175
gəlib. Daha bunlardan artıq dəlil, sübut olar?! O quldur Ərzəqaya davasında neçə-
neçə bəy öldürüb.
“Тифлисский листок”da Şeyxul-İslamın müraciəti dərc olunmuşdu.
Şeyxul-İslam Qaçaq Nəbini kafır, dinsiz adlandırır və onun tezliklə tutulub
asılmasını tələb edirdi.
Daha nə qədər dəlil-sübut olar?! Bəylərə, koxalara, pristava göndərdiyi hədə-qorxu
mətublarının isə sayını bilən yoxdur. Məmməd bəylə Ala Mahmud bəy indi Gorus
xəstəxanasında can verir. Pristav Əliyevin ölümü padşaha da bəllidir. Bəs bunlar
dəlil-sübut deyil?! Sübut!.. Sübut!.. General Skalon gah Peterburqda, gah Tif lisdə
oturub elə hey Sübut axtarır. Bu on səkkiz qovluq möhürlü kağızların hamısı dəlil-
sübutdur!” müstəntiq Beçerovun sallaq dodaqları pıçıldadıqca
çənəsindəki yumruq
boyda saqqalı tərpənirdi. “Bu gözümə düşən nədi?” O, barmağını eynəyinə
yaxınlaşdırıb qabarıq şüşənin üstündə vızıldayan milçəyi qovur, yenidən sənədləri
dörd gözlə eşələyir, oradan cürbəcür rənglə, cürbəcür xətlə yazılmış möhürlü ölüm
aktlarını tapıb səliqə ilə qovluğa tikirdi: “Axşama az qalır, bu zəhrimar heç
qurtaran deyil. Həcərin dindirilməsi də yarımçıq qaldı. Gərək necə olur-olsun
Məmməd bəylə Ala Mahmud bəyin ağır yaralanmasını onun boynuna qoyam.
Qardaşları Məmmədlə Lətifin cinayət işlərini də onun cinayət işi ilə əlaqələndirəm.
Yoxsa Səlim bəy bir xoş təbəssümə o it küçüklərini Sibirdən qaytara bilər. Eh...
mən də özümə peşə tapmışam. Hərə öz kefindədir, mən bədbəxt də burda
kargüzarlıq edirəm. Hələ araşdırılmalı yeddi qovluq sənədim qalır...”
Səlim bəy bir yerdə qərar tuta bilmirdi. Həcər xanımın səsi Səlim bəyin
beyninə düşmüşdü:
Qazamat istidir ağrıyır başım,
Axır gecə-gündüz qanlı göz yaşım.
Yanımda tapılmır qohum-qardaşım,
Mənim bu
günümdə gələsən, Nəbi!
Qazamat dalını dələsən, Nəbi!
Səlim bəy qızıl müştüyünə bir papirəs taxtı, alışdırdı. Tüstü tavandan asılmış
otuzluq lampanı bürüdü: “Oxu, oxu... qoy bu erməni dığası rədd olub getsin!
Səninlə mən tezliklə danışacağam...” O, əllərini arxasında çataqlayıb ayı dərisi
döşənmiş geniş kabinetində dinməzcə var-gəl etdi: “Bilmirəm bu müstəntiq niyə
adamları mənim kabinetimdə dindirir? Dəli şeytan deyir... Yox, qovsam, gedib
ağzını Tiflisdə dağıdacaq...”
Müstəntiq, Səlim bəyin dolmuş halda gəzişməsindən narahat olmuşdu.
Sənədləri tələm-tələsik qovluğa tikirdi. Birdən barmağına iynə batdı: “Zəhrimara
qalasan!”. Ufuldayıb iynəni kağızların üstünə tulladı və barmağını dişləri arasında
sıxıb, gözlərini eynəyin altından Səlim bəyə zillədi:
-Naçalnik, xahiş edirəm Həcər xanımı yenə çağırtdırın, onu bir də
dindirək, mən tələsirəm.
Səlim bəy qonur gözünü qıyıb müştüyünü saymazyana tüstülətdi:
-Cənab müstəntiq, onu mən özüm də dindirə bilərəm. Həcər xanım barədə
narahat olmağa dəyməz.
176
Müstəntiq pərt halda qanamış barmağını havada yellədi və sonra çeşməyinin
üstünə axan yumşaq qara saçlarını komalayıb balaca günlüklü furajkasının altına
yığdı. Milcək müstəntiqin çeşməyinin qabağında yenə vızıldayırdı. O, iynəsini
götürüb başını aşağı saldı: “Hə deyirəm, Həcər xanımı sən dindir... Ancaq, dostum,
ayıq ol! Səni heç də ürəyindən keçirdiyino xoş günlər gözləmir”.
Müstəntiq Beçarov sənədləri sahmana salandan sonra həbs etdiyi
cinayətkarlara təqsirnamələr yazdı. O, əjdaha başlı qələmini tez-tez qatı mürəkkəbə
sancıb qarmaqarışıq imza atılmış möhürlü sənədlərin altına bu sözləri əlavə etdi:
“Məşhur kəndli üsyanının başçısı Qaçaq Nəbinin və Qaçaq Həcərin quldur
dəstəsinə kömək etdiyi üçün ən ağır cəzaya layıqdır!” Sonra da gözlərini
çeşməyinin altından Səlim bəyə parıldatdı:
-Naçalnik, məncə, quldurlara qoşulmuş axmaqlara bundan əskik cəza
vermək olmaz.
Səlim bəy donuxmuş halda müstəntiqin yazdığı “... ən ağır cəzaya layiqdir!”
cümləsini ürəyində təkrarladı, eyhamla gülümsədi:
-Cənab müstəntiq, indi həyatda hər şey mürəkkəbdir! Bir damla
mürəkkəblə həm baş kəsmək olar, həm nikah...
Müstəntiq Beçarov Səlim bəyə baxıb öskürdü və başını yelləyə-yelləyə
cibindən dəsmalını çıxartdı:
-Bu zəhrimar kağız-kuğuzun tozu məni lap öldürdü. Oho... oho... Yaxşı,
naçalnik, zəhmət olmasa, Həcərlə atasının aktını imzalamısansa, ver tikim işə.
Səlim bəy qızıl müştüyünü ağzının bir küncünə verib stolun siyirtməsindən
ətəyi qarışıq imzalarla zəncirlənmiş qoşa möhürlü iki akt çıxartdı.
-Al, cənab müstəntiq. Ikisini də imzalamışam. Hara istəyirsən tik...
Kərbəlayı Xanalının da cinayəti böyükdür. Qızı ilə Çəmənyurd davasında on beş
kazak yaralayıb, dörd bəy öldürüb. Məmməd bəylə Ala Mahmud bəyin sağ
qalmalarına da ümid azdır.
Beçarov aktı alıb gözünün qabağında yellədi, çeşməyə qonmuş milçək vızıltı
ilə havaya qalxdı.
-Əlbəttə, Qaçaq Nəbinin qohum-əqrabaları çox böyük cinayət törədiblər.
Onları nəsillikcə gərək Sibirə göndərək. Hələ Peterburqa yazıb Vasilini də həbs
etdirəcəyəm...
Səlim bəyin dodağında istehzalı bir təbəssüm oynadı. Onun mə
,
nası
müstəntiqə çatmamış pozuldu... Müştüyünü damağından alıb pəncərədən küçəyə
baxdı, sonra pəncərəni tələsik açdı. Mehdi köhlənini düz onun kabinetinə tərəf
çapırdı.
O, tövşüyən tərli atını pəncərənin altında saxlayıb sərt və məğrur bir nəzərlə
Səlim bəyə baxdı, əlindəki zərfi ona uzatdı:
-Al, cənab naçalnik, bu məktub sənə çatacaq! Qaçaq Nəbi göndərib!
Səlim bəy bu anda özünü qəfəsi dağıdıb çıxmış yaralı pələgin pəncəsində
hiss etdi. Lakin dəmir barmaqlıqlar arasından zillənən bir cüt alovlu göz onu
toxtatdı. Bəy barmağını tətikdə saxlayan Mehdini gözləri ilə qanlı-qanlı hədələdi
və heç təhlükə gözləmirmiş kimi laqeyidliklə zərfi açdı:
“Çatacaq əfətli Səlimə!”