Əziz oxucular! Bu mənim ilk kitabımdır. Yazmağa 2007-ci ildən başlamışam
Yüklə 5,01 Kb. Pdf görüntüsü
|
- Bu səhifədəki naviqasiya:
- Üçüncü fəsil
bir xanım idi. Gözlərindən ardı kəsilmədən yaş axır. Tez-tez nəfəsi ağırlaşırdı. Qızı isə ürəkdən hönkür-hönkür ağlayırdı. Mayor Səfərli onlara yaxınlaşıb sorğu suala başladı. - Salam. Allah rəhmət eləsin! İnşallah yoldaşınız da tezliklə sağalar. Mən cinayət axtarış şöbəsindən Mayor Yusif Səfərli. Əgər narahat etmirəmsə sizə bəzi suallar verərdim. - Buyurun! - deyən qadın hıçqırtılarla dolu səsi ilə Yusifə baxdı. - Xanım, onlar saat 7-də hara gedirdilər? Siz nə isə şübhəli şəxss gördünüzmü? - Yoldaşımın şəxssi pul dəyişmə məntəqəsi var. Cavadla hər səhər oranı açıb axşam 9 - 10-a kimi işlədirdilər. Bu gün də həmçinin. Axı bu vəhşiliyi kim edə bilər? Ağlıma heç kəs gəlmir. Sanki dəhşətli yuxu görürəm. - Bəs yoldaşınız işində, tanışları arasında yola getmədiyi və yaxud mübahisə etdiyi kimsə var idi? - Vallah nə deyim? Əgər varsa da mən bilmirəm. Çünki yoldaşım evdə işə aid, çöldə də evə aid bir kəlmə kəsməzdi. Heç bir söz deyə bilmərəm. – qadın başını yellədərək cavab verdi. - Bəs siz xanım? Mayor Səfərli kənarda oturub hönkür-hönkür ağlayan cavan qızdan yəni Fərhad kişinin qızından soruşdu. Dağınıq saçları altından ağlamaqdan gözləri şişmiş gənc xanım: - Yox tanımıram, bilmirəm, görməmişəm eşitməmişəm.....- deyib ucadan ağladı. Belə acı hadisəni bir anda yaşamaq heç də asan deyildi. Xanımın davranışı normal idi. Bu sual-cavabdan sonra Yusifə həkimlə də danışmalı olduğumuzu dedim. O da razılaşdı. Lakin bu sual cavabı mənim etməyimi istədi. Və qapının ağzında dayandı. Mən isə əməliyyat edən həkimlə danışmaq üçün kabinetinə girdim. Özümü təqdim etdikdən sonra: - İstintaqın gedişi üçün sizdən mümkün qədər dəqiq cavab verməyinizi xahiş edirəm. Mümkünsə Fərhad kişinin yarasının dərinliyindən və yerləşdiyi yerindən danışardınız. - Əlbəttə! Xəstənin kürəyində, ürək nahiyəsindən cəmi bir barmaq yuxarıya 11 sm-lik dərinliyində bıçaq yarası vardır. Yarası dərin idi. Lakin ürəyə toxunmadığından və heç bir daxili qan axma baş vermədiyindən lazımı tədbir görüldü. - İnşallah xəstəniz tezliklə gözlərini açar. Bizə məlumat verməyi unutmayın. Çox sağ olun... - Buyurun. Xəstəxanadan bir başa şöbəyə qayıtdıq. Məmmədzadə cinayətkarı tezliklə ifşa etməyimizi istəyirdi. Əlimizdəki məlumatı onunla bölüşdük. Qovluğu stola yeni qoymuşdum ki, içəri tibbi ekspertizadan kapitan Cəfər Cəfərli girdi. - Xoş gördük. – Cəfərin içəri girməyi ilə oturmağı bir oldu. - Əlimizdə olan məlumatlarla və tibbi açıqlamalarla sizi də tanış edim. Mərhumun üzərində 4 bıçaq yarası vardı. Yaranın 4-ü də qarın nahiyəsindən. Hər bir yaranın dərinliyi isə 7-9 sm-likdir. Qatil ara vermədən ardıcıl zərbələr endirmişdir. Yaraların dərinliyi qatilin ya var güclə vurduğunu, ya da güclü biri olduğunu sübut edir. Aldığı bıçaq zərbələrindən dərhal sonra Cavad yerindəcə ölmüşdür. - Cəfərli əlindəki ekspertizanın nəticələrini oxuyub yekunlaşdırdı. - Cərrahdan aldığım ifadəyə görə- bu zaman mən danışmağa başladım- Fərhad kişinin kürəyindən ürəkdən bir barmaq yuxarıya 11 sm-lik dərinliklə sancılmış bıçaq yarası vardı. Əlimdəki ifadəni diqqətlə oxuyaraq dedim. Mənim zənnimcə cinayət bir nəfər tərəfindən eyni bıçaqla törədilmişdir. Hadisə ilə bağlı ətraflı məlumatı şahidlərdən alacağımıza əminəm. Şahidlərdən ikisi artıq buradadır. - Onları bir azdan qəbul edərik. Bəs sən nə düşünürsən mayor Səfərli? - Məmmədzadə fikirli halda soruşdu. - Yoldaş Məmmədzadə, düşünürəm ki, vaxt itirmədən Fərhad kişinin pul dəyişmə məntəqəsinə gedib, oradakı insanlardan ifadələr almaq lazımdır. Hadisə çox güman ki, pul zəminində törədilib. Qatil onları bir neçə gün güdə, sonra planlı şəkildə öldürüb pulları alıb qaça da bilər. Onun kimliyi barədə yaralı şahidimiz ayıldığı zaman daha dəqiq fikir söyləmək olar. - Sizə güvənirəm yoldaşlar. Əgər qətl pula görə olubsa o məqsədinə nail olubmu? Əgər öldürmək məqsədi ilə gəlmişsə bəs niyə Fərhad bəyi yaralı halda qoyub qaçıb? Cinayətkar bilir ki, Fərhad kişinin ayılsa onun kimliyini açıqlayacaq. Bəs qətl törətməyə səbəbi nə olub? Bax bunları dəqiqləşdirmək lazımdır. Xəstəxanaya iki polis göndərin qoy Fərhad kişinin otağını gecə-gündüz qorusunlar. Otağa öz həkimindən və növbətçi tibb bacısından başqa kənar kimsəni buraxmasınlar. Unutmayın bu bir əmrdir!!! - Oldu polkovnik-leytenant! Şahidləri dindirməyə başlayaq?- deyə soruşdum - Bu işi sənə tapşırıram Qədir! Sözünü yekunlaşdıran kimi yoldaş Məmmədzadə, Cəfərli və Mayor Səfərli kabineti tərk etdilər. İfadə almaq isə mənə qaldı. Üçüncü fəsil Ayağa qalxıb qapını açdım. Dəhlizdə ayaq üstə dayanmış leytenant Həsənlini ifadələri yazmaq üçün yanıma çağırdım. Kabinetə geri dönərkən dəhlizdə əyləşmiş şahidlərdən birini içəri dəvət etdim. Dəhlizdə 3 nəfər şahid oturmuşdu. İçəri sadə geyimli, uca boylu arıq qarabəniz orta yaşlı kişi daxil oldu. O yeni köçmüş qonşularımızdan olduğuna görə tanışlığım yox idi. Burada tanış oldum. - Özünüzü təqdim edin. - Sahib Zülfü oğlu Zülfüqarov. - Bu hadisə ilə bağlı gördüklərinizi danışın. - Cənab müstəntiq mən o vaxtlar işə gedərdim. Elə hər səhər də Fərhad bəy oğlu ilə işə gedəndə rastlaşıb salamlaşardıq. Atası rəhmətlik oğlunu özündən çox sevərdi. - Cinayət baş verən zaman siz harda idiz? - Mən əlimdəki pulla daha doğrusu qəpiklərimlə çörək almağa gedirdim. O gün işimdən azad idim. Qızıma ad günü keçirəcəkdim. 1 ay əvvəldən başımı xarab edirdi ki, ata mənə ad günü keçirt, bəs sinif yoldaşlarım da gəlsin. - Sonra? - Əlimdə haradasa 7 çörəklik qəpiklərim vardı. Bu vaxt arxamda binamızın blokundan həmin ata-oğul çıxdılar. Öyünərək dedim ki, sizdən fərqli olaraq mən bu gün işə getmirəm. Özümə istirahət ayırmışam. Fərhad bəylə əl uzadıb salamlaşanda qəpiklərim yerə səpələndi. Tez əyilib onları yığmağa başladım. Haradasa 3 qəpik yığmışdım ki, Cavadın Fərhad bəyin qarşısında durub biri ilə mübahisə etdiyini gördüm. - O insan necə biri idi? Təsvir edə bilərsən? - Əlbəttə. Qara uzun plaş geyinmişdi. Hündür boy, enli kürəkli bir kişi idi. Düşündüm ki, özgənin işinə qarışmağa haqqım yoxdur. Odur ki, əyilib yerdə səpələnmiş digər qəpiklərimi də yığmağa başladım. - O şəxss Cavaddan da hündür idi? - Bir az hə... - Sahib tərəddüdlə cavab verdi. - Bəs təxminən neçə yaşı vardı? - Nə bilim cənab müstəntiq üzünü yandan gördüm... - Saçı necə idi? - Saçının rəngi qara idi. Adi saçı vardı, nə bilim. Formasına fikir vermədim. - Demək pulunuzu yığırdınız.....- sualıma davam etdim. Yüklə 5,01 Kb. Dostları ilə paylaş:
|