Ağarəhim Əsərlər
69
ikifikirliyi təsəvvüründə canlandıra bilmir. Onu, hər şeydən əvvəl,
nominativ xarakter daşıyan sözün həqiqi, müstəqim mənası düşün-
dürür.
Araşdırmalar göstərir ki, məcazlar təsvir etdikləri əşya və hadi-
sələrin xarakter cizgilərinin insana təsiri baxımından iki yerə ayrı-
lır: a) leksik məcazlar; b) üslubi məcazlar.
Leksik məcazların (qar gəlir, günəş batdı, çayın qolu, suyun
üzü, soyuq adam, stolun altı, baş həkim və s.) rəng çalarlığı solğun
olur. Oxuyan, dinləyən belə ifadələri çox eşitdikiərindən, bir növ
adətkar olduqlarından onlara heç bir emosional təsir göstərmir. Üs-
lubi məcazlarda (qızıl payız, torpağın dürdür, ayna bulaqlar, məx-
mər çəmənlik, keçilməz qayalar, polad bilək, dəniz coşdu, qəzəbli
dalğalar və s.) isə təsvir olunan əşya və hadisələr əlvan və parlaq
boyalarla insan təxəyyülündə canlandırılır. Müəllif təsvir etdiyi ha-
disəni, ayrı-ayrı obrazları, onların hərəkətini, xarakterini, hadisələrə
olan münasibətini, təbiətin peyzajını və s. poetik dilə çəkir, canlı
lövhələr yaradır. S.L.Rubinşteyn göstərir ki, üslubi məcazların başa
düşülməsinin öyrədilməsi təfəkkürün öyrənilməsində çox qüdrətli
vasitəyə, fıkrin inkişafı prosesində obrazlı və mücərrəd məzmunun
müxtəlif münasibətlərinin açılması üçün bir aləmə çevrilir.
T.P.Krestinskaya və S.V.Petrova görə, üslubi məcazlar bədii
əsərdə müəyyən lövhələrin yaradılmasına, personajların hərəkətinin
və xarakterinin açılmasına, onların əlamətlərinin tutuşdurulmasına,
bir çəhətdən digərinə asanlıqla keçilməsinə şərait yaradır.
Emosional-ekspressiv təsirə malik olan məcazlar bədii material-
ların obrazlı dilidir. Bu dili isə metafora, metonomiya, sinekdoxa,
təşbeh, epitet və perifraza təşkil edir. İbtidai siniflərdə bədii mate-
rialların dili, obrazlığı üzərində işə bir sıra məqalələr həsr olunsa
da, müəyyən mülahizələr irəli sürülsə də, bu sahədə müəllimlərə
əsaslı istiqamət verəcək tutarlı fikirlər söylənməmişdir. Elə bunun
nəticəsidir ki, məktəb təcrübəsində bəzi nöqsanlara yol verilir. Təc-
rübədə kök salan və möhkəmlənən bu nöqsanlar təlim prosesində
bir əngələ çevrilir. Bu da nəticə etibarı ilə bədii materialların məz-
mununun şüurlu mənimsənilməsi işini ləngidir.
Ağarəhim Əsərlər
70
Araşdırmalar göstərir ki, oxu materiallarının şüurlu mənimsənil-
məsi baxımından onların obrazlı dili üzərində iş aparılarkən aşağı-
dakıların həyata keçirilməsinə çalışılmalıdır:
— şagirdlərin idrak fəallığının təmin olunmasına;
— şagirdin təsəvvüründə real varlığın canlandırılmasına;
— şagirdin həyati təsəvvürlərinin inkişafına;
— şagirdin bədii, yaradıcı təxəyyülünün inkişafına;
— şagirdlərdə fıkrini obrazlı ifadə etmək bacarıq və vərdişləri-
nin təkmilləşdirilməsinə.
Bədii materialların obrazlı dili üzərində işi səmərəli təşkil et-
mək üçün müəyyən didaktik tələblər gözlənilməlidir:
— obrazlı ifadələrin kontekst daxilindəki rəngarəng vasitə, me-
tod və priyomlardan istifadə etməklə açılması;
— obrazlı ifadələrin izahı ilə bağlı qiraət və dilin tədrisi arasın-
da əlaqənin yaradılması;
— obrazlı ifadələrin izahında konkret varlığa, şagirdlərin mə-
lum biliklərinə əsaslanılması;
— obrazlı ifadələrin izahı zamanı şagirdlərin ümumi inkişafı-
nın, fərdi xüsusiyyətlərinin nəzərə alınması və s.
Bu tələblərin nəzərə alınması bədii materialın məzmun və ide-
yasının şüurlu mənimsənilməsini təmin etməklə, şagirdlərin emo-
sional və intellektual inkişafına da güclü təsir göstərir. İndi də bədii
materialların obrazlı dili üzərində işin konkret cəhətlərinə diqqət
yetirək.
İbtidai siniflərdə dilin təsvir vasitələrinin adı çəkilməsə də,
konkret terminlərlə qarşılaşılmasa da, müəllimlərin nəzəri hazırlığı
baxımından onların (terminlərin) mənasının açılmasını məqsədəuy-
ğun hesab edirik. Obrazlı ifadələr, məcazlar dedikdə dildə işlənən
təsvir vasitələri (metafora, metonimiya, sinektdoxa, təşbeh, epitet
və s.) nəzərdə tutulur.
Məcazın mürəkkəb növlərindən biri metaforadır. O, istarə də
adlanır. Burada bir əşya və hadisəyə aid olan xarakter cizgilər (əla-
mətlər) digərlərinə köçürülür. Beləliklə, şagirdlərin təxəyyülündə
köçürülənin bütöv obrazı canlanır. Bu obraz isə təfəkkürdə fikir
Ağarəhim Əsərlər
71
oyadır, onları mahiyyətə varma, təhlil-tərkib aparma vəzifəsi ilə
qarşılaşdırır. Məsələn, İ.Tapdığın ―Xəzər‖ şeirindən alınmış parça-
ya nəzər salaq:
Üzərində polad şəhər
Nə gözəldir bizim Xəzər.
Burada polad şəhər ifadəsi məcazdır, metaforadır. Müəllif Xə-
zərin qoynunda qurulan neft buruqları meşəsi və qəhrəman neftçilər
üçün dənizdə yaradılmış gözəl həyat şəraiti ilə adi şəhər arasında
oxşarlıq, bənzərlik axtarmışdır. Bu baxımdan da şair quruda salın-
mış şəhərin oxşar cizgilərini polad dirəklər üzərində dayanan ―Neft
daşları‖ şəhərciyinin üzərinə köçürmüşdür.
Yaxud L.Voronkovanın ―Elin sərvəti‖ hekayəsində Qızıl zəmi
dalğalanırdı, Z.Cabbarzadənin ―Kənd‖ şeirində Səhərdir. Üfüq-
lərdən Qızıl günəş boylanır, H.Ziyanın ―Sünbülüm‖ şeirində Qızıl
budaq sünbülüm, sarı saçaq sünbülüm cümlə və misralarında iş-
lənən qızıl zəmi, qızıl günəş, qızıl budaq ifadələri metaforalardır.
Göründüyü kimi, metafora iki əşyanın, hadisənin qarşılaşdırıl-
masına əsaslansa da, onlardan (yəni qarşılaşdırılanlardan) biri fıkri
ifadə prosesində iştirak etmir, adı çəkilmir. O, qarşılaşdığı (nitqdə
çıxış edən) əşyanın üzərinə mühüm əlamətini köçürməklə özünün
mahiyyətini təsəvvüründə canlandırır. Bəzən elə hallar da olur ki,
cümlədə (şeirdə, misrada) işlənən sözlərdən bəziləri metaforaların
bütöv bir lövhə yaratmasına xidmət edir.
Müşahidələr göstərir ki, yığcam təşbehli metafora müxtəlif ox-
şarlıq əsasında yaranır:
a) formasına (şəklinə) görə: neft meşəsi, ayna bulaqlar, dəniz
güldü, ləpələr gülümsədi, qış qəzəbləndi;
b) rənginə görə: qızıl piyalə, qızıl günəş;
v) səsinə görə: faşist bağırır, zabit ulayır, çay guruldayır, külək
vıyıldayır;
q) keyfıyyətinə görə: qızıl xasiyyət, qızıl torpaq, almaz qumlar,
dəmir iradə, polad bilək, polad iradə və s.
Dostları ilə paylaş: |