89
Sənin kimi köməkçiyə və qulaq yoldaşına ehtiyacım var.
Mənə kirayə pulu da lazım deyil, özümü dolandırmağa aylıq
pulum var. Hətta sənin təhsilinə də yardım edə bilərəm. Elə
bil ki, darda qalmış bir əzizinə yardım etmiş olursan.
– Vallah bilmirəm nə deyim... – həqiqətən bu təklifdən
çaşıb qalmışdım.
– Səni birinci dəfə görəndə xasiyyətin çox xoşuma gəldi.
İndi hər adama etibar eləmək olmur, birini evinə buraxsan,
bir də gördün evini yarıb qaçıb – o çox səmimi idi.
– Bəs həyət yoldaşınız, ya başqa qohumunuz...
– Yoldaşım il yarımdır ki rəhmətə gedib, burda isə başqa
qohumum yoxdur. Mən bu rayona gəlin gəlmişəm.
– Onda qoyun evdəkilərlə məsləhətləşim, – dedim. Məq-
sədim səninlə bunu müzakirə etmək idi. Lakin, kirayə pu-
lumu göndərən həmkəndlilərimi bu əzabdan qurtarmaq
üçün ürəyimdə bu təklifi göydəndüşmə hesab elədim. “Qoy
bir-iki gün fikirləşim”, – dedim. O mənə 3 kilo çirişin pulunu
da verib sabah bazardan alıb onlara aparmağımı xahiş edib
getdi. Sabah sən malları təhvil verib getdikdən sonra çirişi də
götürüb Fərqanəgilə yollandım. Onun uşağı o qədər şirindi
ki, adam ayrıla bilmir. Ayaqlarıyla adamı elə təpikliyir ki..,
oynamağı yaman sevir, hər məni görəndə şirin-şirin qığıl-
dayır. Mən balacanı yaman sevdim – mən umumiyyətlə kör-
pələri çox sevirəm, ancaq Vəsilənin bir başqa şirinliyi vardı.
Bu münvanla hər iki gündən bir Fərqanəgilə çiriş, mərəvzə,
quşəppəyi və sair gətirib Vəsiləylə doyunca oynayırdım. Bir
gün Fərqanə mənim biləyimdən tutub otaqlardan birinə
çəkdi. Qapını açıb içərini göstərdi, – “Bura sənin şəxsi
otağındır, səninçün hazırlamışam. Sən burda yatıb dərslərini
sakitcə hazırlaya bilərsən”. Otaq çox geniş, işıqlı və yaraşıq-
90
lıydı, pəncərələri bağa açılırdı – rayon yerində belə məhləli
evlər çox bahalı hesab olunur. İri çarpayım, krallara layiq
ikinəfərlik yataq idi. Evə qayıtdım. Toyuq hini kimi balaca
daxmam gözümdən düşmüşdü. Bütün gecəni Fərqanənin
mənə hazırladığı otaq gözümün qabağından getmədi, axı
bundan qabaqkı qış bu daxmada çox üşümüşdüm... Səhər
açılan kimi Fərqanəgilə yollandım və, – “Bura köçməyə
razıyam” – dedim. Çox sevindi. Axşama köçməyi razılaşdıq.
Yükümü təzə yerimə köçürüb qurtaranda mənim gəlişimə
gözəl bir axşam süfrəsi bəzəmişdi. Bizim qoyun-quzuların
bəyənmədiyi bu çiriş, yemilik, çaşırdan nə gözəl yeməklər
çıxırmış... Adam yedikdən sonra barmaqlarını yalayır. Fər-
qanə misilsiz yemək hazırlayır.
Hər səhər məni yemək otağında qarşılayıb əllə görü-
şəndə hiss edirdim ki, əli tərlidir. Stola əyləşib yemək ye-
yəndə isə gözlərini mənə zilləyib heç nəyə əl vurmazdı.
– Siz niyə yemirsiniz? – bir dəfə ondan soruşdum.
– Yeməyi vərdiş eləməmişəm. Mən bu vərdişi tərgizmi-
şəm. Mən dadlı xörəklər hazırlamağı sevirəm. Biri, bişir-
diyimi ləzzətlə yeyəndə isə özüm də doyuram” – dedi.
– Mən isə daşdan yumuşaq nə varsa əvdirib həzmi-
rabedən keçirirəm. Ancaq sizin bişirdiklərinizin dadına çatan
xörək görməmişəm, əla hazırlayırsınız.
– Sən hələ uşaqsan, sağlamsan, sənin yeyən vaxtlarındır.
Nuş olsun, istədiyin qədər ye. Mən də bacardığım qədər
dadlı yeməklər hazırlayaram sənə. O qədər tənha qalmışam
ki, yemək mənimçün mənasızlaşıb. Xörək hazırlamaq isə ən
sevdiyim məşğuliyyətimdir. Qadına ən çox nüfuz gətirən
məşğuliyyət yemək bişirməkdir. Unutma, kişisinin qarnını
doyurmayan qadın, onu əlində heç zaman saxlaya bilməz.
91
Onun bir qədər rəsmi danışığı məni sıxırdı. Ancaq mə-
nimlə danışdıqca mavi gözlərin par-par yanması məni özünə
çəkirdi. Hər dəfə məni tərifləməkdən zövq alırdı – bilirdi ki,
bunları eşitmək mənə də xoşdur. Utancaqlığı onu çox cazibə-
dar edirdi. Çox da yaraşıqlı demək olmazdı, amma zərif do-
daqları və incə dişləri onun gözəl çöhrəsini tamamlayırdı. Dal-
ğavari saçları eyzan səliqəli daranmış olardı. O öz gözəlliyinin
qədrini hamıdan yaxşı bilirdi və bilirdi ki, bu gözəlliyi əbədi
deyil və solmağına az qalıb. Bu gözəlliyinin heyranı olacaq bir
seyrçiyə ehtiyacı olduğu aydınca sezilirdi və o öz seyircisini
məndə tapmışdı. Mən də onu seyr etməkdən zövq alırdım.
Ağlımın kəsdiyi qədər onun ovu olduğumu anlayırdım, amma
bununla özüm də razılaşırdım, ona təslim olurdum...
* * *
Fərqanə İsmilin cazibədar gözlərinə baxa-baxa özlüyün-
də düşünürdü, – “Görəsən, İsmil məndən bir şey istəsəydi,
onu əsirgəyərdimmi? Yox, canımı da verərdim. Əzələli boy-
nuna, şabalıdı–sığallı saçlarına, yaraşıqlı çöhrəsinə baxanda
az qalır ürəyim köksümdə əriyə, heyranlıqdan dizlərim
əsim-əsim titrəyir. Amma o, mənim nə düşündüklərimi heç
ağlının ucundan da keçirmir. Əlbəttə, onun xoşuna gəlirəm,
o, mənimlə qürrələnir də. Lakin bir qadın kimi onu cəlb
eləmirəm. Gərək ilk gündən münasibətləri başqa cür quray-
dım. İndi bir-birimizi o qədər yaxından tanıyırıq ki, nəticədə,
onun yatağına girmək fürsətimi əldən vermişəm...” Müna-
sibətləri çətin ki, başqa məcraya yönələ bilsin. İsmilin ana-
balaya mərhəmlik hissi o qədər böyük idi ki, çətin ondan
Fərqanəyə məşuq olsun.
92
Fərqanə İsmilin doğum gününə bahalı bir kostyum alıb
hədiyyə etdi. İsmil isə əvəzində qızı bu israfçılığa görə çox
tənbehlədi:
– Nəyə lazımdır bu qədər pulu boş bir şey üçün xərc-
ləmək? Bir də belə şey eləmə, məni utandırırsan.
– Axı səndən və Vəsilədən başqa kimim var ki... Kiməsə
hədiyyə etməyi çox sevirəm, ancaq bunu Vəsiləyə etməyin
bir mənası varmı? Səni özümünkü hesab edirəm və bundan
heç vaxt sıxılma, sağlıqla gey.
Kostyum elə bil İsmilin əyninə biçilmişdi. Balağını
qarsdırıb hər gün məktəbə geyinirdi. Dərsdən qayıdanda
Fərqanə bu yaraşıqlı, mərmərdən yonulmuş kişi duruşlu,
yaraşıqlı gənci bağrına basmaqdan özünü güclə saxlayırdı.
İsmil da Fərqanəni əliboş qoymadı – sən demə xəlvətcə qızın
ad gününü öyrənibmiş. Qıza ad gününə kəndlərində ağbir-
çəklərin toxuduğu iki cüt yun corab hədiyyə verdi. Bir
toxunma sərf isə Vəsiləyə gətirmişdi. İsmil dükanlardan hə-
diyyəyə pul xərcləməyə xəsislik etmişdi. Amma ona xəsis
demək olmazdı, sadəcə, hesabını bilən adamıydı. İsmilin
yığcamlığını çox bəyənirdi, o, pulu sağa-sola səpməyi xoş-
lamırdı. Onu özündən çıxarmaq elə də asan şey deyildi. An-
caq onun hədiyyə almaq məramı Fərqanəyə ən böyük hədiy-
yə idi. İsmil öz otağından paltarını dəyişib zala keçəndə
Fərqanə əllərində corablar, göz yaşlarını saxlaya bilmirdi.
– Ağlayırsan? – İsmil soruşdu.
– Sən məni ağlatdın dəli! Şeytan! Cəhənnəm olsun hər
şey, bacarmıram, ağlayacağam! – Fərqanə dəsmal götürüb
gözlərinin yaşını sildi.
– Niyə ağlayırsan?
Dostları ilə paylaş: |