85
çalışın, mən çox darıxıram, onsuz dözə bilmirəm. Rayonda
özümə iş taparam. Əsgərliyimi başa vurub, təhsilimi davam
etdirərəm. Rayonda görüşüb ətraflı söhbət edərik. Xırnaza
salam deyin. Hörmətlə İsmil”.
Çox narahat idim. Bir kəndin ümidlərini yerə vuracaq
qədər məsuliyyətsiz deyildi mənim İsmilim. Amma sevginin
də böyük qüvvə olduğunu dərk edirdim. Bilmirəm, sevgimi
insanı dəli edir, yoxsa təkcə dəlilərmi aşiq olur?
Məktub yazdım ki, – “Dəlilik eləmə, bütün el içində
özünü rüsvay edərsən. Əgər istədiyin qız səni ürəkdən
sevirsə, niyə darıxırsan ki? Papağını fırladacaqsan 5 il gəlib
yel kimi ötüb keçəcəkdir”. Bir sözlə onu bu divanəlikdən
döndərmək üçün nə lazımdısa yazdım. Fikirləşirdim ki, 10
günə özüm Bakıya yollanıb üzbə-üz İsmillə söhbət edərəm.
Lakin işlərə başım elə qarışdı ki (həm də məktub yazma-
dığından, düşündüm ki fikrindən vaz keçib yəqin), aradan
15-20 gün keçməmiş rayon bazarında qabağıma çıxdı. Canım
qədər sevdiyim İsmil qucağıma tullanıb boynuma sarılmadı.
Əməlli-başlı sınıxmış, kişiləşmişdi. Üzünü azca tük basmışdı.
Qucaqlayıb balamı öpdüm, tükləri üzümü daladı.
– Nə vaxt gəlmisən? – soruşdum.
– Sırağagün axşam.
– Bəs niyə dünən kəndə gəlməmisən?
– Dünən Firəddini göndərmişdin deyə, ondan gizlən-
dim.
– Gizlənəcək nə pis iş tutmusan ki...
– Mən qiyabi şöbəyə keçdim...
– Demək inadından dönmədin... Bəs harda gecələmisən
bu iki gündə?
– Qızgildə...
86
– O nə qızdır elə səni başından çıxarıb Bakıdan bura-
laradək gətirdir, hələ bu azmış kimi öz evlərində saxlayır?
Kimdir o qız, kimin qızıdır?
– Biz bu barədə söhbət etməliyik... Ancaq söz ver ki,
məni axıradək və öz balan kimi dinləyəcəksən. Sənin məslə-
hətinə çox ehtiyacım var... Bilirsən ki, səndən başqa sirdaşım
və məsləhət alacağım adam yoxdur.
– Məni çatlatma, danış görək!
– Qəmər xala gözləyir, yükü təhvil ver, sonra birlikdə
bir yerdə oturaq...
– Yaxşı...
Torbaları Qəmər xalaya təhvil verənədək İsmilin başına
gələ biləcək ən pis ehtimalları götür-qoy edirdim. Qızın evin-
də axı necə qala bilərdi? Bəs qızın ata-anası yoxdurmu, bura
dağbaşıdırmı, camaat qızını çöldənmi tapıb? Heç bir ağıllı
şey beynimə girmirdi. Bir onu bilirdim ki, “İsmilin başı əldə
deyil”.
Maşına minib kəndə yol aldıq, yolboyu susub durduq –
ikimiz də söhbəti nədən başlayacağımıza qərar verə bilmir-
dik. Kənddə dedik ki, İsmil tətilə gəlib. Gecə bizdə söhbət-
ləşəcəyimizi razılaşdıq.
Axşam camaat evlərinə yığışandan sonra İsmil bizə gəl-
di. Onun arxasınca Lələ dayı öz ailəsiylə birlikdə mənə baş
çəkməyə gəldilər. İsmil və mən əlinə təklikdə düşmüşdük
deyə, Lələ dayı ilə söhbətimiz gecəyarısınadək uzandı. Bir-
birimizə gecənin xeyirini diləyib Lələ dayıgillə ayrılandan
sonra yatağımızı döşəmədə yanaşı saldıq. İsmil məndən
çəkinmədən şifonerdəki zoğal arağından özünə bir çappa
süzüb xəlvəti birnəfəsə içdi. Özümü görməməzliyə qoydum
– bilirdim ki məqsədi, söhbəti başlamaq üçün cürət topla-
87
maqdır. Soyunub yerimizə uzandıq. İsmil işığı söndürüb
yorğanı üzünə çəkdi. Səsi yorğanın altından gəlirdi.
– Mən birinə dəlilər kimi aşiq olmuşam. Adı Fərqanədir
– məndən 14 yaş böyükdür və 4 yaşında bir qızı var...
Qulaqlarıma inana bilmədim, yastığa dirsəklənib göz-
lərimi döydüm. İsmil utandığından yorğanı başına çəkmişdi.
– Sən məni dolamısan!? Nə 14 yaş! Nə uşaq? Uşaq
səndəndir?
– Yox, əri türmədə vərəmdən ölüb. Mağaza müdiriymiş
– yeyintiyə görə tutublar, 8 il iş veriblər, 6-cı ili ölüb.
– Necə olub o qızın cənginə keçmisən, danış bağrım
çatladı...
– Biz dördüncü ildir ki birlikdəyik. Hələ kənddən ra-
yona köçəndə onunla tanış olmuşdum.
– Aman Allah! Sən nə danışırsan!?
– Bir gün Qəmər xalanın yanında durmuşdum, sən mal-
ları təzəcə boşaldıb getmişdin. Bir gəlin, qucağında da körpə
uşağı çiriş almağa gəldi. 4 kilo çiriş aldı. Yükü çox ağır idi,
qucağında da körpəsi ağlayırdı. Qəmər xala dedi ki, – “əgər
bekarsansa, gəlinə yükü evlərinə aparmağa kömək elə”.
Mənimsə, heç bir işim yox idi. Çiriş kisəsini əlimə götürüb
Fərqanəgilədək apardım. Körpəsi sancılanmışdı, kirimək bil-
mirdi. Pul verdi, kağıza dərman adı yazıb aptekdən alma-
ğımı xahiş elədi. Alıb gətirdim. Dərmanı qarışdıranadək kör-
pəni qucağımda saxlayası oldum. Dərman hazırlaya-hazır-
laya mənə suallar verirdi:
– Hansı kənddənsən?
– Xırnazdan.
– Hə, o radiosu olan kənddən?
88
– Hə, həmin radionu yaradanlardan biri də mənəm, –
dedim.
– Adın nədir?
– İsmil.
– İdmanla məşğul olursan?
– Yox, bizdə bütün cavanlar belə bequrum – yekə-
pərdirlər.
– Bəs burda nə işin var?
– Burda 10-cu sinifdə oxuyuram.
– Bəs harda qalırsan?
– Kirayədə.
– Ayda nə qədər verirsən kirayəyə?
– 15 manat.
– Nə ucuzdu?
– Bu pulu bütün kənd camaatı toplayıb ödəyir.
Sonra kəndimizin adətləri, adamları barədə xeyli danış-
dım. Hiss edirdim ki, çox mehriban adamdır. Mən onlarda
bir stəkan çay içdim. Uşaq indi kiriyib sakitcə yatmışdı. Ya-
şım, ailəm haqqında suallar verdi. Qaldığım evin ünvanını
öyrəndi. Ayrılanda məni həyətin darvazasınadək ötürdü.
Aradan bir həftə keçməmişdi ki, axşamüstü qaldığım
evin qapısı döyüldü. Qapını açdım – Fərqanəydi.
– Xoş gəlmisiniz – dedim.
– Sağ ol. Dedim görüm qaldığın yerin şəraiti necədir?
– Mənə oxumağa bir yer olsun bəs eliyir. Dəbdəbə ax-
taran vaxtım deyil.
– Gəlişimin məqsədi odur ki, istəyirəm mənim evimə
köçəsən. Bilirsən, mən də təkəm, qulağıbatmış kimi bütün
günü evdə oturmaqdan az qalıram dəli olam. Uşağı kiminsə
yanına qoymağa adamım yoxdur ki, çıxıb bazarlıq eliyim.
Dostları ilə paylaş: |