39
“Bu nə işdir Canavardır! Ağzı yanmışa bir bax! Hiyləgər gör özünü hara
soxub?! Sənin atanı yandıraram, kafir!”.
Nəbi tüfəng atsaydı qoyunlara xətər yetirərdi. O əlində çomaq canavarın
üstünə yeridi. Vəhşi dişlərini qıcayıb çobanın başına atıldı. Nəbi onun
boğazından göydə yapışdı. Vəhşi istədi xilas olsun, bacarmadı. Qüvvətli çoban
əlləri onun boğazını mənkənə kimi sıxırdı. Sürü hələ də çalxalanırdı...
-Canın əlimdədir, kafir!
Qar səhərəcən yağıb, ləpiri örtdü. Kərbəlayı Cəfər nədənsə bu axşam yaxşı
yata bilməmişdi. O, ağzında demi tülkü-durmazdan ot tayalarının ətrfaında
dolaşır, nişan qoyduğu yerlərə diqqətlə baxırdı: “Yenə ot aparıblar! Bəs
oğrunun izi hanı? ” O, donquldana-donquldana tövləyə cumdu. Dizlərini döyən
xəncərini hirskə yana itələdi. “Nahaq qoyunu qurda tapşırmışam! Yazı düzündə
otumu aparan kəndlilərə o rus gədəsi ilə qəhmər çıxdığı bəs deyil, indi də
gecələr xəlvəti hamam suyu ilə özünə dost tutur. Belə də iş olar? Köpəkoğlunu
küçük təki qovacağam!” Kərbəlayı qapını təpiklə açanda canavarın ölüsün
görüb dalı-dalı yeridi.
-Biy… bu nədir?
Kərbəlayı Cəfər qəribə vəziyyətə düşmüşdü: gözlərinin qarası itmiş, zəliyə
bənzər qaşları pırtlamış, təzəcə xoruz qanadına döndərdiyi seyrək saqqalı
kirpiyə dönmüşdü. Nəbi gah dodağı səyriyən ağasına, gah da dişləri ağaran
canavara baxıb gülürdü…
Kərbəlayı Cəfər özünü bir az yığışdırıb irəli yeridi:
-Bircə bu oyun qalmışdı çıxarmayasan?! De görüm mənim otumu kimə
vermisən?!
Nəbi heç bir şey olmayıbmış kimi çiyinlərini çəkdi:
-Ağa, mən çoban adamam, qoyun güdürəm, məndən soruş ki, heyvanı qurda
vermisən, ya yox? Mən iki yerə bölünə bilmərəm ki!..
-Ho, ho, ho… Böyük adamın oğlusan, iki yerə bölünə bilməzsən?! Sənin
dabbaqda gönünə bələdəm! Sən zinanın cöhərisən! Sən dayın İldırım təki kölə
qələmə sancansan! Elə bilirsən keçmiş iştəklərin yadımdan çıxıb?! Otun
oğurlanmasında sənin əlin var.yoxsa heç kəs cəsarət edib mənim bir çöpümə əl
vura bilməz.
-Ağa, de görüm hansı iştəkləri çıxarmışam?
-Hansı iştəklər?.. Ə, küçük, sən mənim “Gözəlaxan” yerimdəki bostanımı
yonduğun yadımdan çıxıb?.. Yoxsa bir qazan südün üstündə nə pəstaha
çıxartdğında yadında deyil?
-Ağa, dəyirmanın yaman tozlayır ha!.. Köhnə palan içi tökməyin mənası
yoxdur.
-Bəri bax, Nəbi, sənin adın qulağıma dəyib, bir az ipini yığışdır! Bu da
qarakürə qoyunun quzusu deyil, yedirdəsən o urus gədəsi Vasqaya. Bilirəm, o
sənə tüfəng verib, ona görə mənim qızıl gözlü heyvanımın başına bıçaq
çəkmisən. Hələ allah bilir ki, bu töğvlədəki sürüdən neçəsini daşbadaş salmısan.
-Ağa, bu tezdən, deyəsən, bal yemisən. Məni şərləmə. Qoyunların sanlı qoz
təki yerindədir. Inanmırsan gəl sayaq.
40
-Lap qur
,
andan don geysən də, sənə inanmaram! Özündə dur qapının
ağzında. Yadındardırmı, iki quzunun üstündə on ilin çobanı Kərimin şələ-
şüləsini necə verdim dalına?! Atama lə
,
nət, əgər bircə davarım əksik olsa, səni
də iti qovan kimi qovacağam!
Nəbi erkəci və bir neçə qoyunu qabağına qatıb tövlədən çıxartdı. Sürü
onların dalınca daşlanmağa başladı. O, çomağını qapıdan keçən qoyunlara
toxundura-toxundura oxuyurdu:
-Alakərə tayın gördüm… Əbrəşkürə tayın getdi… Sarıkürə tayın görmək
gərək… Qızılkürə tayın gəlsin…
Çoban iki yüz əlli qoyunu birnəfəsə saydı. Onun gözəl hafizəsi vardı.
Otardığı qoyunların hamısının rəngindən, nişanından tanıyırdı. Bilirdi ki,
sürüdə neçə alakərə, neçə qarakürə, necə əbrəşkərə, neçə sarıkürə var.
-Kərbəlayı, bayaqdan darını kola tökürdün. Indi ürəyin yerinə gəldi?
-Başından yekə danışma! Bayaq dedimki, daha mən sənə inanmıram! Sən
şeytana papış tikərsən. Indi sən deyəndə ki, “alakərə tayın getdi”, mən nə bilim
hara getdi! Rus gədəsi Vasqanın qarnına, yoxsa erməni dığası Karapetin
gödəninə, ya da Başkəndin dəlisi Şahhüseynin dümbəyinə… Dağ boyda yonca
tayalarım gözümün qabağında əriyir, amma bilmirəm öz heyvanlarımın qarnına
gedir, yoxsa camaatın.
Sürü həyətə dağılmışdı. Qarı yalayır, atılıb-düşürdü.
-Şaxtadır, tez ol sürünü yığ tövləyə! Gəl ot apar, görmürsən heyvanlar
acından qar yeyir?!
-Kərbəlayı, insafın olsun, ac heyvan belə oynamaz. Qoyun deyər “qarnımı
doyur, qara basdır”.
-Yetim İsmayıl təki az mövzə oxu, dedim sürünü yığ tövləyə, vəssalam!
Bir azdan gəlib özüm sayacağam!..
XOCAHAN BAZARINDA
Gözəl qadın, ya parlaq güzgü-bunları bir-birindən ayırmamqmı olar?
Təəssüf ki, gənclik çağlarında bu güzgünü ləkədən qorumaq hamıya qismət
olmur. Bə
,
zi ağılsız gözəllər on altı gün ömür sürən zərli kəpənəklər təki
aldanıb incə qanadlarını qanqallar üzərində məhv edirlər. Bəlkə babalarımız elə
buna görə də “Gözəlin ağlı az olar” hökmünü çıxarmışlar.
Həcər belə gözəllərə bənzəmirdi. Elçiləri çoxaldıqca Şirvanın nar kolları təki
başını aşağı salıb qızarırdı. Onun sinəsi yenicə qönçələnmişdi. Bütün
Zəngəzurda hamı bu xallı qızın gözəlliyindən danışırdı. Təbiət elə bil öz qüdrət
əlinə tapşırmışdı ki, onun badamı gözlərinə sürmə çəksin. Promotej sanki odu
onun yanağından oğurlamışdı. Səhləb çiçəyi! Qız bu çiçək təki həmişə təravətli
idi. Onun ətrindən xumarlanmaq, onu dərib yaxaya sancmaq çoxlarını
ürəyindən keçirdi. Lakin qızın yaqut dodaqlarını bulaqlardan başqa heç kəs
öpməmişdi. Ətirli, parlaq saçlarını yalnız dağ küləyi daramışdı. Zərif
barmaqları yalnız Nəbinin qara qıvrım saçlarında, bir də toxuduğu əlvan
xalçaların naxışlarında gəzmişdi. Qızın sehrkar, musiqili səsi Nəbini hələ
uşaqlıqdan məftun etmişdi. O zaman Alogilin yoxsul daxması balaca Həcərə o
Dostları ilə paylaş: |