101
başdan-ayağacan oxumaq olur, onun fikirləri bəsit idi. Lakin
bu xasiyyəti həddini aşmışdı. O, bu aşiq-məşuq münasi-
bətlərindən
zövq almaq əvəzinə, sevginin qulu olmuşdu – bu
yükün ağırlığından inildəyirdi. Fərqanə də onu əsirinə çevirə
bilibsə, demək yetərincə bacarıqlı qadındır.
İsmil gözlərini tavana zilləyib susmuşdu.
Ona gülməyim
tuturdu – sevgidən anlamayan bir uşağa eşq-məhəbbət dərsi
vermək məcburiyyətindəydim.
– İsmil, oğlum, bil ki 18 yaşıma qayıtmaq üçün hər şe-
yimi qurban verərdim. Bu elə bir dövrdür ki, qanın qaynayıb
coşur, enerjin aşıb-daşır. Səni ilk məhəbbət yaxalayanda isə
gecən-gündüzün zəhərə dönür və sən bu zəhər badəsini iç-
məkdən sonsuz zövq alırsan. Həyatın təbii axarı öz əhəmiy-
yətini itirir. Yenidən azadlığa qovuşmaq imkanın olduğu
halda, özünü məngənədəymiş kimi hiss etsən də, bu dərd-
dən qurtarmaq istəmirsən. Ondan ötrü bu dünyanın heç bir
marağı qalmır. Sevdiyini itirməkdən başqa qorxusu olmur.
– Hər şeyi cavanlığın üstünə atmaq gözəl bəhanədir...
– Mən səni o qıza, adı nəydi onun..?
– Fərqanə.
– Mən səni Fərqanəyə qısqanıram.
Sən bu dağlarda bitən
bir xırnazlı gözəl laləni dərməyə layiqsən. Sən bu dağların
havası, suyu, adamları kimi tərtəmiz və safsan. Sənin qəlbin
və beynin ağappaq kağız kimidir. Hər kəs o vərəqə istədiyini
yazıb oxuya bilər. Ancaq bu vərəqlərə elə şey yazdırmağa
icazə verməlisən ki, gələcəkdə bu kitabı vərəqləyəndə utan-
mayasan. Unutma ki, qadın kişini, öz cazibəsini işə salmaqla
əldə edir, onun işvə-nazıyla oynamaqla isə yanında saxlayır.
Sən təmiz sevginin deyil, işvə-nazın əsirisən. Bir fərqli baxış
səni ayıldacaqdır.
103
Biz kişilər üçün qadın, yalnız qorxmalı olduğumuz bir məx-
luqdur. İnsan yırtıcıdırsa, qadın öz ehtirası uğrunda dişi as-
landan da qorxulu, inadkar və hiyləgərdir. Məəttəl qalmı-
şam, axı niyə ilk cəhddə onu özündən itələmədin?
– 18 yaşım olacaqdı, istədim bunun necə olduğunu
özüm üçün yoxlayım...
– Yoxladın və dimdiyindən tələyə düşdün hə..?
İsmil az da olsa gülümsündü. Sözlərimin sirayət etdiyi-
nə inandım. Amma o:
– Elə deyil, vallah elə deyil. Məhəbbət bilirsən nədir?
Ağrı və əzab, həya, heyrət, əsəb, izaholunmaz kədər, azadlıq
və köləlik, rahatlıq və həyəcan, sükut və yuxusuzluq, dinclik
və cəhənnəm əzabı – hamısı da birlikdə...
– Mən də sənə həmin diaqnozu qoymamışdımmı? Aşiq
olmağın tipik əlamətləridir. Bu əzabdan ləzzət alırsan. Ancaq
sənə əzab verən sevdiyin sənlə yaşıd olsaydı səni bağrıma
basıb təsəlli verərdim, ancaq indiki halda hələki tənbehdən
başqa bir şey əlimdən gəlmir. Gənc, güclü, həyatsevər, yara-
şıqlı, ürəyinin qapıları taybatay açıq, sütül bir gəncin hisslə-
riylə oynamaq, o yaşda normal insana başucalığı gətirməz. O,
sənin saf sevginlə oynamalı deyildi, səni dəlicəsinə aşiq olacaq
həddə gətirməməliydi. Demək sənə əzab verməkdən də ləzzət
alır... Sən, mənim balamı, Xırnazın gələcəyini əlimizdən al-
maq istəyənə bir bax, qulağının dibini görərsən! Namussuz-
luq və fahişəlikdir bu – başqa ad vermək mümükün deyil
buna. Belələrini cəzalandırmaq lazımdır.
– Mən
ümid edirdim ki, mənə rəhmin gələcək...
– Təəssüflənmə. O səni istəyirdi, sən də özünü ona sat-
dın. İstədiyi keyfi də neçə ildir ki çəkir. Satışa çıxarılmağında
tək sən yox, həm də mən günahkaram. Sənə inanıb, gündəlik