın qəlbindən qopan sülh duyğularını şən
halda üzə çıxarmağa sanki təkan verir:
Hər obada, hər evdə
Ağarəhim Əsərlər
101
Qanad açsın sülh sözü.
Üzü gülsün insanların,
Bayram etsin yer üzü.
Yer üzündə dostu olsun
Gərək insan insanın.
Qəlbimdəki bu arzular
Arzusudur zamanın.
Əvvəlkilərə nisbətən burada müəllimin məlahətli, aydın səsi ilə,
bir qədər şən halda ananın üzünü yer üzündəki insanlara xitabən tu-
tub hərb əleyhinə, sülh naminə açdığı arzu və istəkləri, insanların
həmişə sevinc, toy-bayram içərisində xoşbəxt yaşaması, hər eldə,
obada dostluq, qardaşlıq səslərinin ucalması verilir. Ananın bu
möhtəşəm arzuları bütün sülhsevər bəşəriyyətin, dövrün, zamanın
amalı kimi ifadə edilir.
Sonrakı misralarda isə cəmiyyətin xoşbəxt həyatının ən dəhşətli
bir hadisə — müharibə ilə qarşılaşmaq təhlükəsi, ananın insanları
sülhə çağırması çox ehtiyatla, lakin həyəcanla xəbər verilir:
Mən anayam, bu səsimdə
Yerin, göyün dərdi var.
Sülhə gəlin, ey insanlar
Yoxsa, dünya məhv olar.
Göründüyü kimi, şeirdə ananın keçirdiyi hisslərdən, təlaşlardan,
müharibəyə olan hiddət və nifrətindən, qəlbindəki sarsıntılardan,
arzu və istəklərindən söhbət gedir, ananın daxili dünyası tədricən
açılır, müharibəyə və müharibə qızışdırıcılarına olan nifrəti özünü
büruzə verir. Oxu prosesində belə bir intonasiyaya əməl olunma-
dıqda III sinif şagirdləri nə ananın keçirdiyi hissləri, nə onun arzu
və amalını, nə coşan və çağlayan daxili ehtiraslarını, nə şairin niy-
yətini başa düşər, nə də şeirin məzmun və ideyasını şüurlu şəkildə
mənimsəyə bilərlər. Bundan sonra şagirdlərə çatdırılmalıdır ki, bu
səs tək bir ananın yox, bütün dünya analarının səsidir.
Dostları ilə paylaş: |